AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Nardaranlı Mirseymuru öldürən Çeçenistanda gizlənir - şok bilgilər


Tarix 06.11.19, 17:13	Font ölçüsü : - / +

Çeçen “qanuni oğru”lar vətənlərinə toplaşır; Kazbek Dokuzovun 2003-cü ildə baş vermiş qətillərlə nə əlaqəsi?

Rusiyada “qanuni oğru”larla bağlı qanun sərtləşdirildikdən sonra slavyan və digər millətlərdən olan kriminallar ölkə sərhədlərini tərk etməyə məcbur olublar. Amma bu qadağanın sanki Çeçenistana aidiyyəti yoxdur.

Belə ki, çeçen “qanuni oğru”lar respublika ərazisində heç bir təhlükə hiss etmədən yaşayırlar. Bu “qanuni oğru”lar ölkə xaricində və federasiya ərazisində demək olar ki, qeyri-fəaldırlar. Buna baxmayaraq, Zaxari Kalaşovun( Şakro) və Oleq Şişkanovun (Şişkan) həbsindən sonra yaxın günlərdə Rusiya kriminalında vəziyyət kökündən dəyişə bilər.

Çeçenistanda son illərədək yerli kriminal vəziyyətin sahibi kimi Əziz Batukayevi (Əziz) görürdülər. Bu həmin Əzidir ki, indi onu vaxtından əvvəl azadlığa buraxdıqları üçün hazırda Qırğızıstanın sabiq prezidenti də daxil olmaqla bir neçə vəzifəli şəxs həbs edilib. Onu xəstə adı ilə çox böyük çətinliklə və indi məlum olur ki, həm də rüşvət hesabına Qırğızıstandan şəxsi təyyarə ilə Qrozniya gətirmişdilər. O zaman bu işdə əsas fiqurant kimi Çeçenistan prezidenti Ramzan Kadırovun adı hallanırdı.

Yeri gəlmişkən, azərbaycanlı “qanuni oğru” Nadir Səlifov(Lotu Quli) və Əziz arasında gərginlik olması barədə bir müddət əvvəl xəbərlər vardı. Bildirilirdi ki, qarşıdurma Moskvanın üç bazarı üstündə yaranıb. Əziz bazarlarda Qulinin adamlarının möhkəmləndiyinə məhəl qoymayıblar. Baş verənlər barədə Əzizin izahatını gözləməyən Quli özü ona zəng vurub. Çeçen avtoritet kobud tərzdə obyektlərin ona çatdığını bildirib. Nadir Səlifov cavabında söz verib ki, bunun mütləq qarşılığı olacaq. Bundan sonra kriminalların münasibəti haqda heç bir müfəssəl məlumat yoxdur.

Çeçenistana qayıtdıqdan sonra Əziz Batukayevə böyük ümidlər bəslənirdi. Ancaq o, ümidləri doğrultmadı və Çeçenistandakı kriminal favoritlər sırasından çıxdı. Hazırda Çeçenistanda Gilani Əliyev( Ağbaş Gilani), İslam Edilqiriyev(Böyük İslam), Əziz və bir neçə gün əvvəl azadlığa buraxılan Əhməd Dombayev klanları mövcuddur. Böyük İslam və Ağbaş Gilaniyə də «stavka» edilmədi. Hamı onu -Əhməd Dombayevi (Şalinskini) gözləməyə başladılar ki, məhz o, çeçen mafiyasının rəhbəri olmalıdır.

Beləliklə, bir neçə gün əvvəl 38 yaşlı Dombayev azadlığa buraxılıb və Çeçenistana qayıdıb. Onu vətənində qəhrəman kimi qarsalayıblar. Ehtimal edilir ki, o, təkcə çeçenlərin «1 №-li qanuni oğrusu» olacaq və həm də əvvəllər Azərbaycan kriminal diasporunun nəzarəti altında olmuş ən gəlirli obyektləri öz əlinə ala biləcək.

Ehtimal olunur ki, mövcud situasiyanı kardinal şəkildə dəyişməyi yalnız Əhməd Dombayev bacarar və o, əhəmiyyətli dəstəyin olacağı təqdirdə, kriminal boss olmağa cəhd göstərə bilər – xüsusilə bazarlar onun nəzarəti altına keçər.

Dombayev – idmançıdır və dindardır. Narkotikdən uzaqdır. Demək olar ki, Dombayev lap gənc yaşlarından müxtəlif həbsxanalarda cəza çəkib. Cavanlıqda qarətçilik və quldurluğa görə mühakimə olunub, sonuncu dəfə isə böyük səs-küylü iş üzrə dəmir barmaqlılar arasına düşüb.

Amma Rusiya mənbələri iddia edir ki, çeçen mafiyasının lideri Şalinski deyil, onun da böyük qardaş bildiyi Kazbek Dokuzovdur.

Kazbek Dokuzov “Forbs”un rus versiyasının rəhbəri Pol Xlebnikovun 2004-cü ildə baş verən qətlində suçlanır və federal axtarışdadır. Amma onun Çeçenistanda sərbəst gəzdiyi haqda da iddialar var. Kazbek Dokuzov 2000-ci illərdə Moskvaya gəlib və burada Artik Dabçayev və Müslum Xasxanovun dəstəsinə daxil olub. Bu dəstə Moskvada bir sıra avtoservislər, mehmanxanalar və sairə nəzarət edirdi. Artik və Muslümun azərbaycanlı “qanuni oğru” Mirseymur Abdullayevlə (Nardaranlı Mirseymur) problemləri yaranır.

2003-cü ilin 21 martında Kutuzov prospektindəki "Take" barında tərəflər arasında görüş təyin edilib. Bu zaman killer içəri girməmiş, elə vitrinin o üzündən atəş açaraq çeçenlərin oturduğu masanın arxasında oturanları güllələmişdi. Sui-qəsd nəticəsində Artik, Müslüm və Otar(lotu Otar) aldıqları güllə yaralarından həlak olurlar. Həmin masada olan Kazbek Dukuzov isə xəsarət aldı. Bir neçə gün sonra Kazbek müalicə aldığı xəstəxanadan qaçır. İki ay sonra "Peşera" gecə klubunda azərbaycanlı “qanuni oğur - Lotu Mirseymur və dostu İlyas Babayev öldürülür. Rusiya hüquq-mühafizə orqanları iddia edir ki, azərbaycanlıları güllələyən iki killerdən biri Kazbek olub.

Nardaranlı Mirseymuru ile ilgili görsel sonucu

Moskvanın “Niyə Çeçenistanda “qanuni oğru”lara qarşı cinayət işi açılmır” sualına belə cavab verilib: “Bunun üçün Allahın iradəsi lazımdır, o da hələ yoxdur...”

Yeri gəlmişkən, indi həbsdə yalnız bir çeçen “qanuni oğru” – Ömər Ufumski qalır. O da cəzasının heç bir “qanuni oğru” ya nəsib olmayan Moskva vilayətindəki həbsxanada çəkir. Adətən, belə kriminalları Rusiyanın ucqarlarındakı həbsxanalara göndərirlər.

Musavat.com

Xəbərin oxunma sayı : 388