AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Gürcüstan prezidenti Saakaşvilinin əfvindən DANIŞDI


Tarix 29.02.24, 19:59	Font ölçüsü : - / +

“Məhbus Mixail Saakaşvilinin əfv edilməsi ilə bağlı qərar dövlət başçısının mənəvi məsuliyyətindədir və buna heç kim təsir edə bilməz”.

Bu sözləri Gürcüstan Prezidenti Salome Zurabaşvili Saakaşvilinin əfv olunmasının mümkünlüyü ilə bağlı fikir bildirərkən deyib.

“Mən bu məsələyə münasibət bildirmirəm. Bu, mənim özümün verəcəyim və buna görə cavabdehlik daşıyacağım mənəvi bir qərardır. Bu, xarici və ya daxili təzyiqin təsir edə biləcəyi məsələ deyil”, - deyə Zurabişvili bildirib.

O qeyd edib ki, ölkədə azad və ədalətli parlament seçkisinin keçirilməsi eks-prezidentin əfv olunub-olunmamasından asılı deyil. Zurabişvilinin sözlərinə görə, Saakaşvili real səbəblərdən həbsdədir.

“Bu o demək deyil ki, biz humanitar perspektivi nəzərə almamalı və ona hörmət etməməliyik. Mən həbsxanada onun başına gələnləri çox diqqətlə izləyirdim. Bu məsələdə nə etməyin lazım olmasına gəlincə, razıyam ki, reputasiya baxımından onun hardasa başqa yerdə olması daha yaxşı olardı”, - deyə Gürcüstan prezidenti vurğulayıb.

Zurabişvili həmçinin bildirib ki, başqa ölkələrin istifadə etdiyi bir çox imkanlar var. Söhbət ekstradisiyadan və ev dustaqlığından gedir. O xatırladıb ki, Ukrayna Saakaşvilini ekstradisiya etməyə hazırdır.

“Deməli, imkanlar var”, - deyə Gürcüstan rəhbəri əlavə edib.

Xatırladaq ki, Saakaşvili ona qarşı bir sıra cinayət işlərinin açılmasına baxmayaraq, 2021-ci ilin oktyabrında vətəninə qayıdıb. Nəticədə Gürcüstanın eks-prezidenti həbs edilib.

Saakaşvili özü həbsini siyasi səbəblərlə əlaqələndirib və aclıq aksiyasına başlayıb. Nəticədə eks-prezidentin səhhəti ciddi şəkildə pisləşib, 2022-ci ilin mayında o, müayinə olunmaq üçün həbsxanadan paytaxt klinikasına köçürülüb. Vəziyyətinə baxmayaraq, Saakaşvili dəfələrlə Gürcüstan siyasətində iştirak etməyə hazır olduğunu bəyan edib.

“Vahid milli hərəkat” partiyası növbəti seçkilərdə qalib gələcəkləri təqdirdə siyasətçinin baş nazir postuna namizədliyini irəli sürəcəklərini istisna etməyib.

Mənbə: Gazeta.ru

Xəbərin oxunma sayı : 382