AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Deputatla keçmiş rəqibi arasında qalmaqal: “Əlimdə faktlar var...“


Tarix 02.03.21, 17:06	Font ölçüsü : - / +

"Mənə qarşı sosial şəbəkələrdə aparılan çirkin kampaniyanın başında duran deputat seçkilərində alternativim olmuş Fərəc Quliyevin oğlu Mətin Quluyevdir”.

AzFakt.com xəbər verir ki, bu barədə deputat Etibar Əliyev bildirib.

Onun sözlərinə görə, Mətin Quliyev analoji piar kampaniyasını seçkilər vaxtı da aparıb. "Əlimdə kifayət qədər sübutlar var. Hüquq mühafizə orqanlarına müraciət hazırlayıram. Mətin Quliyev mənim adımdan "Facebook"da paylaşılan və mənim işlətmədiyim ifadələri məqsədli şəkildə hazırlayaraq ictimaiyyətə ötürüb. Nəticədə ünvanıma təhqir, küçə söyüşləri yazılıb, özüm və ailə üzvlərim ən ağır formada həqarətlərə məruz qalıb. Milli Məclisin, eyni zamanda, onun üzvü olaraq mənim nüfuzuma xələl gətirməyə cəhd edilib. Onu da qeyd edim ki, məni "Facebook"da olmazın söyüşlərlə təhqir edən "Əbülfəz Babasoy" profili də Mətin Quliyev tərəfindən idarə olunur”, - deyə o əlavə edib.

Milli Dirçəliş Partiyasının sədri, keçmiş deputat Fərəc Quliyev isə Qaynarinfo-ya açıqlamasında Etibar Əliyevin ittihamlarının əsassız olduğunu deyib. "Əvvəla, bu adam deyir ki, Fərəc Quliyevin oğlu məni təhqir edir. Sonra da yazır ki, "Əbülfəz Babasoy” adlı profildən təhqir olunuram. Mənim Əbülfəz Babasoy adlı oğlum yoxdur. Bilmirəm, Etibar Əliyev bu açıqlamanı ayıq başla verib, yoxsa yox.

İkincisi, hətta həmin təhqirlər Mətin Quliyev adı altında yayılsa belə, bunu araşdırmaq lazımdır.

Parlamentdə təmsil olunursan, bir az ağayana olmaq lazımdır. O isə əsassız ittihamlar səsləndirir. Həmin ittihamlara görə, onun özü məhkəməyə verilə bilər”, - deyə keçmiş deputat bildirib.

Fərəc Quliyev əlavə edib ki, bununla belə, məhkəməyə müraciət etmək niyyəti yoxdur. "Mən o səviyyəyə enmək istəmirəm. Sadəcə qeyd etmək istəyirəm ki, əgər sən mənim adımla gündəmə gəlmək istəyirsənsə, bunu açıq de, bilək. Mən də onun dairəsindən deputat olmuşam. Qərəzli çıxmasın, 4 ildə 105 təklif vermişəm, 115 çıxış eləmişəm, 94 məhəllə görüşü keçirmişəm. Amma onun bir fotosunu görmüşəm, o da yatmış formada. Adam bir az ciddi olar. Sən indi beynəlxalq müstəvidə Azərbaycanın maraqlarını qoruyan təkliflərlə çıxış etməlisən, ortaya mövqe qoymalısan. Amma bir saxta profildən təhqir olunmusan və başlamısan ki, bunu Fərəc Quliyevin oğlu edir. Bu qədər qeyri-ciddilik olmaz axı”, - deyə partiya sədri vurğulayıb.

Xatırladaq ki, Etibar Əliyevlə Fərəc Quliyev 2020-ci il fevralın 9-da keçirilən növbədənkənar parlament seşkilərində rəqib olublar.

Xəbərin oxunma sayı : 583