Fanat.Az günün ən maraqlı transfer xəbərlərini təqdim edir: 

 

Jurnalist Canluka Di Marzio: "Joao Mario "Benfika"ya qoşulmağa yaxındır. Böyük ehtimalla bazar ertəsi tərəflər müqaviləyə imza atacaq".

"Gazzetta dello Sport" idman agentliyi: "Danimarkalı yarımmüdafiəçi Mikkel Damsqor "Tottenhem" və "Liverpul"un maraq dairəsindədir. Onun klubu "Sampdoriya" futbolçunu 40 milyon avroya satmağı düşünür".

 

"Sport ES" idman agentliyi: "Bir müddət öncə İngiltərədə çıxış etmək istədiyini deyən "Barselona"nın futbolçusu Filipe Koutinyoya Premyer Liqadan təklif var. "Lester" braziliyalı yarımmüdafiəçinin xidmətində maraqlıdır. Bu yaxınlarda klub təmsilçilərinin 29 yaşlı futbolçu ilə görüşü gözlənilir. 

"Gazzetta dello Sport" idman agentliyi: "Moskva "Spartak"ı yeni transferini rəsmən elan edib. "Ağ-qırmızılar" Rusiyanın gənclərdən ibarət yığmasının hücumçusu Artyom Bukovskini rənglərinə bağlayıb. 17 yaşlı futbolçu yeni klubu ilə 5 illik müqaviləyə imza atıb". 

 

Jurnalist Canluka Di Marzio: "Braziliyalı müdafiəçi Dalbert 7 milyon avro müqabilində "İnter"dən "Trabzonspor"a keçməyə yaxındır. O, türk klubunda icarə əsasında çıxış edəcək".

"Loïc Tanzi" idman agentliyi: "Reims"in hücumçusu Bulaye Dianın "Vilyarreal"a keçəcəyi gündəmdədir. Bu transfer 15 milyona başa gələcək". 

Jurnalist Matteo Moretto: "Serxi Roberto "Barselona"nı tərk edə bilər. "Kataloniya" təmsilçisi futbolçunu satmaq niyyətindədir. Hazırda onun üçün klub axtarılır".