AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Yataqxanadakı amansız qətl: Elşad tələbə yoldaşına 40 bıçaq zərbəsi vurub...


Tarix 02.03.25, 22:24	Font ölçüsü : - / +

Bakıda tələbə yoldaşını xüsusi amansızlıqla qətlə yetirən şəxsin cinayət işinin təfərrüatı məlum olub. Qətl hadisəsi yataqxanada başlayan kiçik mübahisə üstündə baş verib.

Musavat.com xəbər verir ki, Sənaye və İnnovasiyalar üzrə Bakı Dövlət Peşə Təhsili Mərkəzinin yataqxanasında baş verib.

2007-ci il təvəllüdlü Elşad Muxtarov otaq yoldaşı 2002-ci il təvəllüdlü Əliəkbər Mərəyevi qətlə yetirib.

Əliəkbərlə Elşad yataqxanada otaq yoldaşı olublar. Onlar arasında daha əvvəl heç bir münaqişə və narazılıq olmayıb. Hadisə günü Elşad yatmaq istədiyini deyərək Əliəkbərdən otağın işığını söndürməsini, telefonun da səsini almasını istəyib. Lakin bu sözlər Əliəkbərin xoşuna gəlməyib və onlar mübahisə etməyə başlayıb. Mübahisə zamanı Elşad otaqdakı masanın üzərində olan meyvə bıçağını götürərək Əliəkbərə zərbələr endirib.

İstintaqla müəyyən edilib ki, Elşad Əliəkbərə 40-dan çox bıçaq zərbəsi vurub.

Bu əməlinə görə ona xüsusi amansızlıqla qəsdən adam öldürmə və xuliqanlıq niyyəti ilə qəsdən adam öldürmə maddələri ilə ittiham irəli sürülüb. Elşad özünü qismən təqsirli bilib. Deyib ki, Əliəkbəri xuliqanlıq niyyəti ilə öldürməsi ittihamı ilə razılaşmır. O, həmin maddənin ittihamdan çıxarılmasını istəyib.

Elşadın vəkili bildirib ki, müdafiə etdiyi şəxs mərhumu öldürən zaman yanlarında heç kim olmayıb.

“Hadisə zərərçəkmiş şəxslə məhkum arasında şəxsi münasibətlər zəminində baş verib. İctimai qaydanı kobud surətdə pozmağa və cəmiyyətə qarşı açıq-aşkar hörmətsizlik ifadə edən hərəkətlərə çevrilməyib. Hadisə zamanı ətrafda heç kim olmayıb. Hadisə yerinə gələn şəxsləri isə məhkum özü zərərçəkmişə kömək etmək məqsədilə çağırıb. Elşad Əliəkbərin ölməsini istəməyib. Bu səbəbdən dəfələrlə təcili tibbi yardıma zəng edib. Hadisəni konkret olaraq xatırlamır. Mərhum onunla söyüşlə danışıb, işığı yandırıb onu əsəbləşdirib. Xəstəliyi səbəbindən bunun nəticəsində də onda gərgin psixi vəziyyət yaranıb və sonda bu hadisə baş verib”- deyə vəkil müdafiə çıxışında deyib.

Bakı Ağır Cinayətlər Məhkəməsinin hökmü ilə Elşad 19 il azadlıqdan məhrum edilib. Onun apellyasiya və kassasiya şikayətləri təmin edilməyib və hökm qüvvədə qalıb.

Xəbərin oxunma sayı : 1093