AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Səudiyyə şahzadəsinin otel otağında sirli ölümü - İstintaq təfərrüatları açıqladı


Tarix 24.07.26, 14:38	Font ölçüsü : - / +

Səudiyyə Ərəbistanı şahzadəsi Abdullah bin Fəhd bin Abdullah bin Əbdüləziz bin Cələvi Əl Səudun 2025-ci ilin noyabr ayında Londondakı lüks bir oteldə ölümü ilə bağlı istintaqın nəticələri elan olunub.

Yeniavaz.com “The Daily Telegraph” qəzetinə istinadla xəbər verir ki, meyitin autopsiyası zamanı onun ölümünə narkotikin həddindən artıq dozasının səbəb olduğu müəyyən edilib.

Nəşrin məlumatına görə, toksikoloji ekspertiza zamanı şahzadənin qanında yüksək dozada alkoqol, qamma-hidroksibutirat, kannabis və “Xanax” izləri tapılıb.

Onun cəsədi 25 noyabrda Kensinqtondakı gecəsi 600 funt-sterlinq (800 dollar) olan “Marriott” otelinin vanna otağında tapılıb.

Qəzet xəbər verir ki, ölümündən üç ay əvvəl şahzadə Londonun “Priory” xəstəxanasında detoks müalicəsi alıb. Onun bu xəstəxanada müalicə xərcləri həftədə 35 000 funt sterlinqə (45.000 dollara) çatıb.

“Priory” xəstəxanasının psixiatrı Viktoriya Çamorronun sözlərinə görə, şahzadə xəstəxanadan çıxdığı zaman intihar riski altında olmayıb.

O, qəbul zamanı əhvali-ruhiyyəsinin aşağı olmasına baxmayaraq, klinikada digər xəstələrə qarşı mehriban və diqqətli olduğunu və hətta onlarla dostlaşdığını qeyd edib. Çamorro əlavə edib ki, o, xəstəxanadan çıxdıqdan sonra videokonfrans vasitəsilə seanslarda iştirak etməli idi, lakin şahzadə ünsiyyəti dayandırıb.

29 yaşlı şahzadə noyabrın 19-da otelə bir həftəlik yerləşib.

Müşahidə kameraları onu sonuncu dəfə ölüm günündən əvvəlki axşam siqaret çəkmək üçün küçəyə çıxarkən çəkib.

Onun cəsədini beşinci mərtəbədəki otağının vanna otağında xadimə xanım aşkar edib. Təcili yardım işçilərinin müdaxiləsinə baxmayaraq, onu həyata qaytarmaq mümkün olmayıb.

"The Daily Telegraph" qəzetinin məlumatına görə, şahzadə müalicəsini İngiltərənin şimalındakı Mersisayd əyalətinin Sent Helens şəhərindəki “Rainford Hall” xəstəxanasında davam etdirib və onun bu xəstəxanadakı müalicəsinin qiyməti həftəlik 7000 funt sterlinq (9300 dollar) təşkil edib.

Orada ona yuxarı tənəffüs yollarının infeksiyası diaqnozu qoyulub. O, 14 oktyabrda sağaldıqdan sonra xəstəxanadan buraxılıb.

Meyit müayinəsi zamanı şahzadənin kəskin və ya xroniki xəstəlikləri olmadığı, lakin narkotik və alkoqol asılılığı nəticəsində ürək tutmasından əziyyət çəkdiyi məlum olub.

London Koroner Məhkəməsi şahzadənin qəsdən həyatına son verdiyini göstərən heç bir sübutun olmadığını elan edib. Məhkəmə ölümün səbəbini çoxsaylı narkotik maddə və alkoqol qəbulundan yaranan bədbəxt hadisə kimi qiymətləndirib.

Qeyd edək ki, Abdullah bin Fəhd bin Abdullah bin Əbdüləziz bin Cələvi Əl Səud ulu babası Kral Salman bin Əbdüləziz Əl Səudun nəslindəndir.

Səudiyyə Kral Məhkəməsi şahzadənin ölümünü 2 dekabr 2025-ci ildə rəsmən təsdiqləyib. O, Ər-Riyadda yerləşən İmam Turki bin Abdullah məscidində keçirilən dəfn mərasimindən sonra torpağa tapşırılıb.