AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Etibar Məmmədov yenidən siyasi proseslərə qoşulur: “Bu, cəmiyyətin arzusudur”


Tarix 30.08.19, 10:20	Font ölçüsü : - / +

Uzun zamandır “qeybə çəkilən” Azərbaycan Milli İstiqlal Partiyasının lideri Etibar Məmmədov siyasət dəhlizlərində görünməyə başlayıb. Bunu onun haqqında son günlərdə ardıcıl şəkildə mətbuatda gedən yazılarla izah etmək olar. Bu yazılar haqlı olaraq, “Etibar Məmmədov aktiv siyasətə qayıdır” başlığı ilə oxuculara təqdim olunmaqdadır.

İlk olaraq, AMİP lideri barəsində o, 1990-cı ildə Bakıda məhkəmə zalından azadlığa buraxılarkən çəkilən yarım saatlıq video cəmiyyətə təqdim olundu. Ardınca isə müəllif yazıları E.Məmmədov haqqında yazılmağa başladı. Onun keçmişdəki fəaliyyəti demək olar nöqtədən vergülə qədər yazılmaqdadır. Hətta “ardı var”la təqdim olunur. Bu isə o anlama gəlir ki, AMİP lideri barəsində qarşıdakı zamanda yeni-yeni məqalələrə rast gələcəyik.

Onu da qeyd edək ki, AMİP-in özü də ciddi şəkildə fəallaşıb. Bir-birinin ardınca rayonlarda partiyanın yerli şöbələrinin iclasları keçirilir. Artıq indiyə qədər 40-a yaxın şöbədə iclaslar keçirilib və partiya funksionerləri sentyabr ayı ərzində 20-dən çox rayonda bu tipli iclaslar keçirməyi planlaşdırdıqlarını söyləyirlər. Bir sözlə, AMİP bu yay istirahət etməyib. Bu da haqlı olaraq bəzi iddialar meydana çıxarıb.

E.Məmmədovun geri dönüşünün təsadüf olmadığı vurğulanır. Onun Azərbaycan siyasətindəki boşluğu görüb, susqun dənizdə fırtına yaratmaq, ortamı ələ almaq üçün özü üzdə görünməsə də, altdan-altdan şüurlara qayıtmaq niyyətinin olduğu qeyd edilir.

AMİP katibi Əli Orucov “Yeni Müsavat”da iddialara bu cür cavab verib: “Etibar Məmmədovun mətbuatda səsləndirdiyi fikirlər həmişə gündəm olub. Onun kiçik bir açıqlaması ciddi müzakirələrə yol açır. Bu da təsadüfi deyil. Çünki Etibar bəy hərəkatdan gələn böyük siyasi təcrübəyə malik dünya miqyasında tanınmış siyasətçidir.

Onunla bağlı mətbuatda son günlər dərc olunan materiallara gəlincə isə göründüyü kimi, bütün bunların hamısı müəllif yazılarıdır. Hər bir yazar, hər bir jurnalist də mövzu seçimində sərbəstdir. Təcrübəli yazarlar da həmişə gündəm yaradan mövzulara diqqət yetirirlər. Etibar Məmmədovun keçdiyi ömür və siyasi mübarizə yolu, göstərdiyi fəaliyyət və gördüyü işlər həmişə aktuallığını saxlamaqdadır.

Onun siyasətə qayıtması cəmiyyətin böyük kəsiminin istək və arzusudur. Və getdikcə də onun yenidən aktiv siyasətə qayıtmasını istəyən insanların sayı günü-gündən artmaqdadır. İstər ziyalılar olsun, istər sıravi Azərbaycan vətəndaşları Etibar Məmmədovun siyasətə fəal qayıtmasını səbirsizliklə gözləyirlər. Lakin onun hansı addımı atacağı barədə nəsə demək çətindir. Çünki bu, birbaşa Etibar bəyin şəxsi iradəsinə bağlı olan haldır. Müşahidələrim ondan ibarətdir ki, bu cür çağırış, istək və tələblər daha tez-tez və ucadan eşidilməkdədir. Mən iddia etmirəm ki, Etibar Məmmədov bütünlükdə siyasətdən çəkilib. Sizin də izlədiyiniz kimi, ölkədə gedən prosesləri diqqətlə izləyir və lazımi məqamlarda hadisələrə öz münasibətini bildirir.

”Millət" qəzetindəki məqalələrə gəlincə, bu materiallar başqa informasiya resurslarında, saytlarda getmiş materiallardır və qəzetdə də mənbəyə istinad edilməklə dərc olunub. Onu da qeyd edim ki, Etibar Məmmədov AMİP-in fəxri lideri kimi partiyanın fəaliyyətinə heç bir müdaxilə etmir və partiya qərarlarını sərbəst verir. Partiyada təməlindən qoyulmuş demokratik mühit var və bu da davam edəcək. Mən Etibar bəyin yaxın vaxtlarda aktiv siyasətə qayıdacağı ilə bağlı fikirlərinə rast gəlməmişəm".

Xəbərin oxunma sayı : 214