AzFakt.com xəbər verir ki, aksiya Beyləqan-Daşburun Magistral yolunun sağ və sol tərəfində, Beyləqan-Füzuli rayonlarının sərhədində təşkil edilib.

Aksiyasında Rayon İcra Hakimiyyətinin başçısı Əziz Əzizov, rayonun hüquq-mühafizə orqanlarının rəhbərləri, YAP Beyləqan rayon təşkilatının sədri və əməkdaşları, RİH başçısının müavinləri və aparatın əməkdaşları, idarə, müəssisə və təşkilat nümayəndələri, rayon ictimaiyyəti iştirak ediblər.

Aksiya zamanı yerli iqlim şəraitinə uyğun olaraq 3000 ədəd küknar, eldar şamı və qaraağac ağacları əkilib, onlara aqrotexniki qulluq göstərilib, ərazidə təmizlik və abadlıq işləri aparılıb.

“Yaşıl dünya naminə həmrəylik ili” çərçivəsində keçirilən ağacəkmə aksiyasının məqsədi ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, iqlim dəyişikliyi ilə mübarizəyə töhfə verməkdir.