AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Elə sevinirik ki, yenidən öz yurdumuza qayıtdıq - VİDEO


Tarix 01.03.26, 17:48	Font ölçüsü : - / +

Baku TV-nin "Kəndinə qayıt" verilişinin yeni buraxılışında Ballıca kəndinə səfər edilib.

Ballıca kəndi Xocalı şəhər mərkəzindən təxminən 10 kilometrdən bir qədər artıq məsafədə yerləşir. Ərazi əvvəllər yaylaq kimi istifadə olunub.

XIX əsrdən etibarən burada daimi yaşayış formalaşıb, kənd tədricən böyüyüb. İşğaldan əvvəl Ballıcada təxminən 1 100 nəfər əhali yaşayırdı. Uzun illər Azərbaycanın müxtəlif bölgələrində məskunlaşan sakinlər bu gün doğma torpaqlarına qayıdaraq yenidən öz evlərində həyat qururlar.

Onlar bildirirlər ki, əvvəllər bir evdə toplaşar, yemək bişirər, çay dəmləyər və saatlarla söhbət edərdilər. İndi isə həmin ənənə yenidən bərpa olunub. Çünki artıq ev də var, ocaq da var, bir araya gəlməyə yer də var. Ballıca sakinlərindən biri qayıdışın onun üçün mənəvi dəyərini belə ifadə edib:

"Atam özü bu günü görməsə də, ruhu buradadır. Elə sevinirik ki, yenidən öz yurdumuza, öz yerimizə qayıtdıq".

Veriliş çərçivəsində kəndin tarixi və təbiəti ilə bağlı da məlumat verilib. Sakin Teymur müəllim kəndin məşhur Damcılı bulağı haqqında danışıb.

Onun sözlərinə görə, vaxtilə kənddə su xətləri az olduğundan əhali əsasən təbii bulaqlardan istifadə edirdi. Qohum-əqrəba, kənd sakinləri su ehtiyacını məhz bu bulaqdan qarşılayırdı.

Teymur müəllim bildirib ki, Ballıcanın torpağı olduqca münbit olub, burada yetişən meyvə və bitkilər xüsusi dadı ilə seçilib. Kənddə arıçılıq geniş yayılıb, istehsal olunan bal isə suyun və təbiətin keyfiyyətinə görə xüsusilə dadlı olub.

O, həmçinin qeyd edib ki, Damcılı bulağının suyu yay aylarında da sərin olur. Hətta 40 dərəcə isti havada belə bulağın ətrafında insan sərinlik hiss edir. Damcılayan su mənzərəsi isə kənd sakinləri tərəfindən təbiətin bir möcüzəsi kimi dəyərləndirilir.