AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Bakıda magistral su kəmərlərinin üstünü kimlərə satıblar? - FOTOLAR


Tarix 25.04.26, 19:58	Font ölçüsü : - / +

Paytaxtın kanalizasiya və su sistemi iflic vəziyyətindədir. Bakının magistral su kəmərlərinin sanitar-mühafizə zonaları, hətta boruların düz üstü rəsmən özəlləşdirilib.

AzFakt.com “Müsavat”a istinadən xəbər verir ki, vətəndaşlar Bəkir Çobanzadə küçəsi, giriş 240 ünvanında baş verən qanunsuzluqlarla bağlı Baş nazirin müavini Şahin Mustafayevə və digər ali instansiyalara müraciət ünvanlayıb.

O, magistral su borusunun üzərindəki torpağa verilmiş çıxarışın ləğv olunmasını, strateji ərazinin zəbtdən azad edilməsinin vacibliyini diqqətə çatdırıb. Əks halda, baş verəcək növbəti texnogen qəzanın və insan itkisinin məsuliyyətini bu qanunsuzluğa imza atanlar daşıyacaq.

Hacıbala Abutalıbovun “son iş günü” hədiyyəsi?

Araşdırmalar zamanı məlum olan ən sarsıdıcı məqam Bakı şəhər İcra Hakimiyyətinin keçmiş başçısı Hacıbala Abutalıbovun fəaliyyəti ilə bağlıdır. Belə ki, Abutalıbovun vəzifədə olduğu son iş günündə - 20 aprel 2018-ci ildə Nizami rayonu, Çobanzadə küçəsində yerləşən strateji su obyektlərinin taleyi bir imza ilə dəyişib. Həmin tarixdə bağlanmış 1460 saylı icarə müqaviləsi ilə yüksək təzyiqli, nəhəng diametrli (630 mm, 1220 mm və 1420 mm-lik!) magistral su kəmərlərinin mühafizə zonası “abadlıq və sahibkarlıq” adı altında Cəlal Əli oğlu Həmidova verilib. Şəhərin su təchizatının ana damarlarından söhbət gedir. Bu gün həmin ərazi ətrafında oyunlar daha da intensivləşib.

Hazırda Bakı Apellyasiya Məhkəməsində hakim Fərrux Qasımovun sədrliyi ilə bağlı əraziyə qanunsuz mülkiyyət hüququ əldə edilməsi ilə qonşuların mülkiyyət hüququna müdaxiləsinə dair şikayət də araşdırılır.

Belə bir vaxtda Cəlal Həmidovun qəyyumu Tamara Həmidova artıq Nizami Rayon İcra Hakimiyyətini rəsmi xəbərdar edərək, həmin strateji boruların üstündə tikinti işlərinə başlayacağını bəyan edib. Daha bir müəmmalı məqam isə torpağın təyinatının “sehrli əl” vasitəsilə dəyişdirilməsidir. Əvvəllər sənaye, nəqliyyat və rabitə təyinatlı olan bu torpaqlar, hansısa yollarla sənədlərdə “yaşayış məntəqələrinin torpaqları” kimi rəsmiləşdirilib. İndi isə bu elan saytlarında 1 milyon 300 min manata satışa çıxarılıb. Alıcılara isə bura fərdi yaşayış evi tikmək üçün ideal yer kimi sırınır. Magistral su kəmərinin və ya kollektorun üzərində ev tikmək, hər an partlaya biləcək bombanın üzərində oturmaqdır.

Yüksək təzyiqli kəmər sıradan çıxsa, suyun təzyiqi həmin evləri bir neçə dəqiqəyə yerlə-yeksan edər. Qəza baş versə, ağır texnika əraziyə daxil ola bilməyəcək, çünki borunun üstündə qanunsuz villalar və obyektlər ucalacaq. Keşlə və ətraf ərazilərin yağış suları altında qalmasının bir səbəbi də məhz belə kollektorların və mühafizə zonalarının zəbt edilməsidir. Vətəndaş Bahadur Oktay oğlu Əlinin rəsmi müraciətlərində qeyd etdiyi faktlar dövlət qurumları üçün ciddi bir sınaqdır.

Daşınmaz Əmlakın Dövlət Kadastrı və Reyestri Xidməti hansı məntiqlə və hansı qanunla strateji su kəmərinin düz üstünə “çıxarış” (kupça) verib? Yüksəktəzyiqli magistral su borularının belə aşkar şəkildə zəbt edilməsi niyə diqqətdən kənar qalır? Prezident İlham Əliyev dəfələrlə magistral xətlərin mühafizə zonalarının zəbt edilməsinin yolverilməzliyini vurğulasa da, bəzi məmurlar köhnə “vərdiş”lərindən əl çəkmək istəmirlər.