AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Husilər “Əş-Şəbab”la İsrailə qarşı ittifaq qurmağa çalışır - “Financial Times”


Tarix 05.10.26, 13:23	Font ölçüsü : - / +

Husilər Somali qruplaşmasına silah və pilotsuz uçuş aparatlarından istifadə üzrə təlimlər verir

“Financial Times” nəşrinin məlumatına görə, Yəməndəki “Ənsar Allah” hərəkatı ilə Somalidə fəaliyyət göstərən “Əş-Şəbab” qruplaşması arasında əlaqələrin güclənməsi regionun sabitliyi və beynəlxalq ticarət yollarının təhlükəsizliyi üçün eskalasiya riski yaradır.

Nəşrin yazdığına görə, husilər Somalidəki silahlılara silah göndərir, həmçinin onları dronlardan və partlayıcı maddələrdən istifadə etməyə öyrədir. Husilərin Somalinin cənubunda “Əş-Şəbab”ın nəzarətində olan ərazilərə mütəmadi səfərlər etdiyi də bildirilir.

Bu əməkdaşlığın tərəflərin əməliyyat imkanlarını birləşdirməsi nəticəsində “Əş-Şəbab”ın Afrika Buynuzunda ölümcül imkanlarının genişlənə biləcəyi, husilərin isə Qırmızı dəniz və Hind okeanının qərb hissəsində mühüm dəniz marşrutlarına çıxış imkanlarını artıra biləcəyi qeyd olunur.

Moqadişodakı təhlükəsizlik əməkdaşları husilərlə “Əş-Şəbab” arasında daha sıx əməkdaşlığın vətəndaş müharibəsinin uzun illər davam etdiyi Somali üçün mümkün nəticələrindən narahatdırlar.

Nəşrin məlumatına görə, “Əş-Şəbab” husilər tərəfindən verilən orta mənzilli raketlərdən və pilotsuz qayıqlardan istifadə təcrübəsi əldə edərsə, bu şəbəkə Hind okeanının qərb hissəsinə qədər yayıla bilər.

Bildirilir ki, “Əş-Şəbab” artıq husilərdən daha müasir silah sistemləri, o cümlədən İrana məxsus S-358 zenit-raket komplekslərini istəyib. Lakin həmin silahların döyüş meydanında istifadə edildiyini təsdiqləyən məlumat yoxdur. Təchizatın ABŞ tərəfindən qarşısının alındığı ehtimal edilir.

Məlumata görə, husilər İsrailə qarşı regionda fəaliyyət göstərmək məqsədilə Somali silahlıları ilə strateji əməkdaşlıq qurmağa çalışırlar. Tərəflərin yaxınlaşmasında İsrailin Somaliland ərazisində möhkəmlənmək cəhdlərinin əsas amillərdən biri olduğu bildirilir.

Bu çərçivədə husilər Somali hakimiyyətindən ölkə ərazisində üzvlərin cəlb edilməsi üzrə fəaliyyət aparmağa icazə almağa çalışırlar. Yəmən təşkilatının həmçinin Somalidən Ədən körfəzindəki dəniz fəaliyyətini izləmək və sonradan zərbələr endirmək üçün dayaq məntəqəsi kimi istifadə etmək niyyətində olduğu qeyd edilir.

Analitiklər bu əməkdaşlığın uzunmüddətli perspektivi ilə bağlı iki mümkün ssenarini nəzərdən keçirirlər. Birinci ssenariyə əsasən, əməkdaşlıq ayrı-ayrı silah tədarükü və qısamüddətli təlimlərlə məhdudlaşa bilər və genişmiqyaslı geosiyasi dəyişikliklərə səbəb olmaya bilər.

Digər ssenaridə isə husilər “Əş-Şəbab”a münasibətdə İranın “Hizbullah”la əməkdaşlığına bənzər model tətbiq edə bilərlər. Bu halda Somalidəki qruplaşmanın döyüş imkanlarının mərhələli şəkildə artırılması və eyni zamanda onun husilərdən asılılığının gücləndirilməsi nəzərdə tutulur.

Xəbərin oxunma sayı : 544