AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Həbsdəki MTN generalı zərərçəkəni pulla ələ almaq istəyib - SENSASİON İFADƏ


Tarix 23.05.22, 21:35	Font ölçüsü : - / +

Bakı Hərbi Məhkəməsində Milli Təhlükəsizlik Nazirliyinin (MTN 2015-ci ildə ləğv olunub) İstintaq Baş İdarəsinin sabiq rəisi Mövlam Şıxəliyev, istintaq idarəsinin rəis müavini, 1-ci şöbənin rəisi Yasin Məmmədov, istintaq idarəsinin 2-ci şöbənin rəisi, polkovnik Vüsal Ələkbərov və istintaq idarəsinin metodiki yardım və kriminalistika şöbəsinin rəis müavini Sahib Ələkbərovun cinayət işi üzrə məhkəmə prosesi davam edir.

Zərərçəkənlər iş üzrə təqsirləndirilən şəxslərin hər birinin məhkəmə dövründə həbsini tələb edirlər. Deyirlər ki, yalnız Mövlam Şıxəliyevin həbsdə qalması ümumilikdə məhkəmə istintaqının obyektivliyinə xələl gətirir. Bildirirlər ki, Vüsal Ələkbərov, Yasin Məmmədov və Sahib Ələkbərov da rəisləri olmuş Mövlam Şıxəliyev kimi ağır cinayətlərdə ittiham olunurlar. Təqsirləndirilən şəxslər günahlarını boynuna almırlar, cinayətlərini etiraf etmirlər və dəymiş maddi ziyanı ödəmirlər. Bununla belə başqa yerə getməmək haqqında iltizam verməklə canlarını həbsdən kənar tutmağı bacarıblar.

Qaçaqmalçı adı ilə tutdular, 300 min manat tələb etdilər

Prosesdə şahid qismində zərərçəkmiş Natiq Teymurovun qardaşı Sabiq Teymurov ifadə verib. Deyib ki, qardaşı Natiq Teymurov 2013-cü ilin sentyabrında MTN tərəfindən saxlanılıb.

İttihama görə “Sədərək” ticarət mərkəzində fərdi sahibkarlıqla məşğul olmuş Natiq Teymurov tutulandan sonra iş üzrə istintaq İstintaq Baş İdarəsinin Metodiki Yardım və Kriminalistika şöbəsinin müstəntiqi Fuad Məmmədov Qasım oğluna həvalə edilib. Bundan sonra şöbənin rəisi Sahib Ələkbərov Natiq Teymurovun həbsdə saxlanılacağı və ən ciddi həddə azadlıqdan məhrum etmə cəzasına məhkum edilməsinə nail olacağı ilə hədələyib. Natiq Teymurovdan azad edilməsi üçün əvvəlcə 300 min manat tələb edib. Eyni tələb onun qardaşı Rəfael Teymurluya qarşı da irəli sürülüb. Razılaşa bilmədikdə isə məbləğ 150 min manata endirilib. Sentyabrın 20-də Rəfael Teymurlu 150 min manat pulu MTN-in arxa qapısında Sahib Ələkbərova verib. Bundan sonra Natiq Teymurovun həbsdən azad olunması üçün təcridxana şəraitində saxlanmasını istisna edən ağır xəstəlikdən əziyyət çəkməsi barədə məhkəmə-tibb ekspertizasının 25.09.2013-cü il tarixli 251/KEŞ saylı rəyinin alınmasına nail olunub. Həmin gün Natiq Teymurov həbsdən azad edilib. Məhkəmədə şahid qismində sərbəst ifadə verən Sabiq Teymurov deyib ki, qardaşı Natiq Teymurovun həbsdən buraxılması üçün MTN-nin əməkdaşı Sahib Ələkbərovun tələb etdiyi 150 min manat pulun 8 min manatını o verib:

“Həmin pulu uşaqlarının gələcəyi, ailəmin təminatını ödəmək üçün boğazlarından kəsərək yığmışdım. Qardaşımın azadlığa buraxılması üçün pulu qardaşım Rəfaelə verdim. Dedim ki, məndə də olan pul budur, versin, qardaşımızı buraxsınlar. Rəfael 150 min manat pulu aparıb Sahib Ələkbərova verəndən sonra qardaşım Natiq həbsdən azad edildi”.

Tutulanların azad edilməsinə rəy verən ekspert danışdı Natiq Teymurovun ekspertizadan keçirilməsi epizodu üzrə şahid qismində Cavid Cahangirli sərbəst ifadə verdi. Məhkəmə Tibb Ekspertizası komisyon ekspertizalar şöbəsinin məhkəmə tibb eksperti işləmiş Cavid Cahangirli ifadəsində göstərib ki, Natiq Teymurovun müayinəsini həyata keçirib.

Sərbəst ifadəsindən sonra zərərçəkən Zaur Əliyev ekspertə bir neçə sual verib. Ekspert olaraq həbsdə olan şəxsin azad edilməsinə müdaxilə etmək imkanının, həbs şəraitinin dəyişdirilməsi səlahiyyətinə malik olub-olmaması maraqlanıb. Cavid Cahangirli deyib ki, onun kimisə həbsdən azad etmək və ya saxlama şəraitini dəyişmək imkanı olmayıb. Ekspert vurğulayıb ki, ekspertiza qarşısına qoyulan suallara cavab olaraq müayinəyə təqdim edilən şəxsin sağlıq durumu qiymətləndirilib. MTN tərəfindən təqdim olunan suallar sırasında müayinə olunan şəxsin həbsdə saxlanılmasının məqsədəmüvafiq olub-olmamasına aydınlıq gətirilməsi də istənilib. Belə bir halda müayinə olunan şəxsin azad edilməsinin məqsədəmüvafiq olması cavabı verilib.

Ekspert komissiyasının üzvü İsrayil Məhərrəmbəyli də eyni məzmunlu ifadə verib.

MTN müstəntiqi heç kimdən pul almadığını dedi, bütün qərarları prokurorluğun qəbul etdiyini açıqladı

Bundan sonra Natiq Teymurovun istintaqını aparmış müstəntiq Fuad Məmmədov şahid qismində ifadə verib.

MTN-nin İstintaq Baş İdarəsinin Metodiki Yardım və Kriminalistika şöbəsinin müstəntiqi vəzifəsində işləmiş Fuad Məmmədov deyib ki, şöbə rəisinin müavini Sahib Ələkbərovun adından Seyran Nəcəfov, Elvar Əliyev, Natiq Teymurov, Etibar Cəfərov və qeyrilərinin barəsində CM-nin qaçaqmalçılıq maddəsi başlanılmış cinayət işini icraatına verilib və istintaq qrupu yaradılıb. Həmin cinayət işini icraatına qəbul edərək istintaqını aparıb. Fuad Məmmədov deyib ki, cinayət işi ilə bağlı heç kimdən pul almayıb, tələb etməyib.

Şahid deyib ki, müstəntiq olaraq prosessual şəxs olub və tabeçiliyi istintaqa nəzarəti həyata keçirən prokurora olub. Bildirib ki, qəti imkan tədbirinin seçilməsi, dəyişidirlməsi sırf prokurorluğun göstərişi əsasında həyata keçirilib.

Şahidin sözlərinə görə istintaq müddətində törədilən əməlin qaçaqmalçılıq olmadığı üzə çıxıb və daha yüngül maddəyə tövsif olunaraq həbsdə olunan şəxslər azad ediliblər. İş məhkəməyə göndərilərək müvafiq qərar verilib.

Bu epizod üzrə məhkəmə zalında olan zərərçəkənlər bildiriblər ki, istintaqa əvvəlcədən bəlli olub ki, onların əməlində qaçaqmalçılıq yoxdur. Məhkəmədə isə boş qutuları yandırmaqla guya onlardan götürülmüş keyfiyyətsiz malların məhvi görüntüsü yaradılıb.

“ Mən bu gün də kirayədə yaşayıram. Haramınız olsun!”

Vaxtilə Ədliyyə Nazirliyində işləmiş Mənsurə Hacıyeva da şahid qismində ifadə verib.

O, oğlu Qulam Bağırovun MTN tərəfindən şərlənərək həbsə alındığını dedi:

-Bu gün burada dəmir barmaqlıq arxasında əyləmisən. Sizə görə bizim ailəmiz çox ağır bir vəziyyətə düşdü. Oğlum Qulamı həbs elədiz, etmədiyi cinayətə görə bizim ailəyə qarşı quldurluq etdiz. Bizdən aldığınız pulları ailələrinizə, övladlarınıza verəndə nə deyirdiz? Mən bu gün də kirayədə yaşayıram. Haramınız olsun! Uzun illər Ədliyyə Nazirliyində işlədim, heç vaxt sizin kimi Allahsızlıq etmədim. Bizdən 135 min dollar pul aldınız, oğlum Qulama heç bir aidiyyəti olmayan işə qoşub Ağır Cinayətlər Məhkəməsinə göndərdiz. Orada da Qulama hakim dedi ki, məhkəməyə gəlmə. 1 il sonra da çağırıb saxta bir hökmü Qulama veriblər, deyiblər ki, sənə şərti hökm kəsdik.

Şahid deyib ki, hazırda həbsdə olan MTN rəsmilərinin tələb etdiyi pulun toplanması zamanı rəfiqəsi Adilə Əhmədovadan 5 min dollar, baldızı oğlu Vahiddən 5 min dolları, bacısı Şöhlətdən 500 dollar, ayrı-ayrı sələmçilərdən ümumilikdə 5500 dollar pul alıb.

Mövlam Şıxəliyev həbsindən az əvvəl zərərçəkəni pulla ələ almaq istəyib!

Bundan sonra iş üzrə şahid qismində Əliyusif Zeynalov sərbəst ifadə verib. Məlum olub ki, Mövlam Şıxəliyevin uzaq qohumu olan Əliyusif Zeynalov həm də iş üzrə zərərçəkən Akif Qurbanovla dost olub.

2021-ci ilin əvvəllərində Mövlam Şixəliyevlə bulvarda gəzən zaman sonuncu ona deyib ki, Akif Qurbanov adlı şəxs ondan şikayətçidir. Şikayətçi işləri ilə bağlı guya ondan pul alınmasını deyir. O da Mövlam Şıxəliyevə deyib ki, Akif Qurbanovla dostdur. Bundan sonra Mövlam Şıxəliyev Akif Qurbanovla görüşmək istədiyini deyib.

Ondan Akif Qurbanovla danışmasını və şikayət etməməsini istəyib. Həmin şəxs Mövlam Şıxəliyevin xahişi əsasında onları görüşdürüb, problemin həllinə kömək edə biləcəyini deyib. Təxminən bir həftə sonra o, Akif Qurbanovla sonuncunun yaşadığı binanın həyətində görüşüb.

Akif Qurbanova Mövlam Şıxəliyevin dediklərini çatdırdıqda, o, qardaşı Münasibin yanına gedib orada söhbət etməyi təklif edib. Birlikdə Münasibin Səməd Vurğun küçəsində ofisində oturub söhbət ediblər. O, Mövlam Şıxəliyevin onlarla görüşmək istədiyini deyib. Akif Qurbanov Mövlam Şixəliyevin MTN-də işləyən zaman rəisi olduğu istintaq baş idarəsində ondan pul alındığını və Mövlam Şıxəliyevdən öz pulunu istədiyini bildirib. Deyib ki, əlində məhkəmə qərarı var, ona qarşı edilmiş qanunsuz əməllər sübut olunub və alınan pul qaytarılmalıdır. Şahid bildirib ki, detalları müzakirə etmədən Mövlam Şıxəliyevlə görüşüb məsələni həll etməyi təklif edib. Akif Qurbanov da görüşə razılaşıb. Növbəti gün Akif və Münasiblə Azadlıq prospektində Mövlam Şixəliyevin təklifi ilə sonuncunun qudası Mübarizin adını xatırlamadığı restoranında görüşüblər. Söhbət zamanı Akif Qurbanov Mövlam Şıxəliyevə oğlunun banka kreditə girib onlara pul verdiyini bildirib və “siz mənə böyük əziyyətlər verdiz, məni ölkədən didərgin saldınız”, Mövlam isə “həmin əziyyətlərin mənə aidiyyəti yoxdur” deyib. Mövlam Şıxəliyev orada Akif Qurbanovdan şəxsən ona pul verib-vermədiyini soruşub. Akif Qurbanov isə pulu Vüsal Ələkbərova verdiyini, bu işə rəhbərliyin Mövlam Şıxəliyevin etdiyini və göstərişi məhz onun verdiyini deyib. Mövlam Şıxəliyev isə Akif Qurbanova deyib ki, Vüsal Ələkbərov bu işə görə cəzasını çəkib və azadlığa çıxıb. Onun isə məsələyə aidiyyəti yoxdur. Mövlam Şıxəliyev görüş zamanı Akif Qurbanova şikayətini geri götürəcəyi halda pulu verəcəyini deyib və razılaşıblar. Söhbət növbəti gün Akif Qurbanovun qardaşı Münasibin ofisində davam etdirilib. Həmin görüşdə Akif Qurbanov və qardaşından başqa bir vəkil də olub. Akif Qurbanov ona bir neçə səhifədən ibarət sənəd uzadaraq hirsli halda “al oxu” deyib. O, sənəd barədə soruşanda Akif Qurbanov Mövlam Şıxəliyevin ona həmin sənədlərdə Mövlam Şıxəliyev və Vüsal Ələkbərovdan şikayəti əsəbi halda əsassız yazdığını, əslində heç bir günahlarının olmadığını yazmasını tələb edib.Vəkil isə deyib ki, Akif Qurbanov belə bir ərizə yazacağı halda yalançı kimi qəbul olunacaq və özü məsuliyyətə cəlb oluna bilər. O, orada Mövlam Şixəliyevə zəng edib vəkillə danışdırmış, vəkil Mövlam Şıxəliyevə bu formatda yazılan ərizənin Akif Qurbanovun ziyanına yazılan yazı olduğunu, Mövlam Şıxəliyev isə vəkilə bu söhbəti Vüsal Ələkbərova deyəcəyini bildirib. O, Akif Qurbanovla Mövlam Şıxəliyevin razılaşmasının alınmadığını başa düşüb. Əliyusif Zeynalov deyib ki, bundan sonra oradan uzaqlaşıb.

Proses mayın 24-də davam edəcək.

Xəbərin oxunma sayı : 1519