Yeniavaz.com açıqlanan rəsmi məlumatlara istinadən xəbər verir ki, əcnəbi turistlər Azərbaycanda ən çox nəqliyyat xidmətinə pul xərcləyiblər. Belə ki, 8 ay ərzində turistlər ümumi xərclərinin 45%-ni və ya 1 milyard 43 milyon manatını nəqliyyat xidməti üçün sərf ediblər. Bundan başqa turistlər xərclərinin 20,4%-ni və ya 469 milyon manatını yerləşməyə (otellərə, motellərə, evlərə və s.), 18,8%-ni və ya 432,5 milyon manatını qidalanmaya, 0,4%-ni və ya 79,7 milyon manatını isə mədəniyyətə yönəldiblər.

Azərbaycanda ən çox pul xərcləyənlər Rusiya və Hindistandan gələn turistlər olub. Rusiyadan gələn turistlər bu ilin ilk 8 ayında 742 milyon manat, Hindistandan gələn turistlər isə 351 milyon manat xərcləyiblər.

Bunlardan başqa Türkiyədən gələn turistlər 166,8 milyon, Səudiyyə Ərəbistanından gələn turistlər 151 milyon, Birləşmiş Ərəb Əmirliklərindən gələn turistlər isə 77 milyon manat xərcləyiblər.