AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Azərbaycanda futbol klubları nə qədər maaş verir? - Rəqəmlər açıqlandı


Tarix 05.10.25, 14:48	Font ölçüsü : - / +

Azərbaycan futbol klublarının xərclərində əsas yeri əmək haqları tutur. 2024-cü il üzrə məlumata əsasən, klublar futbolçulara və texniki heyətə milyonlarla manat vəsait ayırıblar. 2023-cü illə müqayisədə əksər komandalarda maaşlar artsa da, bəzilərində azalma baş verib.

AzFakt.com bildirir ki, “Fed.az”ın hesablamarına görə, 2024-cü ildə əmək haqlarını ən çox artıran klub «Sumqayıt» Futbol Klubu olub. Klubda 2023-cü ildə 3 milyon 519 min manat olan bu göstərici 2024-cü ildə 6 milyon 42 min manata yüksəlib. Artım 72 faiz təşkil edir ki, bu da kluba yeni transferlərin cəlb olunması və strukturun genişlənməsi ilə izah oluna bilər.

İkinci sırada «Neftçi» qərarlaşır. Klubun 2024-cü ildə əmək haqqı üçün ayırdığı vəsait 20 milyon 264 min manat olub. Bu, əvvəlki illə müqayisədə 27 faiz və ya 4 milyon 298 min manat artım deməkdir. «Neftçi» də heyətini gücləndirmək və rəqabət qabiliyyətini artırmaq üçün maaş büdcəsini genişləndirib.

Maaş artımı sürətinə görə, üçüncü yeri «Qarabağ» Futbol Klubu tutur. 2024-cü ildə klubun əmək haqqı fondu 20 milyon 648 min manat olub ki, bu da əvvəlki illə müqayisədə 3 milyon 298 min manat və ya 19 faiz artım deməkdir.

«Sabah» FK da futbolçu və məşqçi personalına pul ayırmaqda xəsislik etmir. Klub son bir ildə əmək haqqına 14 milyon 57 min manat ayırıb. Bu da əvvəlki illə müqayisədə düz 2 milyon manat və ya 16 faiz artım deməkdir.

«Kəpəz» Futbol Klubunda əmək haqları yuxarıdakı klubların miqyasında olmasa da, maaşlar burada da artıb. 2024-cü ildə klub əmək haqqı xərclərini 200 min manat və ya 10 faiz artıraraq 2 milyon 199 min 800 manata çatdırıb.

Bəzi klublarda isə əksinə, əmək haqqı xərclərində azalma müşahidə olunub. «Səbail» Futbol Klubunun maaş xərcləri 5 milyon 237 min manatdan 4 milyon 974 min manata enib. Bu, illik 263 min manat və ya 5 faiz azalma deməkdir.

«Zirə» klubunda isə maaşlarda daha ciddi azalma baş verib, burada maaş fondu 5,2 milyon manatdan 4,1 milyon manat enib. Yəni 1 milyon 106 min manat və ya 21% fərq qeydə alınıb.

«Şamaxı» Futbol Klubunda da əmək haqqı xərci azalıb. 2023-cü ildə idmançılar və digər personala 1 milyon 933 min manat təşkil edən maaş büdcəsi 2024-cü ildə 1 milyon 649 min manata enib. Bu illik 284 min manat və ya 15 faiz azalma anlamına gəlir.

Az büdcəli klublar sırasında olan «Turan Tovuz» və «Araz-Naxçıvan» əmək haqqı üzrə rəqəmləri olduqca aşağıdır, demək olar simvolik məna daşıyır – hər iki klubda illik maaş fondu 3,7 min manat təşkil edir.

Xəbərin oxunma sayı : 1921