İki gün ərzində imtahan binasına mobil telefon gətirmiş 13 nəfər müəyyən olunub. Onların imtahan nəticələri ləğv olunub. 

Xezerxeber.az xəbər verir ki, bunu DİM-in Metodiki təminat və təlimlər şöbəsinin müdiri Adıgözəl Həbibov deyib.

DİM-in sosial mediada təşkil etdiyi canlı yayım zamanı Adıgözəl Həbibov bildirib ki, üzərində mobil telefon aşkarlanmış abituriyentlərin ikinci dəfə imtahanda iştirakına məhdudiyyət qoyulacaq.

Qeyd edək ki, DİM-in sosial mediada təşkil etdiyi canlı yayımda səsləndirilib. Canlı yayımda həm III, həm də II ixtisas qrupu üzrə imtahanlarda istifadə olunmuş test tapşırıqları ilə bağlı geniş izahat verilib.

Xatırladaq ki, mayın 21-də III ixtisas qrupu, mayın 22-də II ixtisas qrupu üzrə qəbul, eləcə də III ixtisas qrupunda DT və TC altqruplarının hər ikisini seçən abituriyentlər üçün coğrafiya fənnindən imtahanlar keçirilib.