AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

İcra hakimiyyətindən özünü yandıran müharibə iştirakçısı ilə bağlı açıqlama


Tarix 18.04.25, 15:00	Font ölçüsü : - / +

Sabirabadın Surra kənd sakini, Vətən müharibəsi iştirakçısı 1997-ci il təvəllüdlü Mamedzadə Ruhin İnqilab oğlu aprelin 15-də Sabirabad rayon Mədəniyyət Mərkəzinin qarşısında özünü yandırmağa və intihara cəhd edib.

AzFakt.com xəbər verir ki, Sabirabad Rayon İcra Hakimiyyəti həmin müharibə iştirakçısı ilə bağlı açıqlama yayıb.

Açıqlamada bildirilir ki, R.Mamedzadə Vətən müharibəsinin iştirakçısı olmasından sui-istifadə edərək 2024-cü ilin sentyabr ayında Surra kəndinin ərazisində, Sabirabad-Padar avtomobil yolunun mühafizə zolağında, Sabirabad və Saatlı rayonlarını içməli su ilə təmin edən magistral su kəmərinin üzərində 252 kv.metr sahədə qeyri-qanuni ticarət obyektinin tikintisinə başlayıb: “Qeyri-qanuni tikinti ilə əlaqədar RİH tərəfindən qanunvericiliyin tələblərinə uyğun tədbirlər görülüb və Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin 23.09.2024-cü il tarixli 0859 nömrəli qərarı ilə qeyri-qanuni tikinti işləri dayandırılıb. Verilən məlumata görə, R.Mamedzadə həmin ərazini Sabirabad şəhər sakininə 20 min manata satıb və tikinti işləri dayandırıldığından həmin şəxs ondan pullarını tələb edib.

Məlumat üçün bildiririk ki, Ruhin Mamedzadəyə RİH-nin təşəbbüsü ilə 0,24 ha həyətyanı torpaq sahəsi verilib, 1,0 ha əkinəyararlı torpaq sahəsi ayrılıb. Lakin R.Mamedzadə heç bir səbəb göstərmədən əkinəyararlı torpaq sahəsindən imtina edib. RİH tərəfindən R.Mamedzadəyə müxtəlif vaxtlarda kifayət qədər maddi yardım da edilib, 2022-ci ildə isə rayon ərazisində fəaliyyət göstərən pambıq zavodlarından birində işlə təmin olunub. Lakin 6 ay işlədikdən sonra işə gəlmədən əməkhaqqı almaq tələbi irəli sürüb, buna razılıq verilmədiyindən işdən çıxıb”.

Rəsmi məlumatda qeyd edilib ki, 2023-cü ildə R.Mamedzadə özünəməşğulluq proqramı çərçivəsində ona verilmiş 3 baş iri buynuzlu mal-qaranı və yemi satıb: “Sonradan guya mal-qaranın tələf olduğunu iddia etsə də, bununla bağlı heç bir sübut və rəsmi sənəd təqdim edə bilməyib.

R.Mamedzadə işlə təmin olunması ilə bağlı nə rayon İcra Hakimiyyətinə, nə də məşğulluq orqanlarına müraciət edib, baxmayaraq ki, mal-qaranı satdığı üçün o, işsiz kimi qeydiyyata alınmayıb. R.Məmmədzadənin qeyri-qanuni tikinti aparması üçün anasının adına 15 min manat kredit götürməsi faktı da təsdiqini tapmayıb. Belə ki, rəsmi sənədlərə əsasən, müəllimə işləyən anasının adına iddia etdiyi kimi 15 min manat kredit götürülməyib.

Təəssüf hissi ilə qeyd edirik ki, göstərilən diqqət və qayğıya baxmayaraq R.Mamedzadə hələ də öz şəxsi mənafeyi naminə “Müharibə iştirakçısı” adına layiq olmayan hərəkətlər etməkdə davam edir. Belə hərəkətlərinə və digər əməllərinə görə Ruhin Mamedzadə rayonda və xüsusən də yaşadığı kənddə insanlar tərəfindən özünü normal idarə etməyən kimi xarakterizə olunur.

Ümumiyyətlə, Sabirabad Rayon İcra Hakimiyyətində digər rayonlarda olduğu kimi ölkəmizin ərazi bütövlüyü uğrunda şəhid olmuş döyüşçülərimizin ailə üzvlərinə, qazi və müharibə veteranlarına daima diqqət və qayğı göstərilir, onların müraciətinə həssaslıqla yanaşılır. Bu kateqoriyadan olan vətəndaşlarımızın sosial problemlərinin həlli istiqamətində mütəmadi olaraq zəruri tədbirlər görülür”.

Xəbərin oxunma sayı : 772