AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Azərbaycanda bahalaşan və ucuzlaşan məhsullar - SİYAHI


Tarix 11.06.26, 12:45	Font ölçüsü : - / +

Bu ilin may ayında Azərbaycanda qida məhsulları, alkoqollu içkilər və tütün məmulatlarının qiymətləri əvvəlki ayla müqayisədə 0.1 faiz azalıb. İllik müqayisədə isə bu kateqoriya üzrə qiymətlər 6.6 faiz artıb.

Bu barədə Dövlət Statistika Komitəsi məlumat yayıb.

Məlumata görə, may ayında qarabaşaq yarması, mal və qoyun əti, kolbasa məmulatları, pendir, kəsmik, süfrə marqarini, günəbaxan və qarğıdalı yağı, limon, alma, kivi, ağ kələm, brokkoli, göyərti, göy lobya, süfrə çuğunduru, soğan, eləcə də qazlı və qazsız sular bahalaşıb.

Eyni zamanda təzə balıq, yumurta, banan, çiyələk, xiyar, pomidor, şirin bibər, badımcan, yerkökü, sarımsaq və kartof ucuzlaşıb. Digər ərzaq məhsullarının qiymətlərində ciddi dəyişiklik qeydə alınmayıb.

Qeyri-qida məhsulları üzrə istehlak qiymətləri aylıq müqayisədə 0.1 faiz, illik müqayisədə isə 3.9 faiz artıb. Hesabat dövründə boya, plastik boru, yuyucu vasitələr və şəxsi gigiyena məhsulları bahalaşıb, zərgərlik məmulatlarının qiymətində isə azalma müşahidə olunub.

May ayında əhaliyə göstərilən ödənişli xidmətlərin qiymətləri əvvəlki ayla müqayisədə 0.2 faiz, ötən ilin eyni dövrü ilə müqayisədə isə 5.7 faiz yüksəlib. Bu dövrdə beynəlxalq hava sərnişindaşıma xidmətləri bahalaşıb, digər xidmətlərin qiymətlərində ciddi dəyişiklik baş verməyib.

Dövlət Statistika Komitəsinin məlumatına görə, bu ilin yanvar-may aylarında istehlak qiymətləri ötən ilin müvafiq dövrü ilə müqayisədə 5.6 faiz artıb. Bu göstərici qida məhsulları, alkoqollu içkilər və tütün məmulatları üzrə 6.7 faiz, qeyri-qida məhsulları üzrə 3.7 faiz, ödənişli xidmətlər üzrə isə 5.7 faiz təşkil edib.

Ötən ilin may ayı ilə müqayisədə illik inflyasiya 5.6 faiz, aylıq inflyasiya isə 0.1 faiz olub.

Xəbərin oxunma sayı : 172