AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Arzu Rəhimov görməli olduğu işi unutmuşdu“ - Hərbi ekspert


Tarix 26.10.21, 13:45	Font ölçüsü : - / +

"Müharibə Arzu Rəhimov başda olmaqla digər rəsmi şəxslərin yadına saldı ki..."

"Yeni bir müharibə olmayacaq və bunun üçün də əsas yoxdur. Sadəcə, uzun illərdir Səfərbərlik və Hərbi Xidmətə Çağırış üzrə Dövlət Xidmətinin görməli olduğu bir iş var, amma adıçəkilən qurum bu işi unutmuşdu. Ötən ilki 44 günlük savaş başda səfərbərlik və hərbi xidmətə çağırış üzrə dövlət xidmətinin rəisi Arzu Rəhimov olmaqla digər rəsmi şəxslərin yadına saldı ki, mütəmadi olaraq hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağrılmalıdır".

Hərbi ekspert Üzeyir Cəfərov ehtiyatda olan hərbçilərin müxtəlif ixtisaslar üzrə təlim toplanışlarına çağırılmasını Meydan TV-yə şərh edərkən belə deyib.

Səfərbərlik və Hərbi Xidmətə Çağırış üzrə Dövlət Xidməti oktyabr 25-də məlumat yayıb.

Məlumatda bildirilir ki, "Hərbi vəzifə və hərbi xidmət haqqında” Qanunun 45-ci maddəsinə uyğun olaraq hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırılırlar.

Üzeyir Cəfərov deyir ki, insanların hər hansı narahatlığına əsas yoxdur: "Tez-tez belə təlimlər olacaq. Bunun davamı olaraq Fövqəladə Hallar Nazirliyi və Səfərbərlik və Hərbi Xidmətə Çağırış üzrə Dövlət Xidməti Bakıda, o cümlədən, böyük şəhərlərdə sığınacaqlarla bağlı, dağlıq yerlərdə keçən avtobillərin təlimlərə cəlb olunması işini planlaşdırıblar".

Üzeyir Cəfərov

Müdafiə Nazirliyi də oktyabrın 24-də toplanışlarla bağlı məlumat yayıb.

Bildirilir ki, müdafiə nazirinin təsdiq etdiyi 2021-ci il üçün hazırlıq planına əsasən oktyabrın 25-dən N nömrəli hərbi hissədə hərbi təlim toplanışı keçiriləcək: "Ehtiyatda olan bir qrup hərbi vəzifəlilərin cəlb olunacağı təlim toplanışında əsas məqsəd onların döyüş hazırlığının səviyyəsini, bilik və bacarıqlarını artırmaqdır. Təlimdə hərbi vəzifəlilər əvvəllər qazandıqları döyüş vərdişlərini, hərbi ixtisaslarını və təcrübələrini təkmilləşdirməklə yanaşı, ordumuzda olan müasir silahlar, hərbi texnika nümunələri ilə yaxından tanış olmaq, onların istismar qaydalarını öyrənmək imkanı əldə edəcəklər. Təlim toplanışı noyabrın 6-dək davam edəcək".

Təlimlərin xüsusi təyinatlı olduğuna gəlincə, Üzeyir Cəfərov bildirib ki, bu suallar bir qədər narahatçılıq yaradıb: "Ola bilsin ki, Azərbaycan müharibə yox, noyabrdan sonrakı aylarda antiterror əməliyyatı keçirəcəyi təqdirdə bu qüvvələrin gücündən istifadə etsin. Müharibə kiminlə edəcəyik? Geniş anlamda savaş artıq bitib. Yerinə yetirilməyən məsələ Dağlıq Qarabağda qalan qanunsuz silahlı dəstələrdir ki, noyabrın 9-da Rusiya, Azərbaycan və Ermənistan dövlət başçılarının görüşü ehtimal olunur. Əgər hər hansı fors-major hadisəsi olmayacaqsa, həmin görüşdə sərhədlərin tanınması ilə bağlı sənəd imzalamalıdırlar. Artıq həmin sənəd üzərində xeyli müddətdir işlər gedir. Bu, baş tutarsa, hər iki tərəf bir-birinin beynəlxalq müstəvidə olan sərhədlərini tanıyacaq. Ötən həftə Rusiya dövlət başçısı onlarda sərhədlərin xəritələri olduğunu açıqlayıbsa, artıq bu məsələnin razılaşdırıldığını deməyə əsas var. Həm də Rusiya sülhməramlılarının bölgəyə gəlməsinin bir illiyi ilə bağlı hesabat xarakterli sənəd ortaya qoymalıdır. Bu, bir növ Moskvanın hesabatı olacaq ki, bir ildə buna nail oldular".

Müdafiə Nazirliyi və Səfərbərlik və Hərbi Xidmətə Çağırış üzrə Dövlət Xidməti məsələyə münasibət bildirməyib.

Xidmətin əməkdaşı Tofiq Əzizov bildirib ki, məsələylə əlaqədar həm Müdafiə Nazirliyi, həm də Səfərbərlik və Hərbi Xidmətə Çağırış üzrə Dövlət Xidməti açıqlama yayıb. Ona görə də əlavə hər hansı bir açıqlama verə bilməyəcəklər.

Xəbərin oxunma sayı : 676