AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Dəmir ledi“ Rusiya sərhədində tanka mindi - Britaniya Putinə xəbərdarlıq edir


Tarix 03.12.21, 19:48	Font ölçüsü : - / +

Böyük Britaniya xarici işlər naziri Liz Trass Estoniyaya səfəri zamanı hərbi poliqonda tankla gəzib. Bununla da britaniyalı diplomat “dəmir ledi” Marqaret Tetçerlə assosiasiya yaratmaqla, özünün lider ambisiyasını göstərmək istəyib.

Beləliklə, mətbuat qarşısında uğurlu rakursdan görünməklə Vladimir Putinə anlatmaq istənilir ki, Ukraynanın şərqdən gələ biləcək təcavüzdən müdafiə olunmasına Böyük Britaniya çox ciddi yanaşır.

Estoniyanın Tapa şəhərində “Challenger2” tankına minən Liz Trass, Qərbin Rusiyanın digər lideri Mixail Qarbaçovla olan qarşıdurmasını xatırladır. Otuz beş il öncə Baş nazir Marqaret Tetçer də Qərbi Almaniyanın Fallinqbostel şəhəri yaxınlığındakı NATO poliqonunda anoloji vəziyyətdə “Challenger” tankının köhnə modifikasiyasına minmişdi.

Əynində makintoş, boynunda şarf, gözündə qoruyucu eynək olan xanım Tetçer lazer tuşlayıcı sistemin köməyi ilə təlim mərmilərindən altı dəfə atəş açmışdı. Marqaret Tetçer bildrmişdi ki, bu onun çox xoşuna gəlib. Sonrakı gün “The Daily Telegraph” qəzeti yazmışdı ki, Tetçer bu geyimdə haradasa Aysedora Dunkan və ərəbistanlı Lourens arasındakı adam təsiri bağışlayır.

Palto və zirehli gödəkcə geyinmiş “instaqram naziri” adlandırılan Liz Trass Böyük Britaniya və “Kral tank polku”nun bayrağı altında tankla gəzişib. Amma Marqaret Tetçerdən fərqli olaraq xarici işlər naziri tankdakı silahdan atəş açmayıb. O, Estoniya paytaxtı Tallindən 100 kilometr aralı və Rusiya sərhəddindən 160 kilometr qərb tərəfdə yerləşən NATO bazasına dislokasiya olunmuş 800 britaniyalı hərbçiylə görüşüb. Alyans tərəfindən həm bu, həm də Latviya, Litva və Polşada yerləşən buna oxşar digər üç baza Krımın Rusiya tərəfindən 2014-cü ildə ilhaqından sonra yaradılıb. Bu bazalar sərhəddin o biri tayındakı Vladimir Putin ordusunun qabağının hərbi vasitə ilə alınması məqsədilə qurulub. Britaniya hökumətindəki mənbənin sözlərinə görə, xanım Liz Trass Britaniya ordusunu NATO-nun ön sərhəd xəttində görmək, hərbçilərin mümkün təcavüzə qarşı necə məşq etdiklərini anlamaq və alyansın şərq cinahının müdafiəsi üçün gördükləri işə görə onlara təşəkkür etmək istəyib.

“Conservative Home” bloqunun Mühafizəkarlar Partiyasının üzvləri arasında keçirdiyi rəy sorğusunun nəticələrinə görə, Liz Trass ən populyar nazirdir və onun fəaliyyətini dəstəkləyənlər 82,3 faizdir.

Xanım Trass bildirib ki, NATO Rusiyanı Ukraynada hərbi təxribata çəkmir və Vladimir Putin tərəfindən ediləcək istənilən təcavüz strateji şəhv olardı. O, deyib: "Kremlin ssenarisini əvvəl də görmüşük. Rusiya yalandan iddia edirdi ki, Krımın ilhaqı NATO təcavüzünə cavabdır. NATO təxribatçı yox, müdafiə prinsipi əsasında yaradılmış alyansdır. NATO-nun rusları təxribata çəkməsi barəsindəki istənilən bəyanat, sözsüz ki, yalandır. Biz, Ukrayna və Qərbi Balkanların təhlükəsizliyini, iqtisadi dayanıqlığını möhkəmləndirmək üçün bu ölkələrdəki sabitliyi dəstəkləyəcəyik”.

Böyük Britaniyanın “MI-6”kəşfiyyat orqanının rəhbəri Riçard Mur deyib ki, Rusiya Böyük Britaniya üçün ciddi təhlükə təşkil edir. Riçard Mur “BBC”-yə verdiyi müsahibəsində bildirib: ”Ukrayna ətrafında zaman-zaman böhranlar baş verir, biz qoşunların sərhədd boyunca yığışmasından narahatıq, həm də Putinin hansı niyyət güdəcəyindən də bərk narahatıq. Yaşanan hadisələri çox diqqətlə izləmək lazımdır. Ruslara çox ehtiyatla anlatılmalıdır ki, əgər onlar 2014-cü ildəki kimi təcavüzə baş vurarlarsa, onda bunun hesabını ödəyəcəklər”.

Tərcümə "AzPolitika"nındır