Bu, o deməkdir ki, söhbət artıq postmünaqişə dövründən gedir. Şübhəsiz ki, bu qələbədə noyabrın 16-da sərhəddə erməni təxribatının qarşısının alınması və ordumuzun öz mövqelərini daha da gücləndirməsinin də rolu

böyükdür. İrəvanla Moskva arasındakı inamsızlıq mühiti fonunda Azərbaycanın düşünülmüş siyasəti, həm Rusiya, həm Türkiyə ilə etibarlı tərəfdaşlığı sayəsində regionda yeni təhlükəsizlik arxitekturası qurulur və onun müəllifi də Prezident İlham Əliyevdir. Soçi görüşü dekabrın 15-də Brüsseldə təşkil olunacaq görüşün qırmızı xətlərini müəyyən etdi. Əlbəttə ki, bu görüşdə şərtləri diktə edən tərəf kimi Azərbaycanın mövqeyi qətiyyətli, birmənalı və

konkret idi. Bu baxımdan Azərbaycan, üçtərəfli bəyanatların tam şəkildə həyata keçirilməsi, bölgədə

bütün kommunikasiyaların açılması, iki ölkə arasında delimitasiya prosesinin başlanması və

münasibətlərin beynəlxalq hüquq prinsipləri əsasında normallaşması mövqeyindən çıxış edib. Şübhəsiz

ki, bu, Azərbaycanın böyük siyasi uğurudur. Xüsusilə, qəbul olunan Bəyanatda Rusiya Prezidentinin

dəfələrlə “dəhliz” ifadəsini işlətməsi, “Qarabağ” ifadəsinə yer verilməməsi, Ermənsitan tərəfinin hər

zaman iddia etdiyi əsirlər və ya girovlar məsələsinə toxunulmaması, sərhədlərin delimitasiya və

demarkasiyasına çağırışlar edilməsi, bütövlükdə müzakirə olunan məsələlər Azərbaycanın mövqeyini

tam əks etdirir. Əlbətdə qazanılmış bu uğur rəsmi Bakı və Moskva arasında olan srateji tərəfdaşlığın

ümumi regional yanaşmaya əsaslanması, iki ölkənin liderləri arasında münasibətlərin qarşılıqlı etimad,

dostluq və anlaşma əsasında qurulmasından irəli gəlir. Ümumilikdə, iki ölkə arasında strateji tərəfdaşlıq

yeni inkişaf mərhələsinə qədəm qoyur. Azərbaycan və Rusiya liderləri arasındakı dostluq hər iki dövlət

başçısının açıq və səmimi siyasət yürütməsinə əsaslanır. Bunun fonunda N.Paşinyanın cılız və riyakar

addımları Moskvanı qıcıqladırır.

Soçi şəhərində imzalanmış Bəyanat bu baxımdan mühüm əhəmiyyət kəsb edir. Beləki, Prezident

İlham Əliyev dəfələrlə bəyan etmişdi ki, “biz Zəngəzur dəhlizini açacağıq – istər danışıqlarla, istərsə də

güc yolu ilə”. 16 noyabr təxribatına verilən layiqli cavabdan sonra Ermənistanı güzəştə məcbur edəcək

yeni reallıqlar ortaya çıxıb və Soçi görüşünün, həm rəsmi, həm də qapalı hissəsində Azərbaycanın əldə

etdiyi diplomatik nailiyyətlər göstərir ki, biz Zəngəzur dəhlizinin açılmasına doğru gedirik. Rusiya

Federasiyası Prezidenti V.Putinin çıxışında “nəqliyyat dəhlizləri”ni xatırlaması, imzalanmış sənədin

“dəmir yolu və nəqliyyat əlaqələrinin açılmasına” dair bəndləri Zəngəzur dəhlizindən xəbər verir.

Bəyanatda diqqət çəkən mühüm məqamlardan biri də Minsk qrupunun adının çəkilməməsidir. Çünki

artıq münaqişə tarixdə qalıb. Posmünaqişə dövründə yeni reallıqlar yaranıb, bu reallıqlar çərçivəsində

yeni təşəbbüslər və platformalar meydana çıxıb. Və yeni reallıqlar şəraitində Minsk Qrupunun

vasitəçilik missiyası da tarixdə qalıb.  Artıq ötən 30 il müddətində heç bir əməli fəaliyyət göstərməyən

ATƏT-in Minsk Qrupunun hər hansı tövhəsinə ümid bəsləmək sadəlövhlük olardı. Bu baxımdan

sənəddə  Minsk Qrupunun adının çəkilməməsi Azərbaycanı tam təmin edir. Eyni zamanda onu da

vurğulamalıyıq ki, həmsədrlərdən yalnız Rusiya daha aktiv və təşəbbüskardır. Bununla da status

məsələsi artıq Azərbaycan, Rusiya və Ermənistanın gündəliyindən çıxarılıb. Azərbaycan dövlətinin

qətiyyətli mövqeyi sənəddə bir daha nümayiş etdirilib.

Əminliklə deyə bilərik ki, Azərbaycan növbəti dəfə diplomatik müstəvidə sülh və əməkdaşlıq

tərəfdarı olduğunu, dayanıqlı sülhün təmin olunması üçün zəruri addımları atacağını nümayiş etdirdi. Bu

nöqteyi nəzərdən qeyd etməliyik ki, həm münaqişə, həm də postmünaqişə dövründə Azərbaycan hər

zaman regionda yaşayan xalqların rifahını və təhlükəsizliyini diqqət mərkəzində saxlamışdır.  Bundan

sonra da  hər zaman süllhün və əməkdaşlığın tərəfdarı olduğunu təsdiqləyən ölkə kimi Azərbaycan

regionun inkişafı və burada yaşayan bütün xalqların rifahı, regionda mehriban qonşuluq

münasibətlərinin bərqərar olması məqsədilə hər cür zəruri addımları atacaqdır.

Ağalar Ağammədov,