AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Elton Məmmədov “Tərtər işi“ndə adımı çəkib, şərləyir - Kamal Əliyev


Tarix 27.01.22, 14:09	Font ölçüsü : - / +

“Mən siyasətçi deyiləm. O məni şərləyir ki, guya hansısa cinayət əməllərini törətmişəm. Mən də şikayət ərizəmdə hər şeyi yazmışam".

Bu fikirləri Modern.az-a Azərbaycan Milli Elmlər Akademiyasının (AMEA) Hüquq şöbəsinin rəhbəri Kamal Əliyev sabiq deputat Elton Məmmədovu məhkəməyə verməsindən danışarkən bildirib.

Onun sözlərinə görə, sabiq deputatın "Tərtər işi"lə bağlı ona qarşı irəli sürdüyü iddialar savadsızcasınadır:

“Mən bilmirəm "Tərtər işi" olub-olmayıb. 2017-ci ilin mayın sonlarında nəsə bir hadisələr baş verib. Mən də 2017-ci ilin iyul ayında işdən çıxmışam, daha sonra kollegiyaya keçmişəm. O işin də istintaqı, əgər ağır cinayətdirsə, ən azı bir il çəkir. Məhkəmə o işə 2018-ci ildə baxa bilərdi. Ona görə mən istəsəydim də bu işlərə baxa bilməzdim”.

K.Əliyev AMEA rəhbəri Ramiz Mehdiyevlə bağlı məsələyə də aydınlıq gətirib:

“Ramiz Mehdiyev Akademiyanın prezidentidir. Ramiz Mehdiyevi işə yeni qəbul olanda bir dəfə görmüşəm. Mən öz vəzifəmi yerinə yetirirəm. Mehdiyev mənlə oturub-duran adam deyil. Bu boyda Akademiyada onun yüz işi var. Mənim vəzifəm ancaq işimi görməkdir. Heç kəsin də sifarişini yerinə yetirmirəm. Əgər bilmək istəsəniz, Ramiz Mehdiyev mənim fikrimcə elə bir adama fikir vermək istəməz. Mən bir insan kimi hesab edirəm ki, mənə şər atan adamı məhkəməyə verməliyəm. Mən ona Səbail Məhkəməsində də xəbərdarlıq etdim. Bildirdim ki, xahiş edirəm mənim haqqımda danışma. Sən məni tanımırsan.

Mənə məhkəmədə dedi ki, sən Nəcməddin Sadıqovla birləşmisən. Mən də dedim ki, qardaş, ölkədə yeganə adamam ki, Nəcməddin Sadıqova 1994-cü ilin fevral ayında ittiham irəli sürmüşəm. Ona görə də az qalıb ki, o vaxt məni işdən çıxartdırıb tutdursunlar. Mənim adımı onunla necə bir yerd çəkə bilərsən. 1993-cü ilin dekabrın ayının 30-dan 31-nə keçən gecə döyüş əməliyyatı olmalı idi. İşin istintaqını mən aparmışam. Orada sübut olunub ki, onların günahkar kimi tutduqları adamlar günahsızdılar. Mən də o vaxt ona ittiham irəli sürmüşəm. Yəni, mən istəsəm belə, Nəcməddin Sadıqov və digərləri ilə yaxın ola bilmərərm. Çünki mən onun bir nömrəli düşməniyəm".

Şöbə müdiri qeyd edib ki, Tərtərdə hakim vəzifəsindən 2017-ci ilin iyul ayında çıxarılıb:

"Elton Məmmədovun iddia etdiyi hadisələr isə may ayında olub. Mən həmin hadisələrin olub-olmadığını bilmirəm. Elementar hüquq savadı olan insan bilir ki, istintaq ən azı bir il çəkəndən sonra məhkəməyə gedir və məhkəmə işə baxa bilir. Mən o vaxt məhkəmdə işləməmişəm. Bu zaman işə necə baxa bilərəm? Bir də harada görülüb ki, hakim gedib kiməsə işgəncə, əzab verir? Ona görə də yalan yazdığına görə məhkəməyə vermişəm ki, insanı şərləmək olmaz. Ona xəbərdarlıq da etdim”.

K.Əliyev, həmçinin deyib ki, Ramiz Mehdiyevdən fərqli olaraq, Elton Məmmədovun şər-böhtanına dözməyəcək:

“Amma mən dözən deyiləm. Ona görə də onu məhkəməyə verdim. Mənim onunla şəxsi nə münasibətim olacaq ki, şəxsi münasibətləri də Akademiya səviyyəsinə gətirim. Mən bura işə gələnə kimi heç kimi tanımamışam, münasibətim olmayıb. Desin görək, hansı şəxsi münasibəti Akademiya səviyyəsinə qaldırmışam. Elton Məmmədovu tanımamışam və onunla heç bir münasibətim də olmayıb. Ancaq bu adam gedib hər yerdə məni şərləyir”.

Qeyd edək ki, K.Əliyev məhkəməyə müraciət edərək, E. Məmmədovun Cinayət Məcəlləsinin 147.2-ci (ağır və ya xüsusilə ağır cinayətdə ittiham etməklə böhtan atma) maddəsi ilə ittiham olunmasını tələb edib.

E.Məmmədov barəsində Cinayət Məcəlləsinin 147.2 (Ağır və ya xüsusilə ağır cinayətdə ittiham etməklə böhtan atma) və 148-ci (Təhqir, yəni kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında şəxsiyyətin şərəf və ləyaqətini nalayiq formada qəsdən alçaltma) maddələri ilə cinayət işi başlanılması istənilir.

Səbail Rayon Məhkəməsində keçiriləcək prosesə hakim Günel Səmədova sədrlik edəcək. Məhkəmənin hazırlıq iclası fevralın 2-nə təyin olunub.

Xəbərin oxunma sayı : 574