Qol.az xəbər verir ki, bu fikirləri Azərbaycan millisinin baş məşqçisi Canni De Byazi Minskdə Belarus yığmasına 2:1 hesabı ilə qalib gəldikləri yoldaşlıq oyunundan sonra mətbuat konfransında deyib.

Bədavi Hüseynovun millidə ilk qolunu vurmasına toxunan italiyalı mütəxəssis 3 gün öncə ona artıq fərqlənməyin vaxtı çatdığını söylədiyini bildirib: "Futbolda hərşey mümkündür, əsas inanmaqdır. Debüt edən futbolçulara gəlincə, onların çıxışından razı qaldım. Bu futbolçular bizim gələcəyimizdir".