AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

“Azərpambıq“a ittiham: “500 hektar arpa sahəsini pambıq tarlası kimi rəsmiləşdiriblər“


Tarix 02.08.21, 22:41	Font ölçüsü : - / +

Biləsuvar sakini: "Buna görə həmin fermerlərdən çoxu 2021-ci ildə "Azərpambıq”dan imtina edib, başqa şirkətlərlə müqavilə bağladılar”

Biləsuvar sakini Azad Məmmədov 2003-cü ildən "Azərpambıq” şirkətinin rayondakı pambıq zavodunda ərazi nümayəndəsi işləyib. 2020-ci ildə işdən çıxarılan rayon sakini düşünür ki, o, qərəzin qurbanı olub.

"Məhsulun qəbulunda ayrı-seçkiliyə yol verilir”

Azad Məmmədovun fikrincə, yeni rəhbərlik nəzarətində olan fermerlərdə pambığın nəmliyi, zibilin miqdarı və s. qərəzli şəkildə çox hesablayıb. Bu cür ayrı-seçkilik nəticəsində onun məhsuldarlığı aşağı qiymətləndirilib. Belə yanaşma da sonda onun işini itirməsilə nəticələnib.

O, "Azərpambıq”da baş verənlərlə bağlı şirkətin daxil olduğu "Azərbaycan Sənaye Korporasiyası” ASC-nin sədri, deputat Kamran Nəbizadəyə məktub yazıb. Ərizəsində vurğulayıb ki, zavod rəhbərliyinin özünə yaxın şəxslərin becərdiyi məhsulun qəbulu zamanı ayrı-seçkiliyə yol verir: "Məqsəd çox aşağı faizlə zibil kimi göstərilmiş pambığı ört-basdır etməkdir. Amma mənim nümayəndəliyimdə olan fermerlərdən yüksək faizlə zibil tutulurdu. Buna görə həmin fermerlərdən çoxu 2021-ci ildə "Azərpambıq”dan imtina edib, başqa şirkətlərlə müqavilə bağladılar”.

Azad Məmmədov şirkətdə yeyinti hallarına da yol verildiyini iddia edir. Onun sözlərinə görə, "Azərpambıq” rəhbərliyi Cəlilabad rayonunda "Avanqard” MMC-dən 276 hektar torpaq sahəsini icarəyə götürüb. Şirkət zavod rərhbərliyinə hər hektarı 130 manatdan icarəyə versə də, sənədləşmədə bu rəqəm 350 manat göstərilib. Aradakı fərqin mənimsənildiyi iddia olunur: "Bundan başqa, texniki çiyidin hər kiloqramını 28 qəpiyə rəsmiləşdirib, 33-34 qəpiyə satıblar. 500 hektar arpa sahəsini pambıq tarlası kimi rəsmiləşdiriblər. Hər hektara görə 250-300 manat pul götürülüb”.

"Azərpambıq”ın direktor müavini məhkəməyə verib

Biləsuvar sakini iddia edir ki, onun "Azərbaycan Sənaye Korporasiyası” ASC sədrinə yazılı müraciətindən sonra qurumun rəhbəri, deputat Kamran Nəbizadə "Azərpambıq”ın Biləsuvardakı zavoduna araşdırma aparmaq üçün yoxlama qrupu göndərib. Araşdırma zamanı onun dedikləri təsdiqini tapıb.

"Azərpambıq”ın Biləsuvar zavoduna 2020-ci il oktyabrın 1-dən Vahid Kazımlı rəhbərlik edir.

Qarşı tərəf isə Azad Məmmədovun ittihamlarını qəbul etmir. Hətta "Azərpambıq”ın direktor müavini Fəzli Məmmədov "Azərbaycan Sənaye Korporasiyası” ASC sədri Kamran Nəbizadəyə məktubunda yazdıqlarına görə onu məhkəməyə verib. O, iddia edir ki, müraciətdə yazılanlar şərəf və ləyaqətini alçaldıb. Hazırda da məhkəmə prosesi davam edir.

Meydan TV-nin Biləsuvar rayon Məhkəməsindən əldə etdiyi məlumata görə, bu iş üzrə növbəti məhkəmə iclası avqustun 12-nə təyin edilib.

Xəbərin oxunma sayı : 829