Xatirə İslamdan dərin sinə dekoltesi - FOTO Roza əməliyyat etdirməyib, təbiidir - Özü deyir (VİDEO) “Keçmişlərini unudublar“ - Afaq Gəncəli “Anasına bax, qızını al“ - Fotolar
Axtar
 
  • / Maqazin / — 25 Noyabr 2021

    Xatirə İslamdan dərin sinə dekoltesi - FOTO

  • / Maqazin / — 19 Noyabr 2021

    Roza əməliyyat etdirməyib, təbiidir - Özü deyir (VİDEO)

  • / Maqazin / — 04 Noyabr 2021

    “Keçmişlərini unudublar“ - Afaq Gəncəli

  • / Maqazin / — 01 Noyabr 2021

    “Anasına bax, qızını al“ - Fotolar

  • / Maqazin / — 24 Oktyabr 2021

    “Onu görəndə utanırdım“ - İlk məhəbbətindən danışdı

  • / Maqazin / — 21 Oktyabr 2021

    Rəqqasə Aygün bədənini belə titrətdi - VİDEO

Qisasçı qüvvələr bir yerə toplanır - Arif Qasımov Ramiz Mehdiyevlə necə təmas qurur?

Tarix 18.10.21, 19:43

Font ölçüsü : - / +
bitmap-img6


Arif Qasımov Azərbaycanda “Mehdiyev klanı”na daxil olan bufer icra başçılarından hesab olunurdu. O, Heydər Əliyev Fondunun vitse-prezidenti, İDEA-nın təsisçisi və sədri Leyla Əliyevanın təşəbbüsü ilə abadlaşdırılmış parkda şəxsi qazanc və biznes məqsədilə qeyri-qanuni şəkildə restoran tikdiyinə görə 2020-ci il iyul ayının 11-də tutduğu postdan - Nizami Rayon İcra Hakimiyyətinin başçısı vəzifədən çıxarıldı.

Nizami rayonuna 5 il rəhbərlik edən (2015-2020) Arif Qasımovun vəzifədə olduğu dövrü iki cür xarakterizə etmək olar: 

Birincisi, Nizami rayonunda yaşıllıqlar məhv edildi, abadlaşdırma işləri tormozlandı, icra başçısının və ətrafının rayondakı mütləq hakimiyyəti yaradıldı və sahəsi 19,6 km2 olan bir rayon Qasımovlar ailəsinin şəxsi qazanc “bolota”sına çevrildi. 

İkincisi,  Nizami rayonunda yaşayan 250 min əhali ilə mərkəzləşdirilmiş dövlət aparatı və siyasi hakimiyyət arasındakı rabitə minimuma endirildi, əhalinin sosial problemləri daha da dərinləşdi və dövlətin sosial sütunlarına ciddi zərbələr vuruldu. Bəli, bütün bunlar Arif Qasımovun 5 illik icra başçısını dönəmində əsas “xidmətləri”nin bir hissəsidir. 

Demokrat.az-a daxil olan məlumata görə, Arif Qasımov Azərbaycandakı əmlaklarını satışa çıxarıb və tezliklə üç övladını da Qərb ölkələrinə yola salmağa hazırlaşır. Ancaq məsələ bununla bitmir. O, özünün yaxın ətrafına yuxarı dairələrin ondan hələ də milyonlarla pul tələb etdiyini bildirir. Sabiq başçı öz fikrini belə əsaslandırır ki, vəzifədən çıxarkən var-dövlətinin bir hissəsini onsuz da “təhvil” verib. 

A.Qasımovun oğlu Nadir Qasımovun öz dostları arasında atasının “incidilməsini” üsyankar şəkildə ifadə etməsi də deyilənləri təkzib etmir. Bu həmin N.Qasımovdur ki, atasının sabiq MTN rəhbəri Eldar Mahmudovla yaxın əlaqələri sayəsində hərbi xidmətdən yayınmışdı, ancaq bir müddət sonra hərbi biletlə “təmin” edilmişdi. N.Qasımov təm-təraqlı həyat şəraiti, bahalı maşınlar kolleksiyası, eyş-işrət məclislərinə külli miqdarda və nümayişkəranə şəkildə pul xərcləməsi də cəmiyyətə yaxşı bəllidir. Atasının 9 illik icra başçısı dönəmində (A.Qasımov 4 il də Siyəzənin icra başçısı vəzifəsində işləyib -2011-2015) dövlətdən və xalqdan çalınan pullarla xarici ölkələrdə və Azərbaycanda qabarıq və kobud həyat tərzi sürən N.Qasımovun bugünkü “narahatlığı” anlaşılandır.

Digər tərəfdən, N.Qasımov atası işdən azad olunandan sonra daha bir gəlir mənbəyindən də məhrum olub. Belə ki, o, atasının tabeçiliyində olan məmurlar vasitəsilə pul müqabilində müxtəlif vəzifələrə adamlar təyin etdirirdi. 

Arif Qasımov Ramiz Mehdiyevlə necə təmas qurur?

2020-ci il avqust ayının 18-də AMEA-nın prezidenti Ramiz Mehdiyevin karantin və pandemiya qaydalarını kobud şəkildə pozaraq nəvəsinə toy məclisi təşkil etməsi cəmiyyətin ciddi təpkisi ilə müşaiyət olundu. Karantin qaydalarını pozan şəxslər, eləcə də R.Mehdiyevin kürəkəni İlham Əliyev barəsində qanuni tədbirlər də görülmüşdü. Bu da məlumdur ki, həmin məclisdə müxtəlif deputatlar, iş adamları və sabiq məmurlar iştirak edirdi. A.Qasımovun vəzifədən çıxarılmasından cəmi 37 gün sonra R.Mehdiyev nəvəsinə toy etmişdi. Uzun illər Mehdiyev “çətiri”nin altında illərlə kreslo tutan şəxslər, eləcə də A.Qasımov həmin məclisdə iştirak edirdi. Onun toy məclisində R.Mehdiyevə yaxınlaşaraq bundan sonra da ona dəstək nümayiş etdirməsi yayılan əsas məlumatlar sırasında idi. 

Ancaq Demokrat.az sensasion sayılacaq daha bir məlumat əldə edib. Belə ki, saytımıza daxil olan məlumata görə, A.Qasımov xarici nömrə işlədir və mütəmadi olaraq vatsap vasitəsilə Mehdiyevlə əlaqə yaradır. “Vurulan” şərurlular arasında vasitəçilik missiyasını da məhz Arif Qasımov bu yolla yerinə yetirir.

Hətta A.Qasımov Ramiz Mehdiyevin kürəkəni İlham Əliyevlə gizli şəkildə “Qəbələ təndir” restoranında (Qənimətlər Parkının yaxınlığı) görüşlər keçirir.  

Ardı var... 

Mənbə:Demokrat.az



Xəbərin oxunma sayı : 1012

loading...

Sosial

Xəbərlər

ARXİV
Əlaqə | Haqqımızda