AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Ziya Məmmədov klanı tam çökə bilər – Ramiz Mehdiyevin əsas güc qaynağı...


Tarix 18.09.20, 10:51	Font ölçüsü : - / +

AMEA rəhbəri Ramiz Mehdiyevin nəvəsinin toyuna qatılıb, amma kölgədə qalanlardan biri də sabiq nəqliyyat naziri Ziya Məmmədovun qardaşı Elton Məmmədov oldu. Ziya Məmmədov vəzifədən çıxarılandan sonra Elton Məmmədov bir müddət işsiz qaldı. 2020-ci ilin yanvarında isə Ramiz Mehdiyevin xeyir-duası ilə Elton Məmmədov AMEA-nın İşlər İdarəsinin müdiri vəzifəsinə təyinat aldı. Bu təyinat uzun illər ictimaiyyət üçün gizli qalan əlaqələrin üzə çıxması idi.

Elton Məmmədovun nəzarətində olmuş Bakı Beynəlxalq Avtovağzalı "2009-2013-cü illərdə Regionların sosial-iqtisadi inkişafı Dövlət Proqramı” çərçivəsində, o dövrdə Nəqliyyat Nazirliyinin sifarişi ilə tikilib. Obyekt o zaman nazir olan Ziya Məmmədovun ailə biznes imperiyasını özündə birləşdirən "ZQAN” Holdinq tərəfindən inşa edilmişdi. Baş podratçı isə "Bakı XXI Əsr” MMC adlı şirkət idi. "Bakı XXI Əsr” MMC-nin təsisçisi Böyük Britaniyanın Vircin adalarındakı "Trans European Leasing Group” LTD-dir. "Bakı XXI Əsr” MMC Azərbaycanda 2004-cü ilin martında qeydiyyatdan keçib. Həmin şirkətin isə təsisçisi o vaxt deputat olan Elton Məmmədov idi.

Elton Məmmədov özü mətbuata bu şirkətin təsisçisi olduğunu təsdiqləmişdi. Avtovağzal kompleksinin 80-100 milyon dollara başa gəldiyi bildirilir. Kompleksə 1500 mağazadan ibarət ticarət mərkəzi, irili-xırdalı onlarla kafe, 4 ulduzlu "Comfort İNN” hoteli, 720 yerlik avto dayanacaq, "Bakı XXI Əsr” adlı yanacaqdoldurma, avtoyuma və təmir məntəqələri daxil idi. Ziya Məmmədov vəzifədən gedəndən sonra onun klanının fəallığı nəzərə çarpmırdı. Elton Məmmədovun bir-birinin ardınca vəzifələrə təyinat alması, 2019-cu ildə Anar Məmmədovun ölkəyə qayıtması onlara münasibətdə münasibətin bir qədər yaxşılığa doğru dəyişmişdi. Elton Məmmədovun Ramiz Mehdiyevlə sıx əlaqələri isə vəziyyətin Məmmədovlara münasibətdə dəyişə biləcəyi ehtimallarını doğurur.

Anar Məmmədov atası Ziya Məmmədov vəzifəsini itirməzdən çox əvvəl ölkədən gedib. Onun Böyük Britaniyanın paytaxtı Londonda məskunlaşdığı haqda xəbərlər vardı. 2017-ci ildə Zamirə Hacıyevanın Britaniyada ilk dəfə tətbiq edilən "İzahedilməz Sərvət Sərəncamı” (UWO) çərçivəsində məhkəməyə çəkilməsindən sonra Anar Məmmədovun oradan getdiyi deyilirdi. Həmin dövrdə Məmmədovların "ZQAN” adı ilə qurduqları, sonradan "Garant”a çevrilmiş holdinqlərinə daxil olan şirkətlər nəzarətlərindən çıxarılırdı. Hətta 2018-ci ildə Anar Məmmədovun Bakıdakı bir neçə daşınmaz əmlakı üzərinə həbs də qoyulmuşdu. Məlum olmuşdu ki, Anar Məmmədov və şirkətlərinin "Paşa Bank”a kredit borcu var. O dövrdə məhkəmədə cavabdeh qismində "Garant İnşaat Sənaye” MMC, "Garant Holding” MMC, "Azpod” MMC və Anar Ziya oğlu Məmmədovun adları keçirdi. Abşeron Rayon Məhkəməsi onlara məxsus bir neçə əmlakın - Bakı şəhəri, Nərimanov rayonu, 507-ci küçə, 2093-cü məhəllədə yerləşən müəssisə, eyni zamanda əmlak kompleksi, Nərimanov rayonu, İslam Abışov küçəsi, 5A ünvanında yerləşən qeyri-yaşayış binası və Anar Məmmədovun mülkiyyətindəki Nərimanov rayonu, Məmməd Araz küçəsi, 25V, giriş 5 ünvanında yerləşən 9 saylı qeyri-yaşayış sahəsinin üzərinə həbs qoymuşdu. Söhbət 1 milyon 141 min 203 manat 17 qəpikdən gedirdi.

Bu, bankdan götürülən kredit, kredit faizləri və hesablanmış cərimənin toplam məbləği idi. Bank məhkəmədən borcun ipoteka predmetinə yönəldilməsini də tələb etmişdi. Apelyasiya şikayəti verən "Garant İnşaat Sənaye” MMC banka olan borcu müqabilində 2 milyon 300 min manatdan yuxarı dəyərdə əmlak təminatı verdiyini göstərmişdi. Şikayətdə vurğulanmışdı ki, Abşeron Rayon Məhkəməsinin qərarında bu hal nəzərə alınmayıb və "qeyri-mütənasib olaraq, tərəflərin mülkiyyət hüquqlarının həyata keçirilməsi kobud şəkildə pozulub”. Ancaq daha sonra Anar Məmmədov şikayətini geri götürmüşdü.

Bundan başqa, Məmmədovlara məxsus Qubadakı beşulduzlu "Quba Rixos” hoteli də rebrendinq edilib. Hotel 2018-ci ilin aprelindən "Quba Palace” adı ilə fəaliyyətə başlayıb. Qeyd edək ki, Azərbaycanda ilk və yeganə qolf meydançasına malik keçmiş "Rixos” hotel kompleksi 2013-cü ildə istifadəyə verilib. Hazırda kompleks Məmmədovların nəzarətində deyil.

Məmmədov klanı hakimiyyətdə təmsil olunduğu illərdə adları böyük qalmaqallarda, ölüm işlərində, jurnalistlərin məhkəmələrə çəkilməsində və döyülməsində hallanırdı. 2014-cü ilin aprelində qəzetimizin əməkdaşı Fərahim İlqaroğlunun döyülməsi də Məmmədov klanına bağlı idi. Ziya Məmmədovun xüsusi adamlar saxladığı və onlardan lazım olduğu zaman məharətlə istifadə etdiyi ilə bağlı mətbuatda bir sıra faktlar var. Fərahim İlqaroğlunu da məhz Məmmədovların "qoçuları” döymüşdü. F.İlqaroğlu hazırda Almaniyada mühacirətdədir. 25 aprel 2014-cü il tarixində F. İlqaroğlu "Yeni Müsavat”da çalışdığı günlərdə evinin qarşısında naməlum şəxs tərəfindən amansızlıqla döyülmüş, fiziki təzyiqə məruz qoyulmuşdu. Nizami Rayon Polis İdarəsi əməkdaşları jurnalisti döyən Feyruz Termişi tulandan sonra etiraf edib ki, jurnalistin döyülməsi sifarişini Kikboksinq Federasiyasının keçmiş idmançısı Tural Bayramovdan alıb. Bu şəxsin isə sabiq nəqliyyat naziri Ziya Məmmədovun qardaşı, eks-deputat Elton Məmmədovun oğlu Aynar və Elnur Məmmədovlarla çox sıx əlaqələri üzə çıxmışdı. O dövrdə sifarişi icra edən Feyruz Termişi saxlanılsa da, Tural Bayramov və əsas sifarişçi Aynar Məmmədov istintaqdan kənar qala bildilər. Səbəb də sadə idi - Aynar Məmmədovun əmisi Ziya Məmmədov nazir, atası isə deputat idi. Tural Bayramov da iş üzrə açar fiqur olduğundan onu da istintaqdan yayındırmışdılar.

Məmmədov klanına münasibətdə vəziyyət hər an dəyişə bilər. Elton Məmmədovun Ramiz Mehdiyevin səngərində yer alması, Ziya Məmmədovun özünün baş nazirin sabiq 1-ci müavini, Rusiyaya sığınan Abbas Abbasovla əlaqələri klanın gələcəyini sual altına alıb.

Mənbə: "Yeni Müsavat"

Xəbərin oxunma sayı : 1315