AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Haber Global” əl dəyişə bilər - Kanal ətrafında nələr baş verir?


Tarix 28.07.26, 13:49	Font ölçüsü : - / +

İlin sonuna qədər “Haber Global”ın əl dəyişməsi, ya da “satılması” gözlənilir

Son zamanlar Türkiyədə fəaliyyət göstərən və Azərbaycan vətəndaşlarına aid olan “Haber Global” telekanalının ətrafında yayılan söz-söhbətlər diqqət cəkir.

Poliqon xəbər verir ki, bir neçə gün əvvəl yerli mətbuatda yayılan bir xəbərdə bildirilirdi ki, Türkiyə telekanalları arasında “Haber Global”ın reytinqinin çox aşağı olması, hətta reytinq cədvəlinin ən sonlarında yer alması bu kanala ayrılan böyük sərmayələrin havaya sovurulması anlamına gəlir.

Bu xəbərdən bir neçə gün əvvəl isə “Haber Global”ın sahiblərindən biri Elnur Abdullayev “Forbes” nəşri və beynəlxalq araşdırma şirkəti “Statista” tərəfindən həyata keçirilən müstəqil qiymətləndirmənin nəticələrinə əsasən "Türkiye`s Best Employers 2026" siyahısına daxil olması və müvafiq sertifikata layiq görülməsi ilə bağlı bir paylaşım etmişdi. Paylaşımda diqqət çəkən məsələ o idi ki, alınan sertifikat kanalın Türkiyə cəmiyyətində əldə etdiyi uğurla bağlı deyil, işçinin işəgötürəndən məmnuniyyəti ilə bağlıydı. Yəni söhbət “Haber Global”da çalışanların Elnur Abdullayevdən məmnunluğundan gedirdi və bu “uğur” ümumilikdə “Haber Global”ın bir telekanal olaraq Türkiyə cəmiyyətində əldə etdiyi uğurla yaxından uzaqdan bağlı deyildi. Sadəcə Elnur Abdullayevin işverən kimi işçilərə yanaşması önə çəkilirdi…

Bu arada bildirək ki, son zamanlar beynəlxalq təşkilatların adından istifadə edərək müsbət imic yaratmaq bir tendensiya halını almaqdadır və bunu manipulyasiya kimi dəyərləndirmək olar. Belə ki, “Forbes”, “Gallup” və s. kimi dünya markalarının yerli təşkilatları yaradılır və bir çox hallarda ana təşkilatın bu “törəmə” təşkilatlardan xəbəri belə olmur. Misal üçün bir neçə il əvvəl “Gallup Ermənistan” adlı bir təşkilat ictimai rəy sorğusu keçirərək Ermənistanda müxalifəti seçkinin lideri kimi təqdim edirdi. Amma seçkinin nəticəsi bu sorğuların tamamilə əksini ortaya qoyurdu. Ermənistan hakimiyyətinin etirazlarından sonra “Gallup”un ana təşkilatı onların Ermənistanda törəmə təşkilatının olmadığını bildirdi və sonra məlum oldu ki, “Gallup Ermənistan”I müxalifət yaradıb və bu təşkilatın ABŞ-dəki ana təşkilatla heç bir əlaqəsi olmayıb.

“Forbes” markası ilə bağlı da eyni şeyi demək olar və qeyd etməliyik ki, bu əslində dünya markalarının adından istifadə edərək onların “törəmə”lərini yaradan əcnəbi şəxslərin dələduzluqlarından başqa bir şey deyil. Biz “Forbes Türkiyə”nin ana təşkilatla nə qədər əlaqəli olduğunu bilmirik və bu üzdən də “Forbes” və “Statista” təşkilatları adından kimlərinsə manipulyasiya edib-etmədiyini də iddia edə bilmərik.

Qeyd edək ki, televiziya bazarında hər şey rəqəmlərdən ibarətdir. Bir kanalın əsl dəyərini divardan asılan sertifikatlar yox, TİAK kimi rəsmi auditoriya ölçüm hesabatlarındakı yeri müəyyən edir. Əgər bir telekanal reytinq cədvəlində, məsələn, ilk 100-lükdə lazımi yerlərdə deyilsə və ya izlənmə payı rəqiblərdən böyük ara geridə qalırsa, rəhbərlik dərhal reklamverənlərin gözünə kül üfürmək üçün yollar axtarır. “Baxış sayımız az ola bilər, amma biz ən yaxşı işəgötürənik” məntiqi, məhz rəqəmlərdəki zəifliyi ört-basdır etmək üçün istifadə olunan manipulyasiyadır.

Bu cür araşdırmaların metodologiyası kağız üzərində nə qədər bəzədilsə də, reallıq budur ki, "Statista" və "Forbes" bu işi xeyriyyə məqsədi ilə etmir. Kanalın rəhbərliyi bəzən işçilərinə zorla və ya xahiş-minnətlə o “anonim” sorğunu yüksək xalla doldurtdurur. Siyahıya düşdükdən sonra isə əsas məsələ başlayır: o lənətəgəlmiş loqonu ekrana, qrafiklərə və mətbuat relizlərinə yapışdırmaq üçün yüz minlərlə dollar dəyərində “lisenziya haqqı” ödənilir. Bu, işçiyə verilən dəyər deyil, rəhbərliyin öz eqosunu oxşamaq və holdinqə saxta prestij qazandırmaq üçün atdığı addımdır.

Digər tərəfdən ekranda və ya sosial mediada xəbərin peşəkar, qrafiklərin qüsursuz, mətnin isə diqqətçəkici görünməsi üçün necə manipulyasiyalar edilirsə, bu sertifikat da tamamilə eyni məqsədə xidmət edir. Məqsəd, daxildəki struktur problemlərini və ya adi, standart bir iş mühitini elə bəzəyib təqdim etməkdir ki, kənardan baxan investor və tamaşaçı bunu bir “möcüzə” zənn etsin.

Bir sözlə, bu sertifikat media qurumunun cəmiyyətə verəcəyi xəbərin obyektivliyinə, sürətinə və ya peşəkarlığına heç bir təsir etmir. O, sadəcə olaraq media bosslarının kabinetindən asmaq və bahalı bir PR aləti kimi istifadə etmək üçün alınmış “bəzək əşyasıdır”.

“Haber Global”ın Türkiyədəki reytinqinə gəlincə, kanala yaxın mənbədən aldığımız məlumata görə, “Haber Global”ın Türkiyə xəbər kanalalrı arasında olan reytinqi 0,3%-dir. Yəni Türkiyədə xəbər kanalalrını izləyən 100 insandan biri deyil, bir nəfərin 1/3-i “Haber Global”I izləyir. Mənbəmizin bu iddiasına inanarsaq, deyə bilərik ki, bu bərbad bir reytinqdir və “Haber Global”ın fəaliyyəinə başlamasının hazırlığı və sonradan fəaliyyəti üçün cəlb edilən milyonlarla vəsaitin doğrudan havaya sovrulmasıdır.

Yəni iddia olunan reytinqdən çıxış edərsək, xərclənən böyük pullara rəğmən “Haber Global”ın rəhbərliyi qarşıya qoyulan hədəflərə nəinki çata bilməyib, hətta bu hədəflərə yaxınlaşmayıb belə. Bu da onu deməyə əsas verir ki, “Haber Global” bir layihə olaraq özünü doğrultmayıb, daha doğrusu batırılıb.

Bəs Türkiyədə bir nəfərin 1/3-nin izlədiyi “Haber Global”ın bu qədər geridə qalmasının əsl səbəbləri nədir? Təbii ki, çoxlu obyektiv və subyektiv səbələr ola bilər, ancaq rəhbərliyin fəaliyyəti burda əsas rol oynayan səbəb kimi görülməlidir. Hesab etmək olar ki, rəhbərliyin qeyri-peşəkarlığı belə bir bərbad reytinqin ortaya çıxmasında heç də az rol oynamır və bu faktor arxa plana atılmamalıdır.

Ümumilikdə götürdükdə isə “Haber Global” Türkiyə televiziya bazarında “CNN Türk”ün “törəməsi” kimi görünür. Çünki “Haber Global” hər şeylə “CNN Türk”ü təkrarlayır. Hər iki kanalda istər müzakirə olunan mövzular, istərsə də ekspertlər eyni olurlar və bu təkrarçılıq artıq tamaşaçı üçün heç bir şey kəsb eləmir.

Yəni “CNN Türk”də danışan ekspertlər bir neçə saat sonra, ya da bir gün sonra eyni mövzuları “Haber Global”da müzakirə edirlər və belə təəssurat yaranır ki, “Haber Global”I idarə edən şəxslərin özlərinə məxsus heç bir konsepsiyası və baxış bucaqları yoxdur. Bu isə onu gösrtərir ki, “Haber Global”ın rəhbərliyi “kopi-pasta” sistemi ilə çalışırlar və müstəqil yaradıcılıq və müstəqil yanaşma onlarda sıfırın altındadır.

İstisna halalrda müstəqil baxış bucağı ortaya qoyulanda isə daha bərbad bir şeylər ortaya çıxır və ortaya çıxan mənzərə onu deməyə əsas verir ki, “Haber Global”ın ya siyasi kursu yoxdur, ya da bu siyasi kurs əslində Türkiyə hakimiyyətinin siyasi kursu ilə üst-üstə düşmür. Yəni “Haber Global”ın istisnaları “törəmə” qurumun əslində “CNN Türk” olaraq görünən “ana” qurumdan nə qədər fərqli olduğunu ortaya qoyur və bu da təbii olaraq sual doğurur: “Haber Global” “CNN Türk”ü niyə, hansı səbəbdən kopyalayır? Bəlkə ona görə ki, kanalda çalışan komandanın yaradıcılıq əmsalı yoxdur və bu üzdən də kanal rəhbərliyi sadəcə “CNN Türk”ü yamsılayaraq işin içindən çıxmağa çalışır?

“Haber Global”ın sosial şəbəkələrdə izlənmə sayları da çoxlu sualalr doğurur. Üzdən baxanda kanalın sosial şəbəkə səhifələrinin 100 minlərlə, hətta milyonlarla izləyiciləri var. Amma paylaşımların baxış sayına və bəyənmələrə baxanda tamam başqa mənzərəylə rastlaşırıq. Paylaşımların bəyənilmə və baxış sayları o qədər cüzi olur ki, istər-istəməz yüz minlik, milyonluq səhifələrin saxta botlardan ibarət olduğu aydın olur.

Hazırda “Haber Global”ın ətrafında görünən mənzərə budur ki, ortada böyük pullar var və Azərbaycana aid olunun bu pullar heç bir məqsədə çatmadan bir neçə azərbaycanlının və onlarla türkün cibinə girir. Ona görə də “Haber Global”da çalışanların Elnur Abdullayevdən məmnun olmaları təbii görünməlidir. Problem isə odur ki, bu pullar nə Azərbaycana, nə də Türkiyəyə heç bir səmərə vermir.

Bu arada əldə etdiyimiz başqa bir məlumata görə ilin sonuna qədər “Haber Global”ın əl dəyişməsi, ya da “satılması” gözlənilir. Bu barədə və “Haber Global”ın ətrafında dönən böyük pullarla bağlı növbəti yazımızda məlumat verəcəyik.

Xəbərin oxunma sayı : 460