AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Venesuelada xəstəxanalarda dərman çatmır: Zəlzələ qurbanları dəhlizlərdə müalicə olunur


Tarix 27.06.26, 15:41	Font ölçüsü : - / +

Antibiotik, anestezik və tibbi ləvazimat qıtlığı xilasetmə işlərini çətinləşdirir, iki xəstəxana dağılıb

CNN telekanlının məlumatına görə, Venesuelada baş verən dağıdıcı zəlzələlərdən sonra ölkənin səhiyyə sistemi ciddi böhranla üzləşib.

Xəstəxanalarda həyati əhəmiyyət daşıyan dərman vasitələri, o cümlədən antibiotiklər, anestezik preparatlar və fizioloji məhlul çatışmır. Yaralıların bir hissəsi xəstəxanaların dəhlizlərində müalicə olunur, tibb işçiləri isə zəruri resursların olmaması səbəbindən mövcud imkanlarla vəziyyətdən çıxmağa çalışırlar.

Venesuela Milli Tibb Akademiyasının sabiq prezidenti Xuniades Urbina-Medina bildirib ki, ölkənin səhiyyə sistemi zərərçəkənlərə lazımi tibbi yardım göstərmək iqtidarında deyil.

“Bizim yardım göstərmək imkanımız yoxdur. Tibbi qazlarımız, ağrıkəsicilərimiz, anesteziklərimiz və antibiotiklərimiz yoxdur”, – deyə o vurğulayıb.

Həkimin sözlərinə görə, Venesuela uzun illərdir səhiyyə sahəsində sistemli çatışmazlıqlarla üzləşir. Xəstəxanalarda çarpayı, ağrıkəsici preparatlar, birdəfəlik xalatlar və hətta kağız salfetlər belə çatışmır. Bəzi hallarda pasiyentlərdən əməliyyatdan əvvəl lazım olan tibbi ləvazimatları öz hesablarına almaları tələb olunur.

Urbina-Medina qeyd edib ki, ölkənin səhiyyə sistemi faktiki olaraq dərin tənəzzül mərhələsinə daxil olub və mövcud infrastruktur kütləvi zərərçəkən axınının öhdəsindən gəlməkdə acizdir.

Beynəlxalq Xilasetmə Komitəsi də humanitar yardımın çatdırılmasının ciddi problemlərlə müşayiət olunduğunu açıqlayıb. Bildirilib ki, Venesuelada nəqliyyat və logistika infrastrukturunun zəif vəziyyəti yardım əməliyyatlarını xeyli çətinləşdirir.

Qeyd olunub ki, ölkənin əsas hava limanının zədələnməsi tibbi ləvazimatların və digər humanitar yüklərin kifayət qədər həcmdə çatdırılmasına mane olur.

Bundan əlavə, zəlzələlər nəticəsində azı iki xəstəxana – biri paytaxt Karakasda, digəri isə La-Quayrada tamamilə dağılıb. Məlumata görə, hər iki tibb müəssisəsinin binaları köhnə olub və uzun müddət lazımi səviyyədə istismar edilməyib.

Xəbərin oxunma sayı : 121