AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Azərbaycan-Bolqarıstan münasibətləri sürətlə inkişaf etməkdədir


Tarix 04.10.22, 15:38	Font ölçüsü : - / +

Prezident cənab İlham Əliyevin həyata keçirdiyi uğurlu xarici siyasət nəticəsində Azərbaycanla dost və tərəfdaş olan ölkələrin sayı kifayət qədər çox saydadır. Bolqarıstan da ölkəmizlə dost və strateji tərəfdaş ölkələrdən biridir.

Ölkələrimiz arasında əlaqələr 2015-ci ildə imzalanmış strateji tərəfdaşlıq

haqqında Birgə Bəyannaməyə əsasən çox yüksək səviyyədə qurulmuşdur. Azərbaycan-Bolqarıstan əlaqələri bir sıra sahələri əhatə etməklə yanaşı münasibətlər davamlı olaraq genişləndirilir və inkişaf etdirilir.

Sentyabrın 30-da Bolqarıstana rəsmi səfər edən Azərbaycan Prezidenti cənab İlham Əliyev ölkələrimiz arasında mövcud əlaqələri yüksək qiymətləndirmiş və 2015-ci ildə imzalanmış strateji tərəfdaşlıq haqqında Birgə Bəyannamədə təsbit olunmuş bütün məsələlərin həyatda öz əksini tapdığını diqqətə çatdırmışdır. Azərbaycan-Bolqarıstan əlaqələrinin bundan sonra daha da inkişaf etdiriləcəyini qeyd edən ölkə başçımız öz çıxışında enerji təhlükəsizliyi sahəsində həyata keçiriləcək planların əhəmiyyətindən də bəhs etmişdir.

Hazırda Azərbaycanın çox böyük həcmdə qaz ehtiyatlarının olduğu təsdiq edilmişdir. Bu ehtiyatların həcmi 2,6 trilyon kubmetrdir. Eyni zamanda, Azərbaycan çoxşaxəli qaz nəqliyyat infrastrukturuna malikdir. Mövcud imkanlar əsas verir ki, Azərbaycan bir çox ölkələri təbii qazla təmin

etsin. Bolqarıstan da ölkəmizdən qaz ixrac edən ölkədir. Bolqarıstana ixrac ediləcək Azərbaycan qazının həcminin artırılması nəzərdə tutulub ki, bu məsələdə Yunanıstan-Bolqarıstan Qaz İnterkonnektoru layihəsi tarixi əhəmiyyətə malikdir. Bu interkonnektor Azərbaycan qazının Avropaya daha geniş miqyasda nəql olunmasına imkan verəcək, eyni zamanda, Avropa qitəsində enerji təhlükəsizliyinə də çox böyük faydası olacaqdır. Bu vaxta qədər də Azərbaycan Avropanın enerji təhlükəsizliyinin təmin olunmasında mühüm rol oynayıb. Belə ki, Azərbaycan uzun illərdir etibarlı tərəfdaş kimi xam neftini

dünya və Avropa bazarlarına ixrac edir. Ölkəmiz bundan sonra qaz hasilatını artırmağı və öz tərəfdaşlarını təbii qazla təmin etməyi planlaşdırır. Bu işdə Avropa İttifaqı ilə Azərbaycan arasında imzalanmış enerji sahəsində strateji tərəfdaşlıq haqqında Memorandum da xüsusi əhəmiyyətə malikdir.

Azərbaycan öz enerji siyasətini daha da genişləndirməyi düşünür. Elektrik enerjisinin ixracı və bu sahədə qarşılıqlı faydalı əməkdaşlıq, xam neftin Bolqarıstan istiqamətinə nəqli, habelə Bolqarıstanda enerji infrastrukturunun yenilənməsində SOCAR-ın imkanlarından istifadə olunması əsas

hədəflərdəndir. Bolqarıstana səfəri zamanı Prezident cənab İlham Əliyev öz çıxışında Azərbaycanın geniş tranzit imkanlarına malik olmasına diqqət çəkərək bu imkanlardan Bolqarıstanın da yararlana biləcəyini bildirmişdir. Həqiqətən də bu gün Azərbaycanda çox müasir nəqliyyat infrastrukturu yaradılıb. Bura dəmir yolları, avtomobil yolları və yeni Beynəlxalq Dəniz Ticarət Limanı daxildir. Bütün bu infrastruktur obyektlərinin yaradılmasında məqsəd Azərbaycan üzərindən tranzit yüklərinin həcminin artırılmasını təmin etməkdir. Həyata keçirilən düşünülmüş siyasət nəticəsində isə bu istiqamətdə

uğurlara imza atılır. Cari ildə tranzit yüklərin həcminin təqribən 50 faizə yaxın artması bu deyilənlərə əyani sübutdur. Bir sözlə, Azərbaycan və Bolqarıstan arasında həm iqtisadiyyat, həm də sərmayə sahələrində əməkdaşlığın dərinləşməsi üçün çox böyük imkanlar mövcuddur. Odur ki, ölkələrimiz bu və

digər yeni əməkdaşlıq imkanlarının araşdırılmasına qərar verib.

Eyvaz Fərzəliyev

Xəbərin oxunma sayı : 442