AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Həsənovun adı təxribat törətməkdə hallandı: qazilərlə qarşıdurmada səfirin “barmaq izi” var


Tarix 02.10.19, 12:08	Font ölçüsü : - / +

Eldar Həsənovun adı təxribat törətməkdə hallandı: qazilərlə qarşıdurmada səfirin “barmaq izi” var

Qarabağ qazisi olduğu bildirilən bir qrup əlil şəxslərlə SOCAR-ın Təhlükəsizlik İdarəsinin əməkdaşları arasında yaşanan insident ölkə ictimaiyyətinin gündəmindədir. Hadisənin detalları barədə yayılan məlumatlardan aydın olur ki, əslində SOCAR əməkdaşlarının üzərinə hücum çəkənlərin heç də hamısı Qarabağ qaziləri deyil.

AzFakt.com xəbər verir ki, baş vermiş hadisə ilə bağlı “Yeni Müsavat” qəzeti sensasiyalı məlumat yayıb. Qəzetin hazırladığı materialda qeyd olunur ki, SOCAR məsələyə dair yaydığı rəsmi məlumatda bildirdi ki, şirkətin mühafizəçiləri hücum edən şəxslərə qarşı heç bir zorakılıq tətbiq etmədən hadisə yerinə polis əməkdaşlarını çağırıblar:

Eldar Həsənovun adı təxribat törətməkdə hallandı: qazilərlə qarşıdurmada səfirin “barmaq izi” var

“İnsident zamanı şifahi xəbərdarlıqlara məhəl qoymayan şəxslər tərəfindən qarovul rəisi Abdurəhmanov Fuad Həsən oğlunun, İsmayılov Elnur İlyas oğlunun, Əliquliyev Ələkbər Cabbar oğlunun qol və bədən nahiyələrinə zərbələr endirilib, müxtəlif bədən xəsarətləri yetirilib. Aparılmış videoçəkilişdən də göründüyü kimi, təxribat törədən şəxslər hadisə yerindən uzaqlaşmağa çalışan mühafizə xidmətinin əməkdaşlarını, eləcə də polis əməkdaşlarını təqib edərək, xidməti maşınlarına maddi ziyan vurmağa cəhd göstərib, dövlətə qarşı qanunsuz çağırışlar səsləndiriblər”.

Bu kimi məlumatlar yayıldıqdan sonra sosial şəbəkələrdə bir qrup şəxslər qaziləri müdafiə edib, onlara qarşı nə üçün belə addımlar atıldığını yazıb, dövlətə və qurumlara qarşı çağırışlar etməyə başladılar.

Qəzet etibarlı mənbəyə istinadla bildirir ki, əslində bu insidenti yaradanlar heç də gerçək qazilər deyil. Eyni zamanda mübahisə predmetinə çevrilmiş həmin ərazinin də Qarabağ qazisinə aid olmadığı bildirilir:

“Doğrudur, insidentdə iştirak edənlərin arasında 4 nəfər Qarabağ əlili də var. Ancaq faktiki olaraq torpaq sahəsi hansısa qaziyə aid deyil. Bu işə rəhbərlik edən şəxs əslən Kəlbəcərdən olan Hacıyev Məmmədəli İsgəndər oğludur. O, Qarabağ uğrunda döyüşlərdə iştirak etməyib. Onun əldə etdiyi saxta əlillik kağızını isə ötən illərdə nazirlik ləğv edib. Bu adam indiyə qədər də belə işlərlə məşğul olub. Ancaq onun adı yayılan rəsmi məlumatlarda yer almayıb. Əlilləri Məmmədəli çağırıb, o, əraziyə yığıb. Torpaq faktiki olaraq bu adamların dedikləri kimi, hansısa Qarabağ əlilinin adına deyil.

Hacıyev Məmmədəli İsgəndər oğlu

Sadəcə olaraq, Məmmədəli “krışalıq" edərək, bu yolla evi tikdirir, sonra da vətəndaşdan pul alır, əlillərə də həmin puldan müəyyən qədər verir. Oradakı qazilərin evləri var. Kimin evi yoxdursa, o da hazırda ev növbəsindədir. Məmmədəlini çox adam Mamed kimi tanıyır. Mamed əvvəllər Mehdi Mehdiyevin sədrlik etdiyi Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin üzvü olub. Sonradan elə Mehdi Mehdiyev onu üzvlükdən çıxarıb, nazirliyə də müraciət edib ki, bu adam Qarabağ uğrunda döyüşlərdə iştirak etməyib. Bu müraciətdən sonra onun əlilliyi ləğv edilib".

Qeyd olunur ki, sosial şəbəkədə hadisə yerində başına vurub, köynəyini cıran, özünü 2-ci qrup Qarabağ qazisi adlandıran bir şəxsin videosu yayılıb:

“Öyrəndik ki, həmin şəxsin adı Kənandır. O, əslən Tərtər rayonundandır. Videodan görünür ki, Kənan ona SOCAR-ın əməkdaşlarının hücum etməsi təəssüratını yaratmaq məqsədilə özünü döyüb, köynəyini cıraraq əynindən çıxarır”.

Qəzet əməkdaşı yazır ki, Kənanın Qarabağ uğrunda gedən döyüşlərdə döyüşüb-döyüşmədiyi ilə bağlı dəqiq məlumat əldə edə bilməyiblər.

Ekspertlər baş verən bütün bu hadisələrin arxasında ölkədə çaxnaşma yaratmaq istəyən qüvvələrin durduğunu bildirirlər.

Musavat.com-a danışan ekspertlərdən biri iddia edib ki, “saxta qazilərin” adı ilə Azərbaycanı qarışdırmaq istəyən qüvvələrin kökü Rusiyaya bağlanır. Rusiyanın bu təxribatını isə Azərbaycana tanınmış bir fiqur ötürür! Bu, əslən Kəlbəcərdən olan, Azərbaycanın sabiq baş prokuroru, hazırda Azərbaycanın Serbiya, Monteneqro və Bosniya-Herseqovinadakı fövqəladə və səlahiyyətli səfiri Eldar Həsənovdur.

Qeyd edək ki, SOCAR-la insidentdə adı hallanan Hüseynov Şərif Novruz oğlunun da Qarabağ əlili olmadığı bildirilir. Bəzi mənbələrdən qaynarinfo.az saytına daxil olan məlumata görə, Hüseynov Şərif Novruz oğlu hansısa yolla cəmi 1 il əvvəl “Qarabağ əlili” vəsiqəsi əldə edib.

Xəbərin oxunma sayı : 1222