DTX-nin keçirdiyi əməliyyat zamanı həbs edilən Mədəniyyət nazirinin müavini Rafiq Bayramovun və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanovun istintaq və məhkəmə prosesi büdcə vəsaitlərinin mənimsəmə formasını açıq-aşkar ortaya çıxardı.

 

Replika.TV-nin əldə etdiyi məlumata görə Mədəniyyət Nazirliyində kök atmış dövlət vsaitlərini mənimsəyən "köhnə qvardiya"nın üzvlərindən hələ də vəzifə başında qalan şəxslər var. Bu şəxslərdən biri də Şəki Regional Mədəniyyət İdarəsinin rəisi Mirvari Zeynalovadır.

 

Əbülfəs Qarayevin əmri ilə 2018-ci ildə Şəki Regional Mədəniyyət İdarəsinin rəisi vəzifəsinə təyin edilən Mirvari Zeynalovanın qısa müddət ərzində külli miqdarda dövlət vəsaitlərini mənimsədiyi, qohum-əqrabalarının adlarına daşınmaz əmlaklar aldığı deyilir.

 

Şəki Regional Mədəniyyət İdarəsində hər ay "ölü canlar"dan əldə edilən vəsaitlərlə yanaşı, idarənin tabeliyində fəaliyyət göstərən müəssisələrin cari və əsaslı təmiri adı altında da külli miqdarda vəsaitlərin mənimsənilib.

 

Bununla yanaşı, Şəki Regional Mədəniyyət İdarəsində dövlət vəsaitlərinin mənimsəmə kombinasiyalarından biri də dövlət satınalmaları olub.

 

Xüsusən burada yanacaq vəsaitlərinin-odunun alınması istiqamətində ciddi qanun pozuntularının olduğu bildirilir. Belə ki, satınalmalarda göstərilən vəsaitlər sonradan "otkad" formasında geri alınıb.

 

Qeyd edək ki, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanovun ötən həftə keçirilən məhkəmə prosesində şahid qismində ifadə verən "Piramida-F.R" MMC-nin rəhbəri tender müqaviləsi üzrə hesablarına köçürülən 6 milyon manatın 900 minini geri qaytardığını bildirirdi.