Məsələ ilə bağlı sayt “Relax” İstirahət Mərkəzinin sahibi, deputat İqbal Məmmədovla da əlaqə saxlayıb. Deputat bildirib: “"Relax" İstirahət mərkəzinə mənim heç bir aidiyyətim yoxdur”.

Qeyd edək ki, fevralın 26-sı hər il Azərbaycanda Xocalı Soyqırımı Günü kimi qeyd olunur. Hər il dövlət başçısı və ailə üzvləri daxil olmaqla, bütün hökumət və ictimai-siyasi kəsim, habelə ölkə əahlisi Xətai rayonu ərazisində yerləşən “Xocalı Abidəsi”ni ziyarət edirlər. Bundan başqa, bütün dünyada yaşayan azərbaycanlılar hər il fevralın 26-da yaşadıqları ölkələrdə Xocalı faciəsini qeyd edir, bunun üçün yürüşlər və aksiyalar təşkil edirlər. 

Lakin görünən və bilinən odur ki, bəzi insanlar üçün Xocalı Soyqırımının heç bir əhəmiyyəti və önəmi yoxdur. Əgər belə olmasaydı, fevralın 26-na əyləncə proqramı təşkil etməzdilər.

“Relax”da 26 fevralda belə bir proqramın təşkili Azərbaycan tarixinə, onun ən qanlı səhifələrindən biri olan Xocalıda şəhid olan insanlarımızın ruhuna hörmətsizlikdir.