Rəsmi Vaşinqton əlindəki bütün iqtisadi rıçaqları Venesuelaya qarşı tətbiq etməkdə qərarlıdır.

Musavat.com xarici agentliklərə istinadən xəbər verir ki, bu sözlər ABŞ dövlət katibi Maykl Pompeo tərəfindən Hyuston şəhərində keçirilən “CERAWeek” konfransında səsləndirilib.

Maykl Pompeo Venesuelaya qarşı tətbiq olunan sanksiyalarla müsbət nəticəyə (Maduronun devrilməsinə) ümid etdiklərini söyləyib.

ABŞ dövlət katibi İranın neft ixracatını da sıfıra endirmək üzərində çalışdıqlaırnı bildirib.

Dövlət Departamentinin rəhbəri Rusiyaya da toxunub və rəsmi Moskvanı ABŞ-ın sanksiyalarına rəğmən Venesuelanın “PDVSA” şirkətindən xam neft almaqda suçlayıb.

Onun sözlərinə görə, “Rosneft” rəhbəri İqor Seçin Maduro hakimiyyətinə xilasetmə dairəsini verməklə onun ömrünü uzadır.

Rusiya Xarici İşlər Nazirliyi isə Maykl Pompeonun təhdidlərini “mənasız” adlandırıb.

“Rosneft zatən özü sanksiyalar altındadır, lakin uğurla çalışmağa davam edir. Lakin rəsmi Vaşinqton qazanmaq yerinə onu (“Rosneft”i) itirməyə üstünlük verib.