Yeniavaz.com xəbər verir ki, bu barədə Ukraynanın “Dumskaya” nəşri məlumat yayıb.

Belə ki, klubda tapançadan iki nəfərə atəş açıldığı bildirilib. Hücuma məruz qalan şəxslərdən biri qolundan yaralanıb.

Atəş nəticəsində ötən il Türkiyədə güllələnən Nadir Səlifovun (Lotu Quli) çevrəsindən olan kriminal avtoritet Nazir Əliyev isə həlak olub.

Şübhəli şəxs qismində Azərbaycan vətəndaşı Şahruddin Quliyev saxlanılıb və haqqında Ukrayna Cinayət Məcəlləsinin 115-ci maddəsinin 1-ci hissəsi (qəsdən adam öldürmə) və 15-ci maddəsinin 2-ci hissəsi (qəsdən adam öldürməyə cəhd) ilə cinayət işi açılıb.

Bildirilir ki, cinayətə səbəb Odessanın kriminal birliyində təsir dairələrinin yenidən bölüşdürülməsi məsələsi olub.

Hadisə yerində polisin bir neçə briqadası və ekspertləri işləyir, istintaq-əməliyyat tədbirləri davam etdirilir.

Qeyd edək ki, kriminal aləmdə “Lotu Quli” ləqəbi ilə tanınan Nadir Səlifov 20 avqust 2020-ci ildə qətlə yetirilib. O, Türkiyədə otellərin birində birlikdə yemək yediyi yaxın adamı tərəfindən başından güllələnib. Səlifov xəstəxanaya aparılsa da, həyatını xilas etmək mümkün olmayıb.