“Unikal”ın məlumatına görə, hakim Eldar İsmayılovun sədrliyi ilə keçirilən məhkəmə prosesində dövlət ittihamçısı Eldar Həmzə törədilən cinayətin sonuncu epizodu Ucar rayonu ərazisində törədildiyindən məhkəmənin aidiyyəti üzrə Şəki Ağır Cinayətlər Məhkəməsində keçirilməsi təklifini verib. Hakimlər müşavirə etdikdən sonra cinayət işinin materiallarının Şəki Agir Cinayətlər Məhkəməsinə göndərilməsi barədə qərar qəbul ediblər.

Qeyd edək ki, təqsirləndirilənlər Zamin Dadaş oğlu İbrahimov, Fəqan Elisa oğlu Həsənov, Bəhruz Nizam oğlu Hacıyev və Rəsul Əbülfət oğlu Abbasov, zərərçəkənlər - Mirələkbər Zaman oğlu Qasımov və Səmayə Əliağa qızı Hüseynovanın etibarından sui-istifadə edərək onların övladlarını maddəsini dəyişdirdikdən sonra həbsxanadan çıxarmaq adı ilə külli miqdarda, yəni 55 min manat bir, 12 min manat da bir pullarını alıblar. İstintaq materiallarından məlum olub ki, təqsirləndirilənlərdən Zamin İbrahimov əvvəllər ədliyyə orqanlarında çalışdığını əsas gətirərək zərərçəkənlərin etibarını qazana bilib.