“Qafqazinfo” xəbər verir ki, lentdə şəhərin gerçək mənzərəsi əks olunur. İrəvan sakinlərinin dedikləri isə Ermənistan paytaxtında Azərbaycan mədəni irsinin məhvi ilə bağlı faktları aşkara çıxarmağa imkan verir.

Ermənistan ərazisində mövcud olan Azərbaycan mədəniyyətinin mühüm abidələrindən biri - Təpəbaşı məscidinin yerləşdiyi məhəlləyə də xüsusi diqqət yetirilir.

CBC teleradio şirkətinin baş direktoru Vüqar Xəlilov filmin baş prodüseridir. Qərbi Azərbaycan mövzusunda çəkilən bu filmdə də açıq-aydın görünür ki, İrəvandakı jurnalist araşdırması yüksək təhlükəli şəraitində baş tutub, jurnalistlər və çəkiliş qrupunun işi undercover journalism qanunlarına uyğun aparılıb. Çəkiliş qrupu şəhərin küçələrində sorğular apardı. Bu isə sadə İrəvan sakinlərinin vəziyyətlə bağlı nə düşündüklərini və bildiklərini öyrənmək üçün unikal imkan yaratdı”.

Azərbaycanlıların tarixi irsini silmək məqsədilə Ermənistan hakimiyyəti binaları və hətta məhəllələri yerlə yeksan edir. Azərbaycanlıların mədəni irsi haqqında məlumatlar ya gizlədilir, ya da təhrif olunur. CBC telekanalının sənədli filmi Ermənistan hakimiyyətinin öz vətəndaşlarını aldatdığı barədə faktları ortaya qoyur. Bu, müasir meqapolislərdə mədəni müxtəlifliyin qorunub saxlanmasının vacibliyi ilə bağlı qlobal müzakirənin zəruriliyini nümayiş etdirir.

Çəkiliş qrupunun ən təəccüblü kəşflərindən biri isə İrəvan sakinləri arasında Gürcüstanın paytaxtı - Tbilisi şəhərinin guya ermənilər tərəfindən salınmasına dair fikirlərin geniş yayılmasıdır. Bu, tarixi faktların necə təhrif edilməsinin miqyasından xəbər verir.

“İrəvanda Azərbaycan tarixi silinir” filminə aşağıdakı linkdən baxa bilərsiniz: