AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

“Bu fikir və tezis ən çox YAP-a sərf edir“ - Natiq Cəfərli


Tarix 06.03.23, 10:16	Font ölçüsü : - / +

"Türkiyə siyasətini yaxından izləməyimizin bir çox səbəbi var - qardaş ölkədir, Azərbaycanın streteji müttəfiqidir, xarici siyasətdə koordinasiyalı fəaliyyətimiz var, Türkiyədə baş verənlərin Azərbaycana birbaşa və dolayı təsirləri olur və s. Türkiyə siyasətində baş verənlərdən dərs çıxartmalı məqamalar da çoxdur. Əslində Azərbaycanda illərdir belə bir fikir beyinlərə yeridilir ki, müxalifət birləşmir, ona görə də uğur qazana bilmir. Bu fikir və tezis ən çox YAP-a sərf edir, amma müxalif camənın özü də bu fikri tez-tez gündəmə gətirir”.

Bunu Reyting.az-a REAL partiyasının sədr müavini Natiq Cəfərli deyib.

N. Cəfərli siyasətdə birlik modellərinin uğurlu olması üçün bəlli şərtləri sadalayıb:

Birincisi, siyasi birlik mütləq dəyərlər və prinsiplər üzərinə inşa edilməlidir, siyasi mövqeyi daban-dabana zidd olan partiyaların birliyi situativ və uğursuz olur.

İkincisi, siyasi birlik mütləq lehinə olmalıdır (ideyanın, məqsədin, məramın). Əleyhinə (şəxsin və ya siyasi partiyanın) olan birliklərin uğurlu olması çox çətindir, hətta mümkün deyil.

Üçüncüsü, siyasi birliklər mütləq seçkidən və ya hansısa siyasi prosesin bitməsindən sonra uğurlu ola bilər - seçki bitir, güc dəngələri məlum olur, xalqın, seçicinin verdiyi mandat və güclə siyasi alver (sözün yaxşı mənasında) başlayır, ittifaqlar qurulur və bu birliklər, ittifaqlar qalıcı və uğurlu olur, çünki təməlində xalqın verdiyi mandat, siyasi maraqların ölkəni idarəetmə istəyi üçün uzlaşması dayanır.

N. Cəfərlinin fikrincə, qardaş Türkiyədə baş verənlər bir daha sübut edib ki, əleyhinə və situativ birliklər uğurlu model deyil, məhz buna görə Azərbaycanda da son 30 ildə 10-11 müxtəlif birlik modelləri olub və hamısı hüsranla nəticələnib: "Çünki o modellər ideya, tezis, dəyər, proqram üzərinə olmayıb, şəxslər əleyhinə olan birliklər idi. Elə birlik modellərinə nifaq salmaq da, ayrılıq yaratmaq da çox asandır, necə ki, biz bunun dəfələrlə şahidi olmuşuq.

Millət, ona görə də kim sizə desə ki, müxalifətin uğursuzluğunun səbəbi birliyin olmamasıdır, gülün-keçin, ya bilmir mövzunu, ya da elə YAP-ın maraqlarını güdür. Və ya kim sizə desə ki, müxalifətin birliyi üçün bir tək İlham Əliyevə qarşı olmaq yetər, onu da ciddiyə almayın-qatı radikal dindar və ya qatı etnik millətçi və ya kommunist də Əliyevə qarşı ola bilər, amma bu onlarla birlik modeli qurmaq üçün yetərli deyil”.

N. Cəfərli sonda təəssüflə qeyd edib ki, Azərbaycandakı bəzi siyasi partiyalar birliyi məhz belə görürlər deyə siyasi anlamda "dadsız-duzsuz salat” düzəltməklə məşğul olublar: "Nə dəyər, nə prinsip, nə də ideologiya öndə olmayıb, elə buna görə də uğur qazana bilməyiblər”.

Xəbərin oxunma sayı : 358