AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Azərbaycan mediasını hədəfə alan İrana cavab: Bu, milyonlarla azərbaycanlının fikridir!


Tarix 02.04.23, 21:24	Font ölçüsü : - / +

İran Azərbaycanla münasibətlərində gərginliyin artmasında maraqlı görünür. Bu marağın arxasında isə heç şübhəsiz müstəqil Azərbaycanın mövcudiyyətinin qəbuledilməzliyi dayanır. Tehran müstəqil Azərbaycanı özünə təhlükə hesab edir. Hər nə qədər dini amildən istifadə edib Azərbaycana qarşı "qardaş münasibəti” sərgilədiyini iddia etsə də, İranın addımları bunun əksini göstərir.

44 günlük müharibə zamanı Ermənistana yardımlar, müharibədən sonra Azərbaycanın bölgədə möhkəmlənməsinə əngəl törədilməsi istiqamətində atılan addımlar, nəhayət Tehranda Azərbaycan səfirliyinə hücum və deputat Fazil Mustafaya qarşı terror aktı İranın iddia etdiyi "qardaş münasibətə” uyğun gəlmir.

Müşahidələr göstərir ki, bütün bunlar İran üçün kifayət deyil. Tehran hər dəfə bir bəhanə ilə Azərbaycana diş qıcamaqda davam edir və rəsmi Bakının təmkinli davranışına rəğmən özünü cığal uşaq kimi aparır.

Aprelin 1-də İranın Azərbaycana etiraz notası verməsi cığal davranışın növbəti təzahürüdür. Etiraz notasında Azərbaycan mediası hədəf alınıb. İran Azərbaycanın bəzi media qurumlarının "nalayiq və təhqiramiz hərəkətləri"nin davam etməsindən narahatlığını bildirib.

"İran bu prosesə son qoyulmasını və düzəlişlərin edilməsini tələb edir. Bundan əlavə, İran medianın bu əxlaqsızlığının davam etməsinin iki ölkə arasında gələcək münasibətlərə mənfi və zərərli nəticələri barədə xəbərdarlıq edir”, deyə etiraz notasında qeyd edilir.

Əvvəla, şənbə günü nota təqdim edilməsi başa düşülmür. Diplomatik notalar protokola uyğun olaraq həftənin iş günləri göndərilir.

Bundan əlavə, Azərbaycanın İrandakı səfirliyi işləmir. Bu halda notanın necə göndərildiyi maraqlıdır.

Əslində Azərbaycan mediasında İran haqqında dərc edilən yazılar və buna etiraz bəhanədir. Azərbaycan mediasında İran haqqında dərc edilən tənqidi materiallar Tehranın atdığı addımlardan doğur. Yoxsa Azərbaycan mediasının İrana hər hansı xüsusi qərəzi yoxdur.

Digər tərəfdən, bu yazılar Azərbaycan xalqının İrana münasibəti ilə üst-üstə düşür. Yəni, mediada dərc edilən materiallar Azərbaycan xalqının İranla bağlı mövqeyini əks etdirir. Bu halda İran etiraz notası təqdim etməkdənsə, bütöv bir xalqın ona mənfi münasibətinin səbəbləri barədə düşünməlidir.

Biz hələ İran mediasının Azərbaycanla bağlı təhqiramiz materiallarından danışmırıq. Azərbaycana qarşı təhqir siyasəti yürüdən İran media qurumları mövcud teokratik rejimin nəzarətindədir. Bu isə o deməkdir ki, həmin media qurumlarında yayımlanan materiallar İranın Azərbaycanla bağlı rəsmi mövqeyini əks etdirir.

O zaman Azərbaycan mediası nədən susmalıdır? İran nəhayət anlamalıdır ki, müstəqil Azərbaycana qarşı yürütdüyü siyasətin qarşılığı hər müstəvidə, o cümlədən media müstəvisində də veriləcək.

Xəbərin oxunma sayı : 424