AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Rəcəbovdan Aronyana tutarlı cavab – “Mən tamamı ilə razıyam, gəlin susmayaq“


Tarix 18.09.23, 21:17	Font ölçüsü : - / +

Azərbaycanlı qrossmeyster ABŞ-ı təmsil edən erməni şahmatçı Levon Aronyanın təxribatçı açıqlamasına tutarlı cavab verib.

O, erməni şahmatçının öz açıqlamaları ilə Ermənistanın Azərbaycana qarşı ərazi iddialarını dəstəkləmək, Xankəndindəki separatçıları ruhlandırmaq və bununla da regionda vəziyyəti daha da gərginləşdirməkdə olduğunu bildirib.

“44 günlük İkinci Qarabağ Müharibəsindən sonra Azərbaycan Silahlı Qüvvələri 30 ilə yaxın erməni işğalı altında olan ölkənin yeddi rayonunu azad edəndə Ermənistanı təslim olmağa və tam məğlubiyyətini etiraf etməyə məcbur etdikdə Levon Aronyan susdu. Azərbaycan əsgərləri yerlə-yeksan edilmiş kəndlərin, rayon mərkəzlərinin, qəsəbələrin, şəhərlərin, bütün evlərin, tikililərin xarabalığa çevrildiyini göstərəndə yenə susdu. Aronyan Qafqazın Xirosiması - erməni işğalçıları tərəfindən yer üzündən silinmiş Ağdam şəhəri haqqında heç nə demədi. Dağıdılan və ya tövləyə çevrilən məscid və ibadət yerləri, on minlərlə azərbaycanlının vəhşicəsinə işgəncələrə məruz qalıb öldürülməsi, Ermənistanın, erməni işğalçılarının və separatçı quldur dəstələrinin ölkəmizə gətirdiyi misilsiz müsibətlər haqqında inadla susdu. İndi isə danışır. O, “Facebook” profilində erməni təbliğatının və dezinformasiyasının iddialarını sözbəsöz təkrar edərək, Azərbaycana qarşı ittihamlar səsləndirir. O, iddia edir ki, Qarabağ erməniləri “blokadadır, onların nə yeməkləri, nə də dərmanları var”. Ağdam-Xankəndi yolu işləyərkən, keçid məntəqəsi işlək vəziyyətdə olarkən, hər iki istiqamətdə hərəkət edən yüklərə baxış keçirilərkən hansı “blokada”dan söhbət gedə bilər. Məhz Azərbaycanın səyi ilə həm Ağdam-Xankəndi, həm də Laçın-Xankəndi yolları fəaliyyətə başladı. Qarabağ həm dünya ictimaiyyəti, həm də son vaxtlar Ermənistan tərəfindən tanınan Azərbaycanın beynəlxalq səviyyədə təsdiqlənən torpağıdır. Orada yaşayan ermənilər isə Azərbaycana inteqrasiya etməlidirlər”, - deyə Rəcəbov qeyd edib.

Eyni zamanda, azərbaycanlı şahmatçı erməni həmkarı ilə müəyən məsələdə razılaşdığını da vurğulayıb.

“Mən tamamilə razıyam, Aronyan, gəlin susmayaq. Gəlin Ermənistanın Xocalıda Azərbaycan xalqına qarşı törətdiyi əsl soyqırımdan danışaq. Günahsız və silahsız insanların qətlə yetirilməsindən, qocaların güllələnməsindən, süngüyə sancılan körpələrdən, hamilə qadınların diri-diri yandırılmasından, uşaqların döyülərək öldürülməsindən, dağıdılan şəhər və kəndlərdən, hələ uzun illər təmizləməli olduğumuz minalanmış sahələrdən danışaq. Gəlin səmimi olaq. Qrossmeysterin dürüstlüyü təkcə etik standart deyil, həm də şahmat ictimaiyyətinin və bütövlükdə cəmiyyətin hörmət və etibarının açarıdır. Hər bir yalançı bəyanat şahmatçının etibarını sarsıdır və bütün şahmat dünyasının reputasiyasına xələl gətirir”, - Rəcəbov vurğulayıb.

Xəbərin oxunma sayı : 640