AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tender bazarının yeni ulduzu Talıblı Lamiyə kimdir?


Tarix 29.09.22, 13:00	Font ölçüsü : - / +

Tender bazarının bu yeni ulduzu kimdir?…

Azərbaycanda tender prosedurlarının saxtalaşdırılması halları barədə kifayət qədər yazılıb. Dövrü mətbuatın demək olar ki, hər gün yaydığı yeni məlumatlara baxmayaraq bu proses hələ də davam etdirilir. Yəni, birdəfəlik şirkətlər gündəmdən düşmür. Eyni ünvanda yaradılan onlarla MMC-nin bir çox satınalmalarda qalib olmalarının çox şahidi olmuşuq. Bir nəfərin adına yaradılan bir neçə MMC-lər barədə də kifayət qədər məlumatlar var. Amma bir nəfərin adına yaradılmış 4 MMC-nin may-sentyabr aylarında 15 satınalmanın qalibi olması barədə ilk dəfə rastlaşdıq. Tender bazarının bu yeni ulduzu kimdir? Tanış olaq.

Kommersiya qurumunun hüquqi şəxslərin dövlət reyestrinə daxil edilmiş məlumatlarında "ECHO MOON LT” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 03.03.2022-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ YASAMAL RAYONU, H.Q.MUSTAFAYEV, ev 11, qanuni təmsilçisinin isə Talıblı Lamiyə Ədixan qızı olduğu göstərilir.

Apardığımız araşdırmalar zamanı məlum oldu ki, "ECHO MOON LT” Məhdud Məsuliyyətli Cəmiyyəti dövlət qeydiyyatına alındıqdan cəmi iki ay ay sonra Səhiyyə Nazirliyinə və Milli Elmlər Akademiyasına tabeli qurumların keçirdikləri kotirovka sorğularının qalibi olmağa başlayıb.

Azərbaycan Milli Elmlər Akademiyasının Azərbaycan Tarixi Muzeyi tərəfindən "Milli Azərbaycan Tarixi Muzeyinin kolleksiyasında dekorativ silahlar ” adlı sərginin qurulması üzrə keçirilmiş kotirovka sorğusunda qalib elan olunmuş və 17.05.2022-ci ildə 7 495 manat məbləğində satınalma müqaviləsi bağlanmışdır.

Akademik Zərifə Əliyeva adına Milli Oftalmologiya Mərkəzi tərəfindən digər malların alınması üzrə keçirilmiş kotirovka sorğusunda qalib elan olunmuş və 25.05.2022-ci ildə 23 499.5 manat məbləğində satınalma müqaviləsi bağlanmışdır.

"Xəzər Tibb Mərkəzi” publik hüquqi şəxsi tərəfindən digər malların alınması üzrə keçirilmiş kotirovka sorğusunda qalib elan olunmuş və 07.06.2022-ci ildə 3745.2 manat məbləğində satınalma müqaviləsi bağlanmışdır.

Azərbaycan İstiqlal Muzeyi tərəfindən fotoşəkil və çərçivə mallarının satın alınması üzrə keçirilmiş kotirovka sorğusunda qalib elan olunmuş və 28.07.2022-ci ildə 5510 manat məbləğində satınalma müqaviləsi bağlanmışdır.

Səhiyyə Nazirliyinin Tibbi Təchizat Bazası tərəfindən dəftərxana və təsərrüfat malları üzrə keçirilmiş kotirovka sorğusunda qalib elan olunmuş və 25.08.2022-ci ildə 11 700 manat məbləğində satınalma müqaviləsi bağlanmışdır.

Azərbaycan Milli Elmlər Akademiyasının Akademik Y.H.Məmmədəliyev adına Neft-Kimya Prosesləri İnstitutu tərəfindən dəftərxana ləvazimatlarının satınalınması üzrə keçirilmiş kotirovka sorğusunda qalib elan olunmuş və 23.09.2022-ci ildə 17 353 manat məbləğində satınalma müqaviləsi bağlanmışdır.

"ECHO MOON LT” MMC bu kotirovkalardan ümumi olaraq 69 302 manatlıq dövlət sifarişi alıb.

Kommersiya qurumunun hüquqi şəxslərin dövlət reyestrinə daxil edilmiş məlumatlarında "DELTA AS LT” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 03.03.2022-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ YASAMAL RAYONU, H.Q.MUSTAFAYEV, ev 11, qanuni təmsilçisinin isə Talıblı Lamiyə Ədixan qızı olduğu göstərilir.

2 nömrəli Baza Tibb Kolleci tərəfindən dəftərxana və təsərrüfat mallarının satınalınması üzrə keçirilmiş kotirovka sorğusunda qalib elan olunmuş və 27.05.2022-ci ildə 15 199.69 manat məbləğində satınalma müqaviləsi bağlanmışdır.

Sabunçu rayon Gənclər, İdman və Turizm İdarəsi tərəfindən keçiriləcək idman tədbirləri üçün hədiyyələr, və idman mallarının alınması üzrə keçirilmiş kotirovka sorğusunda qalib elan olunmuş və 02.06.2022-ci ildə 20 975 manat məbləğində satınalma müqaviləsi bağlanmışdır.

"İctimai Səhiyyə və İslahatlar Mərkəzi” publik hüquqi şəxsi tərəfindən qeyri-infeksion xəstəliklərlə mübarizəyə dair tədbirlərin təşkili üzrə keçirilmiş kotirovka sorğusunda qalib elan olunmuş və 09.06.2022-ci ildə 39 670 manat məbləğində satınalma müqaviləsi bağlanmışdır.

Azərbaycan İstiqlal Muzeyi tərəfindən müxtəlif kitabların alınması üzrə keçirilmiş kotirovka sorğusunda qalib elan olunmuş və 28.07.2022-ci ildə 4 985 manat məbləğində satınalma müqaviləsi bağlanmışdır.

"DELTA AS LT” MMC bu kotirovkalardan ümumi olaraq 80 829 manatlıq dövlət sifarişi alıb.

Kommersiya qurumunun hüquqi şəxslərin dövlət reyestrinə daxil edilmiş məlumatlarında "QLOBAL 18 CORP” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 03.03.2022-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ YASAMAL RAYONU, H.Q.MUSTAFAYEV, ev 11, qanuni təmsilçisinin isə Talıblı Lamiyə Ədixan qızı olduğu göstərilir.

Dövlət qeydiyyatına alındıqdan 3 ay sonra isə "QLOBAL 18 CORP” Məhdud Məsuliyyətli Cəmiyyəti fəaliyyətə başlayıb.

"İctimai Səhiyyə və İslahatlar Mərkəzi” publik hüquqi şəxsi tərəfindən Psixoloji konsultasiyaların təmin olunması üçün Videodoktor platformasının və mühasibat proqramının texniki dəstəklənməsi üzrə keçirilmiş kotirovka sorğusunda qalib elan olunmuş və 28.06.2022-ci ildə 27 240 manat məbləğində satınalma müqaviləsi bağlanmışdır.

"Bakı şəhər Narkoloji Mərkəzi” publik hüquqi şəxsi tərəfindən dəftərxana və təsərrüfat malları üzrə keçirilmiş kotirovka sorğusunda qalib elan olunmuş və 23.09.2022-ci ildə 7000 manat məbləğində satınalma müqaviləsi bağlanmışdır.

"QLOBAL 18 CORP” MMC bu kotirovkalardan ümumi olaraq 34 240 manatlıq dövlət sifarişi alıb.

Kommersiya qurumunun hüquqi şəxslərin dövlət reyestrinə daxil edilmiş məlumatlarında "ORLONDO 05 CORP” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 03.03.2022-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ NƏSİMİ RAYONU, ASİF MƏHƏRRƏMOV, ev 22A, m. 20, qanuni təmsilçisinin isə Talıblı Lamiyə Ədixan qızı olduğu göstərilir.

Dövlət qeydiyyatına alındıqdan altı at sonra Lamiyə Laıblı "fəaliyyətə” "ORLONDO 05 CORP” Məhdud Məsuliyyətli Cəmiyyətini buraxıb. Bu MMC isə təkcə sentyabr ayında bir tender və iki kotorivka sorğusunda qalib olub.

Azərbaycan Milli Elmlər Akademiyasının Neft-Qaz İnstitutu tərəfindən tikili və avadanlıqların cari təmir xərclərinin satınalınması üzrə keçirilmiş kotirovka sorğusunda qalib elan olunmuş və 08.09.2022-ci ildə 19 755 manat məbləğində satınalma müqaviləsi bağlanmışdır.

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti tərəfindən Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin tələbatı üçün əşya-geyim ləvazimatının satınalınması üzrə keçirilmiş Açıq Tenderdə qalib elan olunmuş və 22.09.2022-ci ildə 56 338 manat məbləğində satınalma müqaviləsi bağlanmışdır.

"Azərbaycan Dəmir Yolları” Qapalı Səhmdar Cəmiyyəti Həkim-Sanitar Xidmətinin 2 Saylı Bakı Dəmir Yolu Poliklinikası Məhdud Məsuliyyətli Cəmiyyəti tərəfindən tikili və avadanlıqların cari təmiri üzrə keçirilmiş kotirovka sorğusunda qalib elan olunmuş və 23.09.2022-ci ildə 13 855.31 manat məbləğində satınalma müqaviləsi bağlanmışdır.

"ORLONDO 05 CORP” MMC bu kotirovkalardan ümumi olaraq 89 948 manatlıq dövlət sifarişi alıb.

Qeyd edək ki, Talıblı Lamiyə Ədixan qızının 03.03.2022-ci il tarixdə dövlət qeydiyyatına aldığı MMC-lər bunlarla bitmir. BAKI ŞƏHƏRİ YASAMAL RAYONU, H.Q.MUSTAFAYEV, ev 11 ünvanında həm də "LMY 98 CORP” Məhdud Məsuliyyətli Cəmiyyəti dövlət qeydiyyatına alınıb. Çox güman ki, yaxın vaxtlarda bu MMC-də "xoda” salınacaq.

Dövlət satınalmalarının vahid internet portalına yerləşdirilmiş məlumatlardan da görsəndiyi kimi Talıblı Lamiyə Ədixan qızının adına bir gündə yaradılmış 4 MMC may-sentyabr aylarında 14 kotirovka sorğusunda və bir açıq tenderdə qalib gəlib ümumi olaraq 274 319 manat məbləğində dövlət sifarişi alıb. Bu sifarişlərin çoxunu isə Səhiyyə Nazirliyinə və Milli Elmlər Akademiyasına tabeli qurumlardan alıb. Bir gün ərzində 5 MMC yaradıb 4-5 ay ərzində ümumi olaraq 274 319 manat məbləğində dövlət sifarişi alıb satınalma müqaviləsi bağlamaq hər kəsin işi deyil. Kimdir Talıblı Lamiyə Ədixan qızı ki, bu qədər dövlət sifarişi ala bilir?

Axı onun qanunu təmsilçisi olduğu MMC-lərin heç biri"Dövlət Satınalmaları Haqqında” Azərbaycan Respublikası Qanununun tələblərinə heç çür cavab vermir. Qalibi olduğu satınalmalarda demək olar ki, müvafiq sahədə peşəkarlığı, təcrübəsi, texniki və maliyyə imkanları, işçi qüvvəsi, idarəetmə səriştəsi, etibarlığı nəzərə alınmamışdır. Bəs ona bu şəraiti yaradan kimdir? Onu tapmaq lazımdır.

Mənbə: Aktualinfo.org

Xəbərin oxunma sayı : 652