“Kim bunu mənə qadağan edə bilər?“ - FOTO Aygün Kazımovanın dəniz kənarında istirahəti - VİDEO Boşanma xəbərləri yayılan Ayseldən maraqlı - Paylaşım Nigar Camal geyimi ilə diqqət çəkdi - VİDEO
Axtar
 
  • / Maqazin / — 13 İyul 2024

    “Kim bunu mənə qadağan edə bilər?“ - FOTO

  • / Maqazin / — 11 İyul 2024

    Aygün Kazımovanın dəniz kənarında istirahəti - VİDEO

  • / Maqazin / — 10 İyul 2024

    Boşanma xəbərləri yayılan Ayseldən maraqlı - Paylaşım

  • / Maqazin / — 08 İyul 2024

    Nigar Camal geyimi ilə diqqət çəkdi - VİDEO

  • / Maqazin / — 08 İyul 2024

    Əməkdar artist Cıdır düzündə poza verdi - FOTOLAR

  • / Maqazin / — 02 İyul 2024

    Damla İranda hicabsız konsert verdi, zal bağlandı - VİDEO

“Uçan boşqablar”: Amerika gündəmi sirlərin açılması ilə dəyişib

Tarix 28.07.23, 21:41

Font ölçüsü : - / +
bitmap-img6


Uçan Naməlum Obyektlər (UNO - UFO) mövzusu Vaşinqtonda siyasi təbəqəni zəbt edib. Bir neçə onilliklər əvvəl "uçan boşqablar" və ya yaşıl yadplanetlilər haqqında hər hansı bir qeyd marjinal ufoloqlarla əlaqələndirilirdi. Lakin ABŞ-da son 8 il ərzində UFO gündəliyi Konqresin yüksək tribunasından müzakirə olunduğu nöqtəyə qədər yüksəlib.

Reyting.az xəbər verir ki, bu barədə “Regnum” yazıb.

Təhlildə qeyd olunur:

Ufoloqlar bir hərəkat olaraq İkinci Dünya Müharibəsinin bitməsindən dərhal sonra yaranıb. Eyni zamanda, ABŞ üzərində səmada uçduğu iddia edilən “uçan boşqablar” mifi formalaşıb.

Uzun müddətdir ki, bu, sırf Amerika fenomeni idi. Buna görə də, demək olar ki, bütün UFO istinadları ABŞ və Kanadadadır. Baxmayaraq ki, gələcəkdə onların ufoloqları Britaniyada və kontinental Avropada görünməyə başladılar. Lakin Qərb ölkələrindən kənarda onların sayı nisbətən az olmaqda davam edir.

Amerika ilk “uçan boşqab” haqqında 1947-ci ildə xəbər tutub: Vaşinqton ştatında bunu dağların üstündə, səmada sürətlə hərəkət edən cisimləri görən yerli yanğınsöndürənin sözlərini eşitdikdən sonra jurnalistlət UFO-ları belə adlandırdılar. Həmin ərazidə raketlərin buraxılması üçün sınaq meydançası var idi və ABŞ ordusu bu fenomeni öz sınaqları ilə izah etməyə tələsdi.

Hay-küy ölkə boyu minlərlə amerikalının qəflətən başlarının üstündə, səmada “uçan boşqabları” görməsi ilə nəticələndi. Sonra məşhur Rosvell hadisəsi baş verdi - Nyu-Meksiko səhrasında UFO-nun düşməsi.

Pentaqon bunu yaxınlıqdakı poliqonda nüvə sınaqlarını izləyən zondlarından birinin qəzaya uğraması adlandırıb. Lakin uzun onilliklər ərzində ufoloqlar bu hadisəni yadplanetlilərin mövcudluğunun sübutu hesab edirlər.

Nevada ştatında yerləşən "Area 51" əbəs yerə şöhrət qazanmayıb. Ufoloqların verdiyi məlumata görə, məhz burada yadplanetlilər üzərində eksperimentlər aparılır.



Ufologiya çox gəlirli bir işə çevrilib.

Bu, müxtəlif psevdo-elmi kitablar, "sənədli filmlər" və elmi fantastika filmləri və video oyunların çox milyard dollarlıq sənayesidir. Əcnəbilər mövzusunun təbliğində tamaşaçıların nə görmək istədiyini bilən Hollivud oynadı.

Təəccüblü deyil ki, yadplanetlilərin varlığını açıq şəkildə etiraf edən yeganə kvazi-dini cərəyan sayentologiyadır. Üstəlik, sayentoloqistlər üçün yadplanetlilər məsələsi onların postulatlarında təməl daşıdır: bütün konsepsiya elmi fantastika və zehni idarəetmə texnologiyalarının qarışığı üzərində qurulub ki, sayentoloqların təsiri altına düşmüş insanlar buna kor-koranə inansınlar.

ABŞ ordusu bir neçə onilliklər ərzində Birləşmiş Ştatlar üzərində səmada UFO-ların mövcudluğunu tamamilə rəsmi şəkildə araşdırır. Bu, "Mavi Kitab Layihəsi" adlanırdı.

Pentaqonun narahatlığı var idi ki, “uçan boşqablar” Sovet İttifaqının Amerikaya casusluq etmək üçün bir növ gizli texnologiyası ola bilər. Ancaq 1969-cu ildə bu araşdırma UFO-ların sübutu olmadığı üçün dayandırıldı.

Sonrakı onilliklərdə uçan boşqabların mövzusu ufoloqların və ya "Gizli Fayllar" serialının izləyicilərinin sevimli mövzusu oldu. Amma Barak Obamanın prezidentlik dövrünün sonunda vəziyyət qəfil dəyişməyə başladı.

2015-ci ildə Pentaqon gözlənilmədən döyüş təyyarəsi pilotlarının naməlum obyektlərlə toqquşması kameralarda əks olunan bir sıra video-görüntülər yayımladı. Onlar döyüş təyyarələrinin uça bilmədiyi sürətlə uçurdular.

Obamanın özü də UFO-ların müzakirəsi kampaniyasına qoşuldu, o, naməlum obyektlər mövzusu ilə şəxsən maraqlandığını etiraf etdi.

Sonrakı illərdə Pentaqon onların videolarını dəfələrlə yayımlayıb. Uzun müddət UFO-ları sui-qəsd nəzəriyyəçiləri ciddi şəkildə müzakirə etməyə başlayıb.

Ancaq UFO mövzusunun bütün pərəstişkarları üçün əsl sıçrayış artıq 2023-cü ildə baş verdi.

ABŞ Hərbi Hava Qüvvələrinin keçmiş kəşfiyyatçısı Devid Qruş “NewsNation”-a verdiyi müsahibədə Pentaqonun yadplanetlilərin varlığına dair dəlillərə malik olduğunu bildirib. İddialara görə, ABŞ hərbçiləri ilk dəfə İkinci Dünya müharibəsi dövründə, İtaliyanın işğalı zamanı “uçan boşqab” əldə edib. Üstəlik, müharibə bitdikdən dərhal sonra UFO mövzusunu fəal şəkildə öyrənməyə başlayıblar.

Qruşun sözlərinə görə, Pentaqonda həm “uçan boşqablar”ın qalıqları, həm də yerdən kənar mənşəli bəzi biomateriallar var. Yadplanetlilərin tədqiqi ən ciddi məxfilik şəraitində aparılır. Bunu öyrənməyə çalışanlar xidmətdən uzaqlaşdırılmaqla və ya hətta fiziki nəticələrlə hədələnirlər - qətlə qədər.

Qruşun müsahibəsi böyük səs-küyə səbəb olub və Konqresin diqqətini cəlb edib.

Narahat olan ABŞ qanunvericiləri tələsik ABŞ-ın növbəti müdafiə büdcəsinə gizli UFO tədqiqat proqramlarını qadağan edən düzəlişi qəbul ediblər. Bu proqramlarda iştirak edən hər kəsdən işlərinin təfərrüatlarını ictimaiyyətə açıqlamasını tələb edirlər.

Qruşun özü, - eləcə də təqaüddə olan ABŞ hərbi pilotları arasında olan bəzi tərəfdarları Konqresə ifadə verməyə dəvət edilib. Burada onlar artıq and içərək UFO-larla qarşılaşdıqlarını təsdiqləyiblər.

Pilotlardan biri bildirib ki, o, bir cismin bir neçə saniyə ərzində 24 kilometr yüksəklikdən okeanın səthinə sürətlə daldığını görüb. O, “F-16” döyüş təyyarəsindən üç dəfə sürətlə hərəkət edib. Onlar hesab edirlər ki, Günəş sistemində yadplanetlilərin bir növ “ana gəmisi” var və o, öz “zondlarını” Yerə “uçan boşqablar” şəklində göndərə bilər.

Bunu sübut və ya təkzib etmək mümkün deyil, buna görə də UFO yenidən hər bir fərdi şəxs üçün iman məsələsinə çevrilir.

Pentaqon təqaüddə olan kəşfiyyatçı və pilotların ifşalarını şərh etməməyə çalışır. Bəzi ABŞ hərbçiləri bu obyektlərin hipersəs sürətlə hərəkət edən ABŞ, Rusiya və ya Çinin bəzi perspektivli inkişafları ola biləcəyini iddia etsə də. Amma Ağ ev de-fakto UFO-ların mövcudluğu ilə bağlı bəyanatları dəstəklədiyini bildirib və qeyd edib ki, onlar özləri də bunu maraqla izləyirlər.

Amerikada ictimai rəy də sürətlə dəyişir.

30 il əvvəl amerikalıların yalnız 20 faizi yadplanetlilərin ABŞ səmasında uçduğuna inanırdı. 2022-ci ildə bu versiyanı dəstəkləyənlərin payı 34 faizə qədər artıb. Şübhəsiz ki, bütün aşkarlamalar fonunda böyüməyə davam edəcək.

Yadplanetlilərlə erkən əlaqə qurmağa ümid edənlərin faizi də artır. Üstəlik, amerikalılar nə qədər gənc olsalar, yadplanetlilərə bir o qədər inanırlar.



Xəbərin oxunma sayı : 661




Maraqlı

Xəbərlər

ARXİV
Əlaqə | Haqqımızda  
Buy website traffic cheap