Bu barədə factor.am mənbəyə istinadən məlumat yayıb.

Nəşrin həmsöhbətinin sözlərinə görə, hazırda Ukrayna prezidentinin Ermənistana səfəri üçün hazırlıq görülür, lakin səfərin tarixi təsdiq olunmayıb. Zelenskinin martda İrəvanda olacağı gözlənilir.

Ukraynanın Ermənistandakı müvəqqəti işlər vəkili Valeri Lobaç bu məlumatı nə təsdiq, nə də təkzib edib.

Rusiya-Ukrayna müharibəsinin Cənubi Qafqaza mümkün təsiri ilə bağlı suala o, belə cavab verib:

“Əslində, indi deyiləsi çox şey var, amma hələ heç nə deyə bilmərəm, bir neçə gündən sonra xəbər eşidəcəksiniz. Mən öz tərəfimdən deyim ki, Ukrayna Ermənistanı dəstəkləməyə hazırdır. Bir neçə gündən sonra görəcəksiniz”.

Jurnalistin Zelenskinin mümkün səfərini nəzərdə tutub-tutmadığını soruşduqda Valeri Lobaç belə cavab verib:

“Yalnız onu deyə bilərəm ki, yaz Ermənistana çoxlu müsbət hadisələr gətirəcək”.