AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

“Lotu Quli“ mistikası: Ölümündən sonra rəqibləri bir-bir sıradan çıxır


Tarix 18.10.21, 15:47	Font ölçüsü : - / +

Azərbaycanlı "qanuni oğru” Nadir Səlifovun (Lotu Quli) qətlindən sonra kriminal dünyada sanki bir mistika yaşanır.

Qaynarinfo xəbər verir ki, Nadir Səlifov həyatda olmasa da, rəqibləri rahat nəfəs ala bilmir, bu və ya digər şəkildə sıradan çıxır.

"Lotu Quli" 22 illik məhbəs həyatından sonra kriminal dünyanın bir nömrəli personasına çevrilmişdi. O, MDB məkanında ən güclü təsir imkanlarına malik "qanuni oğru” hesab edilirdi. Bu səbəbdən 2017-ci ildə azadlığa buraxılan Nadir Səlifov ölümünə qədər, yəni 3 il müddətində ən müxtəlif cəbhələrdən hücumlara məruz qalırdı. Xüsusilə, mərhum "qanuni oğru” Aslan Usoyanın varisi sayılan Zaxari Kalaşov (Şakro Molodoy) "Lotu Quli"ni zərərsizləşdirmək üçün bütün gücünü ortaya qoymuşdu. Qarşıdurmaların çoxundan qalib ayrılan Nadir Səlifov nəhayət, xəyanət nəticəsində qətlə yetirildi. Hər halda "Lotu Quli"nin ən yaxın adamı tərəfindən öldürülməsi kriminal dünyada xəyanət kimi dəyərləndirilir.

Nadir Səlifovun ölümündən sonra rəqiblərinin meydan sulayacağı gözlənilirdi. Lakin bunun əksi baş verir. Onunla konfliktdə olan "qanuni oğru”lar bir-bir sıradan çıxır.

Hələ Nadir Səlifovun ölümündən bir həftə sonra onunla qarşıdurmada olan "qanuni oğru” Aleksey Solomatinin (Lyoxa Soloma) ölüm xəbəri gəldi. Solomatin "qanuni oğru” tituluna 2013-cü ildə "Lotu Quli"nin qardaşı və varisi Namiq Səlifovla (Namiq Bakinski) birgə layiq görülüb. Onun taclandırılmasında Nadir Səlifovun da müstəsna rolu olub. Sonradan Solomatin "Lotu Quli"nin gözləntilərini doğrultmayıb. O, Quli-Lənkəranski qarşıdurmasında ikili oynamağa üstünlük verib. Rövşən Lənkəranskinin əleyhinə olan qərara imza atan Solomatin sonradan onun klanına daxil olan Kaxa Qalski ilə görüşündə aldadıldığını bildirib. Bununla da nüfuzunu zədələmiş olub.

Həbsdən çıxdıqdan sonra isə narkotik aludəçisinə çevrilən Solomatin artıq "qanuni oğru” kimi qəbul edilməyib. Onun hansı şəraitdə öldüyü barədə dəqiq bilgi yoxdur.

Aleksey Solomatin

Solomatindən sonra "Lotu Quli" ilə münasibətləri qaydasında olmayan daha iki "qanuni oğru” - 82 yaşlı Camal Şavladze (Çay) və 65 yaşlı Vladimir Zyatkov (Zyatok) dünyansını dəyişib. Şavladze müalicə aldığı xəstəxanada, Zyatkov isə şəxsi katerində qəzaya düşərək ölüb.

Camal Şavladze

Zyatkovun Nadir Səlifova qarşı iddiaları barədə mediada çox yazılıb. O, "Lotu Quli"nin "qanuni oğru” tituluna şübhə ilə yanaşan kriminalitetlərdən olub. Ona görə də Qiya Kutaiski tərəfindən döyülərək "sxodka”dan qovulub.

Vladimir Zyatkov

Daha sonra "Lotu Quli"nin əsas rəqibi "Şakro Molodoy"un sağ əli hesab edilən Kaxabera Parpaliya (Kaxa Qalski) Omskdakı istintaq təcridaxanasında dünyasını dəyişib. Rəsmi məlumatlarda onun ölümünə səbəb kimi beyin qan dövranının pozulması göstərilir. Lakin yaxınları rəsmi versiyaya inanmır. Onların fikrincə, Kaxa Qalski döyülərək öldürülüb. Məlumat üçün deyək ki, Parpaliya ümumrusiya "obşak”ına nəzarət edirdi.

Kaxa Qalski "Lotu Quli"nin ən barışmaz rəqiblərindən idi. Aydındır ki, Şakro Molodoyla eyni cəbhəni bölüşən Qalskinin Nadir Səlifovu qəbul etməsi sadəcə mümkün deyildi. "Lotu Quli" də Qalskini "qanuni oğru” kimi qəbul etmirdi. Onun fikrincə, Qalski "portağaldır” (pul müqabilində "oğru” titulu alanlara deyilir). Nadir Səlifovun belə düşünməyə əsasları var idi. Qalski uzun müddət həbsdə olmamışdı. O, yalnız bir dəfə narkotik ittiham ilə həbs olunub. Bundan başqa, Nadir Səlifov hesab edirdi ki, Qalski "obşak”ın pullarını təyinatı üzrə xərcləmir.

Kaxabera Parpaliya

Kaxa Qalskidən sonra "Lotu Quli"nin daha bir rəqibi - Emzar Caparidze (Kvatiya) həyatdan köçüb. Ölüm səbəbi kimi koronavirus göstərilib.

Caparidze "Quli-Çixladze” qarşıdurmasında ikincinin yanında yer alırdı. O, vaxtilə Tariel Onianinin (Taro) tərəfdarı sayılırdı. Lakin iddialara görə, sonradan Taroya xəyanət edib. Qisasçı adam kimi tanınan Tariyel Oniani isə onu evinə çağıraraq tərəfdaşı Merab Canqveladze ilə birgə döyüb.