![]() |
|














Prezident İlham Əliyevin Azərbaycan televiziya kanallarına müsahibəsi - TAM MƏTN
Tarix 07.10.22, 1:18 |
|

Azərbaycan Respublikasının Prezidenti İlham Əliyev oktyabrın 6-da Praqada Azərbaycan televiziya kanallarına müsahibə verib.
AZƏRTAC müsahibəni təqdim edir.
Prezident İlham Əliyev: Buyurun, eşidirəm sizi.
– Cənab Prezident, ilk növbədə, bizə vaxt ayırdığınıza görə minnətdarlığımızı ifadə edirik. Bu gün kifayət qədər sıx qrafikiniz var idi. İlk görüş Avropa İttifaqı Şurasının Prezidenti Şarl Mişellə oldu. Sülhə doğru daha bir addımın atılması üçün son görüş də onun vasitəçiliyi ilə keçirildi. Daha da yaxınlaşa bilirikmi və bu prosesdə Avropa İttifaqının, şəxsən Şarl Mişelin rolunu necə qiymətləndirirsiniz?
- Ümid edirəm ki, biz sülhə yavaş-yavaş yaxınlaşırıq və Şarl Mişelin də bu sahədəki fəaliyyətini mən yüksək qiymətləndirirəm. Çünki bildiyiniz kimi, Brüsseldə bir neçə dəfə üçtərəfli görüş keçirilmişdir və hər dəfə biz sülhə daha da yaxınlaşırıq. Bu dördtərəfli görüş Şarl Mişel və Emmanuel Makron tərəfindən təşkil edilmişdir və bu görüş zamanı da önəmli məsələlər müzakirə olunub. Hesab edirəm ki, bu görüşün də sülh müqaviləsinə çatmaq üçün önəmi olacaq.
Hələ ki, təmaslar davam edir. Biz danışdıq ki, şam yeməyindən sonra yenə də bir araya gələk. Hər halda, sülh prosesinə artıq təkan verildi. Bildiyiniz kimi, Azərbaycan və Ermənistan xarici işlər nazirləri ilk görüşü keçirdilər və bizim fikrimizcə, bunun ardı kəsilməməlidir. Tezliklə nazirlər ikinci dəfə görüşməlidirlər və biz təklif etdik ki, ondan sonra hər iki ölkənin işçi qrupları da bir araya gəlsinlər, bəlkə də bir görüş kimi yox, bir neçə gün ərzində sülh müqaviləsinin mətninin hazırlanması ilə məşğul olsunlar. Yəni, bizim niyyətimiz bundan ibarətdir. Hesab edirəm Praqa görüşləri - həm bu gün səhər Şarl Mişellə bir saat yarım görüş keçirdik, bir çox məsələləri müzakirə etdik və indiki görüş, axşam keçiriləcək görüş də bir məqsədi güdür ki, tezliklə Ermənistanla Azərbaycan arasında sülh müqaviləsi imzalansın.
– Cənab Prezident, Azərbaycanın bu tədbirə dəvət olunması ölkəmizin Avropa üçün artan əhəmiyyətini bir daha vurğuladı. Bəs, Azərbaycan-Avropa İttifaqı münasibətləri yaxın gələcəkdə hansı istiqamətlərdə inkişaf edə bilər?
- Bir sıra istiqamətlər üzrə çox fəal əməkdaşlıq aparılır, əlbəttə ki, ilk növbədə, enerji sahəsində. Buna misal olaraq bu ilin iyul ayında Avropa Komissiyasının Prezidenti ilə Bakıda imzalanmış Anlaşma Memorandumunu qeyd edə bilərəm. Bu gün Azərbaycanın enerji resurslarına Avropada daha böyük tələbat var. Bizim tərəfimizdən həyata keçirilmiş layihələrin əhəmiyyəti bu gün özünü daha da büruzə verir.
Digər istiqamətlər, əlbəttə ki, siyasi dialoq. Avropa İttifaqı bizim üçün çox önəmli tərəfdaşdır və yeni saziş üzərində iş aparılır. Sazişin böyük əksəriyyəti artıq razılaşdırılmışdır və qalan məsələlər o qədər də böyük prinsipial xarakter daşımır. Nəqliyyat sahəsində əməkdaşlıq üçün yeni imkanlar yaradılıb. Çünki Azərbaycanın coğrafi vəziyyəti və müasir nəqliyyat infrastrukturu Avropa üçün də çox önəmlidir. Həm Şərq-Qərb, həm də Şimal-Cənub nəqliyyat dəhlizlərini nəzərdə tuturam. Avropa İttifaqı ölkələri bizim əsas ticarət tərəfdaşlarımızdır. Azərbaycanın geosiyasi məkanda artan rolu, əlbəttə, iqtisadi sahədə də, sərmayə qoyuluşu sahəsində də özünü göstərir. Yəni, bir çox sahələr üzrə - əlbəttə ki, təhsil, humanitar sahə çox önəmlidir. Mən deyə bilərəm ki, son aylar ərzində Avropa İttifaqı ilə Azərbaycan arasında həm təmasların sayı kəskin artıb, eyni zamanda, mahiyyət də yeni müstəviyə çıxıb və qarşılıqlı etimad artıb. Mən bunu çox yüksək qiymətləndirirəm.
O ki qaldı, Azərbaycanın bu tədbirə Avropa tərəfindən dəvət edilməsinə, bunu, əlbəttə, biz yüksək qiymətləndiririk. Bu, yeni platformadır, müzakirələr təzə başlayıb. Hələ ki, bu təşəbbüsün gələcəyi ilə bağlı dəqiq bir şey demək mümkün deyil. Amma hər halda, Azərbaycanı həm Avropa İttifaqı tərəfindən, həm də tədbirin ev sahibi – Çexiya tərəfindən bu Avropa ailəsinə dəvət etmələri deməyə əsas verir ki, bizim əlaqələrimizin çox gözəl perspektivləri vardır.
-Cənab Prezident, enerji məsələsinə toxundunuz. Bu gün ölkəmizin Avropanın enerji təhlükəsizliyində rolunu necə qiymətləndirirsiniz? Mövcud geosiyasi vəziyyətdə Azərbaycan qazı Avropaya nə vəd verir və qazın həcmini artırmağımız üçün Avropa hansı addımlar atmalıdır?
- Deyə bilərəm ki, burada da çox dəqiq və açıq gündəlik var. Çünki biz öz enerji layihələrimizi uzun illərdir icra edirik. Sadəcə, indiki dünyada mövcud olan geosiyasi vəziyyət bizim resurslarımıza tələbatı kəskin artırmışdır. Əgər belə demək mümkündürsə, tale elə gətirdi ki, bizim bütün layihələrimiz hazır olan vaxtda Avropada qaza olan tələbat daha da artdı. Bu yaxınlarda Bolqarıstanda Yunanıstan-Bolqarıstan İnterkonnektorunun açılış mərasimində də mən bu barədə məlumat verdim ki, biz ötən il qaz ixracatımızı əvvəlki ilə nisbətən 40 faiz artırmışıq. Bu il təxminən 30-40 faiz artıracağıq. Əlbəttə ki, bu, böyük sərmayə tələb edir və biz buna getməyə hazırıq və buna gedirik. Ona görə Avropa İttifaqı ilə imzalanmış Memoranduma əsasən növbəti illərdə biz Avropaya qaz ixracatını ən azı iki dəfə artırmağı planlaşdırırıq. Yəni, əgər keçən il bu, 9 milyard kubmetr idisə, deməli, 2027-ci ildə bu, ən azı 18 milyard kubmetr olacaq, bəlkə də çox. İndi yeni qaz yataqları istismara düşür, mövcud qaz yataqlarından hasilat artırılacaq. Eyni zamanda, Azərbaycanda bərpaolunan enerji növlərindən istifadə olunması böyük həcmdə təbii qaz ehtiyatı yaradacaq. Həmçinin enerji təsərrüfatının səmərəliliyinin artırılması nəticəsində itkilər müəyyən dərəcədə ixtisar ediləcək, yəni, biz bu qədər itkilərlə üzləşməyəcəyik. Ona görə bu gün mümkün olan qaz ixrac potensialımızı təsəvvür etmək bir qədər çətindir, çünki daha da çox ola bilər. Biz, əlbəttə ki, çox təvazökarcasına bu rəqəmləri səsləndiririk. O rəqəmləri səsləndiririk ki, onların həyata keçməsinə tam əminik. Amma əminəm ki, daha çox olacaq. Bizim həm qazımız, həm neftimiz, eyni zamanda, elektrik enerjimiz də Avropa qitəsinə ixrac ediləcəkdir. Buna nail olmaq üçün indi konkret proqramlar işlənib hazırlanır, bəlkə də bu haqda danışmaq bir qədər tezdir. Amma ümid edirəm ki, yaxın 6-7 ay ərzində bu sahədə də çox ciddi irəliləyiş olacaq. Ona görə Azərbaycan Avropa üçün və təkcə Avropa üçün yox, dünya üçün çox önəmli, strateji enerji tərəfdaşı olacaqdır.
-Cənab Prezident, Ermənistanın baş naziri Nikol Paşinyan ilə görüşün detalları barədə də öyrənmək istərdik. Nəzərə alsaq ki, Azərbaycan ərazisində hələ də qanunsuz erməni silahlı birləşmələri mövcuddur, digər tərəfdən isə Azərbaycan üçün əsas prioritet mina təhlükəsizliyi məsələsidir. Ermənistan isə hələ də təxribatlar törətməyə davam edir. Görüş çərçivəsində hansı məsələlərə toxunuldu və istərdik ki, Siz ətraflı şəkildə məlumat verəsiniz.
- Bəli, bu məsələ bütün görüşlərdə qaldırılır. Bu gün də Ermənistan baş naziri ilə tədbir çərçivəsində ayaqüstü söhbətim də olmuşdur, bundan sonra da olacaqdır. Ermənistanın bu addımlarının sülhə zərər vurması haqqında Azərbaycan tərəfi hər dəfə öz sözünü deyir. Bu gün dördtərəfli görüşdə də mən qeyd etdim ki, İkinci Qarabağ müharibəsi başa çatandan sonra ermənilər tərəfindən ən azı 1400 mina basdırılıb və bu, bizə qarşı növbəti cinayətdir, növbəti terror aktıdır. Onu da bildirdim ki, 250-dən çox azərbaycanlı müharibədən sonra ya həlak olub, ya da ki, ağır yaralanıb. Yəni, bizə qarşı erməni terroru davam edir və buna son qoyulmalıdır. Minaların basdırılması yeganə cinayət deyil.
Siz də qeyd etdiniz ki, bu günə qədər erməni silahlı birləşmələri bizim torpağımızdan çıxarılmayıb. Biz bunu tələb edirik. Düzdür, onların bir qismi çıxarılıb, amma hələ də onlar torpağımızda mövcuddur və ümid edirəm ki, buna da son qoyulacaq. Çünki bir şeyi artıq bütün dünya ictimaiyyəti açıq dərk edir ki, Qarabağ Azərbaycandır! Bunu biz hər dəfə deyirdik, işğal dövründə, müharibə dövründə, müharibədən sonra. Bu gün dünya birliyi bu həqiqəti artıq nəinki dərk edir, həm də bunu tələffüz edir. Qarabağda yaşayan ermənilər, - mən bunu dünən Ağdamda demişəm, - bizim vətəndaşlarımızdır və onların taleyini, onların gələcək həyatını biz hər hansı bir ölkə ilə müzakirə etmək fikrində deyilik, o cümlədən Ermənistanla. Bu, bizim daxili işimizdir və Azərbaycan vətəndaşları hansı hüquqlara malikdirlərsə, ermənilər də o hüquqlara malik olacaqlar. Hər halda, əmin ola bilərlər ki, onların yaşayışı, Azərbaycan cəmiyyətinə inteqrasiya edilmiş yaşayışı indiki yaşayışdan qat-qat yaxşı olacaqdır.
- Cənab Prezident, Ermənistanın baş naziri Nikol Paşinyanla görüş barədə danışarkən, növbəti belə görüşün noyabrda keçiriləcəyi elan edildi. Artıq gələn ay sülh müqaviləsi bağlana bilərmi, ümumiyyətlə, bu sənədin razılaşdırılması hansı mərhələdədir? Nəqliyyat yollarının açılması barədə maddənin bu sənədə daxil olduğunu nəzərə alsaq, o, region üçün nə kimi əhəmiyyət daşıyır?
- Prinsipcə, hələ bir müddət bundan əvvəl mən demişəm ki, Ermənistan tərəfindən xoş məram olarsa, sülh müqaviləsi ilin sonunadək imzalana bilər. Vaxt keçir, bizim təşəbbüslər heç də asan irəliləmir, xarici işlər nazirlərinin birinci görüşü konkret nəticələr verməsə də, hesab edirəm ki, bu, müsbət addımdır. Düşünürəm ki, yaxın vaxtlarda qərar qəbul edilərsə, iki ölkənin işçi qrupları sülh müqaviləsinin mətni üzərində işləməyə başlayacaqlar, biz ilin sonunadək razılaşmaya nail ola bilərik. Deməliyəm ki, bizim tərəfdən elan edilən beş prinsiplə bağlı heç kimin - nə erməni tərəfinin, nə də Avropa İttifaqının heç bir sualı yoxdur. Bu gün Fransa Prezidenti ilə görüş zamanı mən gördüm ki, bu beş prinsip qəbul edilir. Bu, təbiidir, çünki biz yeni heç nə icad etməmişik. Bu, münasibətləri normallaşdırmaq istəyən dövlətlər arasında münasibətlərə əsaslanan prinsiplərdir.
Bizim daxili məsələlərə gəlincə, təbii ki, sülh müqaviləsində bu barədə söhbət gedə bilməz. Qarabağda erməni əhalinin həyatının necə qurulacağına gəlincə, bu, ayrı məsələdir. Biz xarici siyasət blokumuz çərçivəsində məsləhətləşmələri intensivləşdirməyi, eləcə də Qarabağın erməni əhalisinin nümayəndələri ilə qeyri-formal əlaqələri davam etdirməyi planlaşdırırıq. Deməliyəm ki, belə əlaqələr artıq müəyyən müddətdir ki, aparılır. Düşünürəm ki, bu, hələ Rusiya sülhməramlı kontingentinin məsuliyyət zonasında yaşayan əsas əhali ilə tam anlayışa gətirib çıxaracaq. Çünki Azərbaycan cəmiyyətinə inteqrasiyanın, sadəcə, başqa yolu yoxdur. Əgər kim hesab edirsə ki, onlara Azərbaycan vətəndaşı kimi yaşamaq lazımdır, fikrimcə, onlar peşman olmayacaqlar. Amma əgər bu, hansı səbəblərdən kiməsə münasib deyilsə, onlar özləri üçün başqa yaşayış yeri seçə bilərlər.
Buna görə də sülh müqaviləsinin beş prinsipi mümkün qədər tez paraflanmalıdır, sülh müqaviləsinin mətni üzərində iş bu prinsiplər əsasında başlamalıdır. Əminəm ki, buna tez nail olmaq mümkündür. Çünki hesab etmirəm ki, bu, hansısa çoxcildlik olmalıdır, bu, beynəlxalq hüquq, beynəlxalq təcrübə çərçivəsində parametrləri müəyyən edən bir neçə maddədən ibarət yetərincə yığcam sənəd olmalıdır. Bununla biz müharibə, düşmənçilik səhifəsini qapadacağıq. Əlbəttə ki, kommunikasiyaların açılması – bu, mümkün sülh müqaviləsinin hissəsi deyil, bu, mahiyyətcə artıq olmalı idi. Ona görə ki, bu, Ermənistanın 2020-ci il noyabrın 10-da götürdüyü, amma yerinə yetirmədiyi öhdəlikdir. Bu gün mən Ermənistanın baş nazirinə yenə də müraciət edəndə ki, nəhayət bizə avtomobil yolu üçün marşrut verin, təəssüflər olsun, yenə də cavab ala bilmədim. Bu, hətta gülməli də deyil, çünki orada o qədər də böyük sahə yoxdur. Hamı bilir ki, dəmir yolu və avtomobil yolu haradan keçməlidir. Bizə Naxçıvana könüllü olaraq keçid verilməməsi anlaşılan deyil. Öz öhdəliyini pozmaq, əlbəttə, son dərəcə biabırçı faktdır. Lakin biz hələ səbir edirik, təmkin göstəririk. Əminəm, biz buna da nail olacağıq, yaxşı olardı ki, gec deyil, tez olsun. Buna görə də bu suallar fikrimcə, ölkə rəhbərləri səviyyəsində noyabrda planlaşdırılan Brüssel görüşünün gündəliyində də, xarici işlər nazirlərinin tarixi hələ müəyyən edilməyən görüşündə də, bu ay Brüsseldə bizim təklifimizlə təşkil olunacaq delimitasiya üzrə görüşlərdə də üstünlük təşkil edəcək.
-Cənab Prezident, icazənizlə, iki məsələyə görə Sizə bir daha təşəkkürümüzü bildirək. Qeyd etdiniz ki, bundan sonra da Sizin görüşünüz nəzərdə tutulur. Birincisi, sıx qrafikinizdə bizə vaxt ayırdığınıza görə. İkincisi isə bu gün liderlərin birgə fotosu çox geniş yayıldı, sosial şəbəkələrdə çox geniş müzakirə olundu və qeyd edildi ki, bizim mövqeyimiz mərkəzdə və öndədir. Əslində, Azərbaycanın bu mövqeyinə görə də bir daha təşəkkür edirik.
Prezident İlham Əliyev: Mən də təşəkkür edirəm. Çox sağ olun.
Xəbərin oxunma sayı : 1117
loading...
Müsahibə
Xəbərlər
-
Azərbaycanda bank işçiləri vətəndaşlara niyə tez-tez zəng edirlər?
-
Rusiya sülhməramlıları Xankəndidə qəzaya uğradı – Ölən və yaralananlar var
-
Nigerdə müvəqqəti keçid hökuməti: “Fransa terror qruplaşmalarını dəstəkləyir”
-
Azərbaycanda I Liqa komandasının oyunları nəzarətə götürüldü - FOTO/VİDEO
-
Yanvardan həyət evlərinin qiyməti yenə artacaq? - AÇIQLAMA
-
Ceyhun Bayramov ukraynalı həmkarı ilə müzakirələr aparıb - FOTO
-
Aydın Talıbov yeni vəzifəsinin icrasına BAŞLADI
-
Sabiqlərin biznesi imperiyaları durmadan çiçəklənir... - Və yaxud Prezidentin töhmətləndirdiyi Etibar Pirverdiyevin cəzasızlığı...
-
Qərb Zelenskini əvəz etmək barədə ciddi müzakirələr aparır: Namizədlərin SİYAHISI
-
Bu şəxslərin maaşı yanvarın 1-dən artacaq - Baş nazirdən qərar
-
2023-cü ildə yüksək vəzifəyə təyin olunanlar – ARAŞDIRMA
-
Dollar neçəyə olacaq? – Mərkəzi Bank yeni məzənnəni açıqladı
-
Sabiq icra başçısı xidmət rəisi təyin edildi - FOTO
-
Yanvarın 1-dən pensiyalar bu qədər artacaq - AÇIQLAMA
-
Azərbaycanda son həftədə 17 nəfər koronavirusa yoluxub - 1-i ölüb
-
Polis əməliyyat keçirdi: Külli miqdarda pirotexniki vasitələr aşkarlandı - FOTO/VİDEO
-
“Qərb Zelenskiyə əvəz axtarmağa başlayıb“ - Rusiya kəşfiyyatı
-
Mobil telefonlarla bağlı xəbərdarlıq - Bunu etməsəniz...
-
Azərbaycanda vergi daxilolmaları 4% artıb - FOTO
-
Türkiyədə daha bir xarici ölkənin nazirinin oğlu qəza törətdi: Ağır yaralı var - FOTO/VİDEO
-
Kürdəmirdə 8-ci sinif şagirdi ərə verilir? - TƏFƏRRÜAT
-
Ötən ay bahalaşan məhsullar - SİYAHI
-
“JEK”lər 2024-cü ildən ləğv olunacaq? - AÇIQLAMA
-
“Məktəblərdə tibbi yardım üçün hər şey olmalıdır, əks halda...“ - Görünməz təhlükə
-
Yağış və qar yağacaq, temperatur 3-6 dərəcə enəcək - Sabahın havası
-
Azərbaycanda bu şəxslərə də müavinət veriləcək - Qanun dəyişir
-
“Rusiya NATO-ya müharibə elan edə bilər“ - ABŞ dövlət katibi
-
DTX-də müddətli həqiqi hərbi xidmət keçənlərlə bağlı YENİ QƏRAR
-
Qaradağda avtomobil yolları əsaslı təmir ediləcək - SƏRƏNCAM
-
Taksidə tərk edilən uşağın valideyninin kimliyi məlum oldu
-
Şəkidə sahibsiz itlər sakinlərə hücum edir - VİDEO
-
Prezident İlham Əliyev Gürcüstan parlamenti sədrini qəbul edib
-
Geomaqnit qasırğası xəbərdarlığı: Ölüm RİSKİ VAR
-
Növbədənkənar prezident seçkiləri ölkəmizin qarşısında geniş üfiqlər açacaq
-
Argentinanın yeni prezidenti üzərində itlərinin təsviri olan əsasını götürüb şok açıqlama verdi - FOTO/VİDEO
-
Nazirlər Kabineti qida və yem məhsulları ilə bağlı qərar verib
-
“Məqsədimiz kimisə qınamaq və ya pis vəziyyətdə qoymaq deyil“ - Emin Əmrullayev
-
“Ermənistanla hərbi təlimlər keçirmək niyyətində deyilik” - Aİ rəsmisi
-
Azərbaycanlı şəhidin erməni anası - VİDEO
-
Baş nazirdən qərar: Bakıda yeni kollec yaradıldı
-
Avtomobil təkərləri bazarında durğunluq yaşanır - VİDEO
-
Əliyevi seçkilərdə udmaq həddən artıq çətindir – Natiq Cəfərli qərarlarını açıqladı
-
Xankəndi stadionundan ən son görüntülər - VİDEO
-
İstehlak mallarında qüsur aşkarlanarsa, nə etməli? - VİDEO
-
Almaniya müharibəyə hazırlaşmalıdır - Broyer
-
“Vergi və gömrük rüsumları azalsa, satışımız artacaq” - Sahibkarlar
-
Yeni ildə bahalaşma gözlənilir - VİDEO
-
“Hamının ərini görmüsüz, mənimkini görməsəniz də olar“ - Səidə
-
Bunu edənlər 50 manat cərimələnəcək - VİDEO
-
“Dağlıq Qarabağ”ın ləğvi qaçılmaz idi” - Paşinyan
-
Prezident İlham Əliyevin Serbiyaya işgüzar səfəri başa çatıb - FOTO
-
“Ukrayna hakimiyyəti tamamilə qudurub” – Putin
-
Milli Məclisin sabiq üzvü Rusiyada 17 bina tikəcək - 50 milyon dollarlıq layihə
-
Prezident İlham Əliyevin Aleksandar Vuçiç ilə təkbətək görüşü olub - FOTO
-
“HƏMAS oktyabrın 7-də terror aktı həyata keçirib, biz bunu dərhal qınamışıq“ - Lavrov
-
Kino sənayesi ƏDV-dən azad olunarsa... - ARAŞDIRMA
-
İlham Əliyev və Aleksandar Vuçiç hərbi texnika və avadanlıqlara baxıblar - FOTOLAR
-
Almaniyada hakim koalisiyanın reytinqi azalır - SORĞU
-
Gələn ildən etibarən bu evlərin və obyektlərin qiyməti ucuzlaşa bilər - Yeni güzəşt
-
PSJ və “Real Madrid” razılığa gəlib - Mbappenin transferi ilə bağlı
-
Netanyahu Putinlə telefonda danışdı - Rusiya ilə İranın əməkdaşlığını tənqid etdi
-
Sabiq nazirə və Mirşahinə qarşı sui-qəsd hazırlanıb - Məhkəmə başlayır
-
Azərbaycan Serbiyanın əsl dostudur - Vuçiç
-
Qəzza zolağında intensiv döyüşlər daha iki ay davam edəcək - KİV
-
Xalqı birləşdirən Zəfər
-
Bu mobil xidmətlər pullarınızı sakitcə silir - XƏBƏRDARLIQ
-
“Forbes” onları dünyanın ən güclü qadınları seçdi - Siyahı
-
“Şuşanın ənənəvi mədəni mühiti yenidən canlanır“ - Adil Kərimli
-
Qazaxın işğal altındakı kəndlərinin son görüntüləri - VİDEO
-
Prezident İlham Əliyev Serbiya-Bolqarıstan interkonektorunun açılış mərasimində iştirak edir - FOTOLAR
-
Bakıda xəstəxanada əməliyyat zamanı Tiktoka girib... - VİDEO
-
Azərbaycan etibarlı tərəfdaşdır, dostluq ənənələrinə həmişə sadiqdir - İlham Əliyev
-
Sabah bəzi yollarda görünüş məsafəsi məhdudlaşacaq - Xəbərdarlıq
-
Prezident İlham Əliyev Serbiyada işgüzar səfərdədir - FOTO
-
Türkiyədə terror təşkilatının 78 sığınacağı məhv edilib - VİDEO
-
Azərbaycanda bəzi yerlərdə arabir yağış, Şahdağda qar yağıb - FAKTİKİ HAVA
-
Misirdə prezident seçkisi keçirilir
-
Dünyanın ən bahalı və ən ucuz şəhərlərinin adları açıqlanıb - SİYAHI
-
“Hazırda fəaliyyət göstərən din xadimləri də attestasiyadan keçiriləcək” - Mübariz Qurbanlı
-
Argentinada futbolunda qalmaqal - Hakim oyun zamanı futbolçunu bıçaqlayıb
-
Müdafiə Nazirliyi həftəlik icmalını təqdim etdi - VİDEO
-
Dastana dönən tarix
-
BŞTİ-nin keçmiş əməkdaşı məhkəmə qarşısında: Nədə ittiham olunur?
-
Yumurtanın qiyməti artacaqmı? - ARAŞDIRMA
-
Cəlilabadda müəmma: Heyvanlar örüş sahələrindən yoxa çıxır - VİDEO
-
DYP sürücülərə müraciət etdi: “Piyadaların üzərinə su sıçratmaq yolverilməzdir”
-
Ən güclü ordu Azərbaycan Ordusudur, ən məğrur, yenilməz xalq Azərbaycan xalqıdır
-
Özünə inamının, xalqın siyasi dəstəyinə əminliyinin ən bariz göstəricisi
-
Azərbaycan xalqının öz rəhbərinə olan sevgisini bildirmək üçün gözəl bir fürsət
-
Müstəqil Azərbaycanın tarixində ilk olaraq seçkilər bütün ölkə ərazisində keçiriləcək
-
143 milyonluq cinayət işi üzrə məhkəmədə general polkovnikə: “Yanımda əfi ilan saxlayırmışam”
-
Avtomobildən 38 min manatlıq qızıl-zinət əşyaları oğurlayanlar saxlanılıblar - VİDEO
-
Bəzi işsiz şəxslərə ödənişlər ediləcək - FOTO
-
Yeni ildə 7 gün iş olmayacaq - RƏSMİ
-
Bakıda qadın azyaşlı övladını taksidə qoyub qaçdı - FOTO
-
Azərbaycan Rumıniyaya yeni səfir təyin edib - SƏRƏNCAM
-
Daha iki ölkədən səfirlərimiz geri çağırıldı - Yeni təyinatlar
-
Məhərrəm Əliyev vəzifəsindən azad olundu - Yeni vəzifəyə təyin edildi
-
Arvadından şübhələndi, tanışını evə gətirərək... - Azərbaycanda şok hadisə
-
Prezident İlham Əliyev “Euronews”a müsahibə verdi - VİDEO
-
Hər zəlzələdən sonra Xəzər dənizinin dibinin quruluşu dəyişir - VİDEO
-
“Biz beynəlxalq arenada müstəqil siyasət yürütməyə davam edəcəyik“ - Prezident
-
8-ci kilometr bazarında bu məhsullarının satışı qadağan edildi - VİDEO
-
Türkiyə Hərbi Hava Qüvvələri komandanı “Türk ulduzları” ilə uçdu - VİDEO
-
Dünyanın ən varlıları onlardır - Siyahı
-
Azərbaycana gələn turistin ölkədən çıxışına nəyə görə “stop qoyuldu”? - VİDEO
-
Haqqında həbs qərarı çıxarılan Somali prezidentinin oğlu Türkiyədən qaçıb - VİDEO
-
Növbədənkənar Prezident seçkiləri ilə bağlı Təqvim planı təsdiqlənib - SİYAHI
-
Azərbaycan regionda sülhün təminatçısıdır
-
Azərbaycanın ərazi bütövlüyünün imza ilə təsdiqlənməsini gözləyirik
-
2020-ci ilin noyabrından bu yana 340 Azərbaycan vətəndaşı mina qurbanı olub - FOTO
-
Dünya Göz Xəstəxanası vergidən yayınır? - 300 min manatlıq borc
-
“Oynadığım rollara heç vaxt baxmıram“ - Əməkdar artist
-
Bakıda məşhur gözəllik salonunda insident – 17 yaşlı qız...
-
Torpaq payı olan vətəndaşların nəzərinə: Pul ala biləcəklər
-
Zaqatala xəstəxanada mənimsəmə və... - Cinayət işi açıldı
-
Daha bir azərbaycanlı terrorçuluğa görə axtarışa verildi - FOTO
-
Bir milyon vergi borcu olan şirkətlə vergi idarəsi arasında qalmaqal
-
Ərdoğan onu “Qərbin qəhrəmanı” adlandırdı - FOTO
-
Cəsarət Valehov vəzifəsindən azad olundu - YENİ TƏYİNAT
TOP 10
ARXİV