Qol.az xəbər verir ki, 10-cu oyun günündə 3-cü tura 2 oyunla start verilib.

A qrupunda Türkiyə millisi Bakıda İsveçrə ilə qarşılaşıb. Ən yaxşı qrup üçüncüsü kimi 1/8 finala çıxmaq istəyən kollektiv son şansından da yararlana bilməyib. 1:3 hesabı ilə uduzan "ay-ulduzlular" turniri xalsız tərk edib. Şenol Günəşin komandası ilk iki görüşdə də uduzmuşdu. 

Digər matçda isə artıq pley-offa vəsiqəni təmin edən İtaliya Uelslə üz-üzə gəlib. Oyun italyanların 1:0 hesablı qələbəsi ilə başa çatıb. Bu nəticədən sonra Uels və İsveçrə millisinin hər birinin 4 xalı olub. Ancaq top fərqində daha üstün olan Uels yığması 1/8 finala adlayıb. İsveçrə millisinin isə ən yaxşı qrup 3-cüsü kimi 1/8 finala çıxıb-çıxmayacağı digər qrupların oyunlarından sonra bilinəcək. 

Avropa çempionatı

Qollar: Seferoviç, 6 (1:0), Şakiri, 26 (2:0), Kahveci, 62 (2:1), Şakiri, 68 (3:1)

Baş hakim: Slavko Vinçiç (Sloveniya)

Bakı Olimpiya Stadionu.

Qol: Pessina, 39

Qırmızı vərəqə: Ampadu, 55 (Uels)

Baş hakim: Ovidiu Hatseqan (Rumıniya)

Roma, "Olimpiko" stadionu.