AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

“Səndən zəhləm gedir, boşanacam” deyən arvadını bıçaqladı - MƏHKƏMƏ


Tarix 15.09.26, 12:37	Font ölçüsü : - / +

Gəncə Ağır Cinayətlər Məhkəməsində xuliqanlıq niyyətilə həyat yoldaşını bıçaqlamaqda təqsirləndirilən Mir Nəsib Hətəmovun (soyadı şərtidir) cinayət işi üzrə məhkəmə araşdırması zamanı hadisənin təfərrüatları açıqlanıb.

Pravda.az-ın əldə etdiyi məlumata görə, hakim Elşən Vəliyevin sədrliyi ilə keçirilən prosesdə ittiham aktı elan olunub.

İttihama görə, Mir Nəsib Hətəmov 2025-ci il tarixdə saat 17 radələrində Gəncə şəhərində yaşadığı fərdi yaşayış evinin qonaq otağında arvadı, zərərçəkmiş Bəsti Hətəmova (soyadı şərtidir) ilə mübahisə edib. Mübahisəyə səbəb qadının ərinə mütəmadi olaraq spirtli içki qəbul etməsinə irad bildirməsi olub. Təqsirləndirilən şəxs bunu bəhanə edərək evin mətbəxindən məişət təyinatlı mətbəx bıçağı götürüb. O, həmin bıçaqla arvadına ardıcıl olaraq iki dəfə zərbə endirib. Nəticədə Bəsti Hətəmovanın qarın nahiyəsinin sağ yan səthində və sağ qabırğaltı nahiyəsində deşilmiş-kəsilmiş yaralar yaranıb.

Hadisədən sonra Mir Nəsib Hətəmov saxlanılıb və onun barəsində Cinayət Məcəlləsinin 126.2.4-cü (Qəsdən sağlamlığa ağır zərər vurma, ümumi təhlükəli üsulla, xuliqanlıq niyyətilə) maddəsi ilə ittiham irəli sürülüb.

Məhkəmə istintaqı zamanı Mir Nəsib Hətəmov Cinayət Məcəlləsinin 126.2.4-cü maddəsi ilə elan olunmuş ittiham üzrə özünü qismən, yəni həmin Məcəllənin 126.1-ci maddəsi ilə təqsirli bilib. O deyib ki, həyat yoldaşını qısqanclıq məqsədilə vurub.

Təqsirləndirilən şəxsin sözlərinə görə, hadisə günü işdən çıxdıqdan sonra restorana gedərək yeyib-içib, daha sonra evə qayıdıb. Evdə Bəsti ilə mübahisə edib: “O, mübahisə zamanı mənə nalayiq ifadələr işlətdi və “Səndən zəhləm gedir, boşanacam” dedi”.

Mir Nəsib Hətəmov həyat yoldaşına bir neçə dəfə telefonunun şifrəsini dəyişdirməməsini bildirdiyini, lakin onun şifrəni tez-tez dəyişdirdiyini deyib. Həmçinin arvadı “TikTok” sosial şəbəkəsindən istifadə etməsini istəmədiyini, lakin onun bu tələbinə məhəl qoymadığını bildirib.

Təqsirləndirilən şəxs qeyd edib ki, hadisə günü Bəsti Hətəmova ona qarşı nalayiq ifadələr işlədib və qadını qorxutmaq məqsədilə bıçaqdan istifadə edib: “Onu öldürmək niyyətim olmayıbdı”.

Mir Nəsib Hətəmov hadisə zamanı evdə onlardan başqa heç kimin olmadığını, həyat yoldaşına iki dəfə bıçaq zərbəsi vurduğunu söyləyib.

O, zərərçəkmiş şəxsi yaraladıqdan sonra bacısının evə gəldiyini və Bəstinin xəstəxanaya aparıldığını deyib.

Təqsirləndirilən şəxs hadisə zamanı spirtli içki qəbul etdiyini, buna görə də polis əməkdaşları tərəfindən necə saxlanıldığını xatırlamadığını bildirib.

Mir Nəsib Hətəmov törətdiyi əməldən peşman olduğunu, hazırda zərərçəkmiş şəxslə barışdıqlarını qeyd edib: “Barəmdə daha yüngül cəza təyin olunmasını xahiş edirəm”.

Məhkəmədə zərərçəkmiş şəxs qismində dindirilən Bəsti Hətəmova isə hadisə ilə bağlı fərqli ifadə verib. O bildirib ki, hadisə günü həyat yoldaşı Mir Nəsib işdən evə sərxoş vəziyyətdə gəlib: “Onun hər dəfə içkili vəziyyətdə evə gəlməsindən artıq təngə gəlmişdi və ondan boşanmaq istədiyimi bildirdim. Bundan sonra aramızda mübahisə yarandı”

Qadının ifadəsinə əsasən, Mir Nəsib mətbəxdən bıçaq götürərək onu boğazına dirəyib, lakin həmin vaxt ona xəsarət yetirməyib.

Daha sonra Mir Nəsib otağa uzanmağa gedib, zərərçəkmiş şəxs də öz yatağında uzanıb.

Bəstinin sözlərinə görə, bir müddət sonra Mir Nəsib qəflətən onun yanına gələrək bıçaqla iki dəfə zərbə endirib.

O, Mir Nəsibin bundan əvvəl heç vaxt onu bıçaqla vurmağa cəhd etmədiyini bildirib.

Zərərçəkmiş şəxs həmçinin aralarında xəyanətlə bağlı hər hansı söz-söhbət olmadığını deyib.

Məhkəmədə qadın həyat yoldaşından şikayətçi olmadığını və onunla barışdığını bildirib. Bəsti Mir Nəsibin cəzalandırılmasını istəmədiyini də qeyd edib.

Xəbərin oxunma sayı : 331