AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Ukraynaya müdaxilə edilərsə, “ciddi fəsadlar” olacaq - Blinken Rusiyaya


Tarix 03.12.21, 9:46	Font ölçüsü : - / +

ABŞ Dövlət Katibi Antoni Blinken cümə axşamı rus həmkarına Rusiyanın qonşu Ukraynaya müdaxiləsinin "ciddi fəsadlara" gətirib çıxaracağına dair xəbərdarlıq edib və ona Şərqi Avropa ölkələri arasında münaqişənin diplomatik yolla həllini axtarmağa çağırıb.

Blinkenin Rusiya xarici işlər naziri Sergey Lavrova xəbərdarlığı iki yüksək rütbəli diplomatın Stokholmda görüşündən əvvəl və Blinkenin "keçmişdə istifadə etməkdən çəkindiyimiz bir sıra yüksək təsirli iqtisadi tədbirlər də daxil olmaqla" ABŞ-ın Rusiyanın Ukraynaya qarşı hücumuna “qətiyyətlə cavab verəcəyini” bəyan etməsindən bir gün sonra gəlib.

“Böhrandan qaçmağın ən yaxşı yolu diplomatiyadır və mən Sergeylə bunu müzakirə etməyi səbirsizliklə gözləyirəm,” Blinken Lavrovla görüşdən əvvəl media brifinqində bildirib.

Blinken deyib ki, ABŞ Rusiya və Ukraynaya keçmiş Sovet respublikasının şərq hissəsində rusiyayönlü separatçılarla Ukrayna hökumət qüvvələri arasında müharibəyə son qoymaq məqsədi daşıyan 2014-cü ildə imzalanmış sülh sazişindən irəli gələn öhdəlikləri yerinə yetirməyə kömək edəcək.

Lakin “Rusiya qarşıdurma davam etdirmək qərarına gəlsə, bunun ciddi nəticələri olacaq” – deyə, Blinken xəbərdarlıq edib.

Lavrov Moskvada jurnalistlərə deyib ki, Rusiya Ukrayna ilə danışıqlara hazırdır. “Prezident Putinin də dediyi kimi, biz heç bir münaqişə istəmirik,” o bildirib.

Kremlin sözçüsü Dmitri Peskov Moskvada jurnalistlərlə telefon danışığı zamanı deyib ki, Ukraynanın Rusiya ilə sərhəddə “aqressiv və getdikcə intensivləşən təxribat hərəkəti” hərbi əməliyyatların alovlanması ilə bağlı narahatlıq yaradır.

"Ukraynada hərbi əməliyyatların baş vermə ehtimalı hələ də yüksək olaraq qalır," Peskov qeyd edib.

Blinkenin Lavrovla görüşündən sonra ABŞ Dövlət Departamentinin sözçüsü Ned Prays açıqlamasında bildirib ki, Blinken “ABŞ-ın Rusiyaya öz qüvvələrini geri çəkməyə və sülh dövründəki vəziyyətə qayıtmağa, Minsk razılaşmalarına və Donbasda atəşkəs rejiminə riayət etməyə çağırışını" təkrarlayıb

Yüksək səviyyəli ABŞ rəsmisi jurnalistlərə görüşün "ciddi, sağlam və işgüzar" olduğunu deyib. Rəsmi bildirib ki, danışıqlarda heç bir razılıq əldə olunmayıb, lakin tərəflər dialoqu davam etdirməyə razılaşıblar.

Blinken daha əvvəl Ukraynanın xarici işlər naziri Dmitri Kuleba ilə görüşündə Rusiyanın Ukraynaya qarşı “aqressiv mövqeyi” adlandırdığı üçün narahatlığını ifadə etmişdi.

Amerikanınsəsi

Xəbərin oxunma sayı : 946