AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Dövlət reyestri, FHN Anar Mahmudovun əleyhinə çıxdı, xeyri olmadı - Eldar Mahmudovun oğlunu qalib elan etdilər


Tarix 25.06.26, 20:00	Font ölçüsü : - / +

Ali Məhkəmədə hakim Elşad Şamayevin icraatında sabiq milli təhlükəsizlik naziri Eldar Mahmudovun oğlu Anar Mahmudovun adı keçən şikayət daxil olub.

Musavat.com xəbər verir ki, söhbət Anar Mahmudovun Bakının mərkəzində yerləşən binalardan birində olan 3 Azərbaycan vətəndaşının mülkiyyətinə iddia edir. Məsələ ilə bağlı ötən il Anar Mahmudov Səbail rayon Məhkəməsinə iddia təqdim edib. Səbail Rayon Məhkəməsi Anar Mahmudovun “Dolçasaray” MMC-yə və bir neçə mənzil sahibinə qarşı qaldırdığı iddianı əsassız hesab edərək rədd edib. Məhkəmə materiallarından görünür ki, Anar Mahmudov 2025-ci ilin mayında müraciət edərək “Dolçasaray Rezidens”də yerləşən bir neçə mənzilin ona məxsus olduğunu iddia edib, həmin mənzillərin sonradan başqa şəxslərə satılmasının qanunsuz sayılmasını, alqı-satqı müqavilələrinin etibarsız hesab edilməsini və mənzillərin ona qaytarılmasını tələb edib. Lakin işin araşdırılması zamanı ortaya çıxan faktlar məhkəmənin tamamilə fərqli nəticəyə gəlməsinə səbəb olub.

İş üzrə ən diqqətçəkən məqamlardan biri budur ki, Anar Mahmudov əvvəllər də “Dolçasaray” MMC-yə qarşı iddialarla çıxış edib. Əvvəlki məhkəmə qərarlarında Anar Mahmudova təhvil verilməsi nəzərdə tutulan 202 və 453 kvadratmetrlik mənzillərin “Dolçasaray Rezidens”dəki binanın 14-cü mərtəbəsində faktiki olaraq mövcud olmadığı müəyyən edilib. Bu barədə həm ekspert rəyləri, həm də Fövqəladə Hallar Nazirliyinin müvafiq qurumunun rəyi təqdim olunub.

Məhkəmə sənədlərinə görə, binanın 14-cü mərtəbəsində ümumilikdə 4 mənzil mövcuddur və onların sahələri Anar Mahmudovun iddia etdiyi 202 və 453 kvadratmetrlik göstəricilərlə üst-üstə düşmür.

Bu səbəbdən daha əvvəl çıxarılmış icra sənədi də yerinə yetirilə bilməyib və icra məmuru sənədi geri qaytarıb. Sonradan Anar Mahmudov həmin qərardan şikayət versə də, məhkəmələr onun şikayətini təmin etməyiblər.

Səbail Məhkəməsində Anar Mahmudovun iddiasına baxılarkən məlum olub ki, mübahisə predmeti olan 45, 46 və 48 saylı mənzillər müxtəlif vaxtlarda ayrı-ayrı şəxslər tərəfindən “Dolçasaray” MMC-dən alınaraq dəyəri tam ödənilib.

Belə ki, 46 saylı mənzil 2020-ci ildə V.Mirqasımov tərəfindən alınıb və 480 min manat ödənilib. 48 saylı mənzil 2020-ci ildə M.Dadaşzadə tərəfindən 340 min manata əldə edilib, 45 saylı mənzil isə Şövkət Əliyeva tərəfindən alınıb və ödəniş tam həyata keçirilib. Məhkəmə həmin şəxslərin mənzilləri əldə edərkən bütün qanuni prosedurlara əməl etdiklərini və onların vicdanlı alıcı statusuna malik olduqlarını müəyyən edib.

Qərarda xüsusi vurğulanır ki, alıcılar mənzilləri əldə edərkən daşınmaz əmlakın dövlət reyestrində həmin əmlakların “Dolçasaray” MMC-nin adına qeydiyyatda olduğunu görüblər. Mənzillər üzərində hər hansı həbs, qadağa və ya yüklülük barədə qeyd olmayıb.

Məhkəmə hesab edib ki, vətəndaşlar dövlət reyestrinin məlumatlarına inanmaq hüququna malikdirlər və həmin məlumatların düzgünlüyünə əsaslanaraq müqavilə bağlayıblar. Buna görə də onların hüquqları qorunmalıdır.

Qərarda diqqət çəkən digər məqam iddia müddəti ilə bağlıdır. Məhkəmə sənədlərində göstərilir ki, Anar Mahmudov ən azı 2021-ci ildən sözügedən mənzillərin başqa şəxslərə satıldığını bilib. Hətta həmin fakt əvvəlki məhkəmə proseslərində də səsləndirilib. Buna baxmayaraq, müqavilələrin etibarsız sayılması tələbi ilə yalnız 2025-ci ilin mayında məhkəməyə müraciət olunub.

Səbail Rayon Məhkəməsi qeyd olunanları nəzərə alıb və Anar Mahmudovun iddiasını təmin etməyib. Çünki Anar Mahmudov müqavilələrin etibarsızlığını sübut edə bilməyib. Mənzilləri alan şəxslər isə vicdanlı alıcılardır.

Ən başlıcası, vətəndaşlar “Dolçasaray” MMC-dən mənzilləri alarkən dövlət reyestrində heç bir məhdudiyyət qeyd olunmayıb. Vətəndaşlar Dövlət reyestrinə inanmayıb hara, kimə inanmalı idilər?

Üstəlik, Anar Mahmudovun iddialı olduğu mənzillərin faktiki mövcudluğu ilə bağlı ortada ciddi ziddiyyətlər var - Fövqəladə Hallar Nazirliyi Eldar Mahmudovun oğlunun iddiasında göstərdiyi ölçülərdə binada mənzil olmadığına dair rəy verib. Keçirilmiş ekspertiza da öz rəyi ilə bu məqamı təsdiqləyib. Digər bir məsələ isə Anar Mahmudovun iddiasından belə aydın olur ki, o, 2021-ci ildən mülkiyyət hüquqlarının pozulduğunu bilib. Belə olan halda Anar Mahmudovun uzun müddət məhkəməyə müraciət etməməsi nə ilə əlaqədar olub?

Bütün bunları nəzərə alan məhkəmə Anar Mahmudovun alqı-satqı müqavilələrinin etibarsız hesab edilməsi, mənzillərin boşaldılması və ona təhvil verilməsi ilə bağlı iddiasını təmin etməyib.

Maraqlıdır ki, Anar Mahmudov atası vəzifədən çıxarılandan sonra ölkədən gedib və geri qayıtmayıb. Atası Eldar Mahmudovun barəsində Baş Prokurorluğun Ağır Cinayətlərə Dair İşlər üzrə İstintaq İdarəsində cinayət işi mövcuddur. Həmin cinayət işində Anar Mahmudovun adının hallanması və barəsində axtarış işinin olması da yayılan məlumatlar sırasındadır. Belə bir vaxtda Anar Mahmudovun xaricdə oturub Bakıda məhkəmə davaları açması da maraq doğurur. Onun Səbayel Rayon Məhkəməsinin iş üzrə qətnaməsini mübahisələndirməsi, Bakı Apellyasiya Məhkəməsində hakim Məmməd Məmmədovun heç bir əsaslandırma aparmadan iş üzrə Anar Mahmudovun xeyrinə qərar verməsi də az maraq doğurmur.

Hazırda iş kassasiya instansiyasındadır. Hər 3 vətəndaş Ali Məhkəmədən ədalətli qərar gözləyir.

Xəbərin oxunma sayı : 166