AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Azərbaycan ilə İtaliya arasında qarşılıqlı hörmətə, etimada və ortaq maraqlara əsaslanan əməkdaşlıq


Tarix 07.05.26, 6:00	Font ölçüsü : - / +

İtaliya Azərbaycanın dost və strateji tərəfdaş ölkəsidir. Ölkələrimiz arasında münasibətlər durmadan inkişaf edir və bu gün artıq nümunə göstəriləcək səviyyəyə yüksəlib.

Azərbaycan ilə İtaliya arasında qarşılıqlı hörmətə, etimada və ortaq maraqlara əsaslanan əməkdaşlıq gündən-günə daha da möhkəmlənir.

Təsadüfi deyil ki, bu uğurlu əməkdaşlığın nəticəsi olaraq Azərbaycan İtaliyanın regionda əsas ticarət tərəfdaşına çevrilib. Bu tərəfdaşlıq xüsusilə enerji sahəsində özünü daha aydın göstərir. Məlumdur ki, Azərbaycan İtaliya üçün ən böyük xam neft tədarükçüsüdür. Eyni zamanda nəhəng Trans-Adriatik qaz kəməri vasitəsilə Azərbaycan Avropa üçün ən etibarlı enerji təchizatçılarından biridir. Bu layihə çərçivəsində ölkəmiz dost İtaliya üçün üçüncü ən böyük təbii qaz tədarükçüsü kimi çıxış edir və Avropanın enerji təhlükəsizliyinə mühüm töhfə verir. İtaliya Respublikası Nazirlər Şurasının sədri Ciorcia Meloninin ölkəmizə səfəri və yüksək səviyyədə qəbul olunması ölkələrimiz arasında qarşılıqlı etimadın, dostluğun və strateji tərəfdaşlığın yüksək səviyyədə olmasının bir daha təsdiqi oldu.

Əvvəla, onu qeyd edək ki, səfər çərçivəsində keçirilən görüşlər onu deməyə əsas verir ki, ölkələrimiz arasında əlaqələr durmadan inkişaf edir və getdikcə daha da möhkəmlənir. 2020-ci ildə Romada imzalanmış “Çoxölçülü Strateji Tərəfdaşlığın Gücləndirilməsinə dair Birgə Bəyannamə” iki ölkə arasında münasibətlərin dərinləşdirilməsi üçün mühüm yol xəritəsi kimi müəyyən edilmişdir. Xanım Meloninin səfəri və əldə olunan razılaşmalar isə əməkdaşlığımızın daha da genişlənməsi və dərinləşməsi üçün güclü zəmin yaratdı.

İkincisi, Prezident İlham Əliyev vacib bir nüansa toxunaraq danışıqların çox uğurlu keçdiyini bildirdi və Ermənistandan gəlmiş xanım qonağın ölkəmizi ziyarət etməsinin xüsusi rəmzi məna daşıdığını, bunun isə Azərbaycana dost münasibətin göstəricisi olduğunu qeyd etdi. Prezident həmçinin ölkəmizin də İtaliyaya eyni münasibət bəslədiyini vurğuladı və bu səfərin strateji münasibətlərimizin inkişafında həlledici rol oynayacağını bildirdi. Sirr deyil ki, bu yüksək səviyyəli təmaslar ölkələr arasında qarşılıqlı etimadın möhkəmlənməsinə mühüm töhfə verir, regional əməkdaşlığın daha da genişlənməsi üçün də yeni imkanlar yaradır. Bu proses uzunmüddətli və dayanıqlı tərəfdaşlığın formalaşmasına zəmin yaradır, əməkdaşlığ daha da intensivləşdirir.

Üçüncüsü, Azərbaycan İtaliya münasibətlərinin çoxşaxəli və strateji xarakterini ümumiləşdirən ölkə başçısı vurğuladı ki, iki ölkə arasında əlaqələr yüksək səviyyədə inkişaf edir və strateji tərəfdaşlığa çevrilib. Əsas əməkdaşlıq istiqaməti enerji sahəsidir. Bununla yanaşı, ticarət dövriyyəsinin yüksək olması, qarşılıqlı investisiyalar və İtaliyanın Azərbaycanda, eləcə də Qarabağ və Şərqi Zəngəzur bölgələrində həyata keçirdiyi layihələr iqtisadi əməkdaşlığın genişliyini göstərir. Eyni zamanda münasibətlər yeni sahələri də əhatə edir və hərbi-texniki əməkdaşlıq, birgə istehsal və texnologiya mübadiləsi istiqamətləri inkişaf etdirilir. Təhsil sahəsində isə İtaliya Azərbaycan Universiteti iki ölkə arasında insan kapitalı və bilik əlaqələrini daha da gücləndirir. Ümumilikdə, Azərbaycan İtaliya münasibətləri enerji əməkdaşlığı ilə başlayaraq iqtisadi, sənaye, investisiya və humanitar sahələri əhatə edən geniş strateji tərəfdaşlığa çevrilib.

Dördüncüsü, xanım Ciorcia Meloninin Azərbaycan İtaliya münasibətlərinə kompleks yanaşaraq enerji əməkdaşlığının hələ də əsas istiqamət olduğunu, eyni zamanda sənaye tərəfdaşlığı, investisiyalar və nəqliyyat sahələrinin inkişaf etdiyini vurğulayaraq Azərbaycanın Avropa ilə Asiya arasında qovşaq rolunun gücləndirilməsində İtaliyanın Avropa bazarına çıxış baxımından mühüm rol oynadığını da qeyd etdi. Bundan əlavə, müdafiə və təhlükəsizlik, yüksək texnologiyalar və birgə istehsal kimi yeni əməkdaşlıq sahələrinin, eləcə də təhsil və mədəni əlaqələrin inkişafına təkan verildiyini bildirdi. Bu isə münasibətlərin daha da genişlənərək çoxşaxəli strateji tərəfdaşlığa çevrildiyini açıq şəkildə ortaya qoyur.

Nəhayət, Ciorcia Meloninin səfəri bir daha göstərdi ki, Azərbaycan İtaliya münasibətləri enerji əsaslı əməkdaşlıq çərçivəsindən çıxaraq siyasi, iqtisadi və təhlükəsizlik sahələrini əhatə edən uzunmüddətli strateji tərəfdaşlıq səviyyəsinə yüksəlib. Bu əlaqələrin qurulmasında şübhəsiz ki, Prezident İlham Əliyevin xidmətləri danılmazdır. Bu xidmətlərin nəticəsi olaraq iqtisadi sabitlik, beynəlxalq öhdəliklərə əməl və digər mühüm amillərə əsaslanan siyasi sistem sayəsində Azərbaycan bu gün dünyada etibarlı və strateji tərəfdaş kimi qəbul edilir. İtaliya Respublikası Nazirlər Şurasının sədrinin ölkəmizə səfəri bu həqiqəti bir daha təsdiq etdi.

Kəmalə Babayeva

Xəbərin oxunma sayı : 292