Fanat.Az İngiltərə mətbuatına istinadən xəbər verir ki, portuqaliyalı mütəxəssisin istefaya göndərilməsi gündəmə gəlib.

Artıq mətbuat Mourinyunun qovulacağı halda, alacağı təzminat məbləğini də açıqlayıb. Məlum olub ki, sözügedən çalışdırıcı "Tottenhem"dən qovulacağı təqdirdə, 40 milyon avro (82,5 milyon manat) təzminat alacaq. 

Qeyd edək ki, Mourinyunun illik maaşı 17,5 milyon avrodur (36 milyon manat). Portuqaliyalı Premyer Liqanın ən çox maaş alan mütəxəssislərindən biridi.

"Tottenhem" son 5 Premyer Liqa matçında 4 məğlubiyyət alaraq 24 turdan sonra 9-cu pillədə qərarlaşıb.