Bunu Qaynarinfo-ya açıqlamasında maliyyə-bank eksperti Əkrəm Həsənov avqustda keçirilən valyuta hərraclarında bankların əvvəlki aylarla müqayisədə daha çox dollar almasının səbəblərindən danışarkən deyib: 

 

"Yəqin ki, bank müştərilərinin ehtiyacı artıb. Düzdür, bu artım elə də böyük rəqəmlərlə ölçülmür. Amma istisna deyil ki, hansısa iri bankın müştərilərinin xariclə bağladıqları müqavilələr üzrə ödənişləri var. Ona görə də onlar banklardan əvvəlki aylarla müqayisədə avqustda daha çox dollar alışı həyata keçiriblər. Onu da yaddan çıxarmayaq ki, yay fəsili başa çatmaq üzrədir. Azərbaycan dövləti, yaxud da hansısa iri sahibkarlar xaricdən lazımı avadanlıq alarkən də dollara ehtiyac yaranır. Görünür, son zamanlar bu proses və ona müvafiq olaraq dollara tələb də artıb. Bunlar biznes baxımından tamamilə baş verə bilən proseslərdir. Amma dollar alışında böyük artımın olacağını düşünmürəm”.

Qeyd edək ki, avqustda keçirilən valyuta hərraclarında 512,2 milyon dollar satılıb. Bu məbləğ iyulda 461,6 milyon, iyunda isə 463,6 milyon dollar olub.